A Zɔb sɛbɛ 1:21 - A SƐB-SÕW

²¹ ɛ́ yel: «Nũ-zawl'a ɩ̃ dɔw, ɛ́ nũ-zawl'a ɩ̃ na kpi. A Sore tɩr'a, a Sore lɛb'a de. A Sore yúor tɛr'ɩ danʋ!»

A Zɔb sɛbɛ 1:21 Referans Kwoze

Ekilezɩasɩ 5:15

Kpɩɛrʋ kpɛ̃ɛ n'ʋ a ʋ zie, k'ʋʋ yi a tẽw ŋa zu mɛ̃ a lɛ ʋ na wa a. Bʋ̃ʋ n'ʋ ʋ páw a ʋ tome pʋɔ? Zawlalɛ n'a ʋ tõ.

1 Timote 6:7

Tɩ bɛ wa n bom za a tẽ-daa zu ɛ, lɛ mɩ̀ n'a, tɩ kʋ̃ tʋ̃ɔ́ de bom a tẽ-daa zu lɛb'ɩ ɛ.

1 Tesalonikɩ 5:18

nyɩ puore Naaŋmɩn yãanɩ bom za ƴãw. A Naaŋmɩn pʋ-tɩɛrʋ n'ɩ à à ŋá a nyɩ zie, nyɩ na lãw nɩ a Yeezu Kɩrɩta a.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

A Zɔb sɛbɛ 2:10

A Zɔb tɩ sɔw ʋ na yel: «Fʋ ƴɛ̀rɛ na mɛ̃ dãbol a! Tɩmɛ mɩ́ wa sàw de a nʋ̃ɔ̀ a Naaŋmɩn na kʋ̀rɛ tɩ a, bʋ̃ʋ n'ʋ so tɩ mɩ̀ kʋ̃ sàw de a tuo?» A yele á ŋá za pʋɔ a, a Zɔb bɛ tɩ sãw a Naaŋmɩn a ʋ nʋɔr ƴɛ̀rʋ pʋɔ ɩ.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Sɛb-sõw yielu 49:17

Nɩr wa kpɩɛr naalʋ a, a ʋ tɛra yúor wa yire a, fʋ̃ʋ ta zɔrɛ dɛ̃bɩ̃ɛ ɩ.

1 Samɩɛl 2:7

A Sore n'ʋ tɩrɛ a nã́w nɩ a naalʋ, ʋlɛ n'ʋ siwre, ɛ́ ʋlɛ n'ʋ mɩ̀ zɛwr.

A Lãw-mʋɔlɛ 3:38

A Naaŋmɩn-na-do-saa-bɛ-pɩɛl-a nʋɔrɩ́ bɛ n'a a faa nɩ a nʋ̃ɔ̀ mɩ́ yi e?

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

Matie 20:15

Ɩ̃ bɛ tɛr sɔ́r na ɩrɛ lɛ za ɩ̃ na bɔbr a nɩ a ɩ̃ bʋ̃-tɛrɩ ɛ? Bɩɩ nyuur ɩrɛ fʋ na ɩ̃ na ɩ nɩ-vla a?”»

Sɛb-sõw yielu 39:9

Faa mɛ̃ a ɩ̃ yel-bebe za pʋɔ, ta sàw a dãbole ɩrɛ mɛ̃ laar ɛ.

Nɩ-toni 4:28

À à ŋá bɛ na ɩ a, bɛ tu n a lɛ za fʋ na tɩ bɔbr ɛ́ cɔbrɩ a yele nɩ kpɛnʋ bin a.

Ɩzayi 42:24

— Ãa n'ʋ bɛr a Ɩsɩrayɛl, a Zakɔb nɩbɛ kʋ̀ a bɛlɩ dem na fa a bɛ bome a za a, a bɛlɩ dem na za bɛ a? A Sore tɩ na ɩ sãw a bɛ n'ʋ ɛ? A ʋ nɩ-bʋʋrɛ bɛ sàw tu a ʋ sɔ́r ɛ, bɛ bɛ sàw bɛr wõ a ʋ wulu ɛ.

Sɛb-sõw yielu 34:1

Daviir so ʋ. A Daviir tɩ bãw na kɛ́ yarɛ a Abimelɛkɩ niŋé, ʋ diw ʋ bɛr, ʋ tɔl cen.

A Zɔb sɛbɛ 1:11

Ɛcɛ zɛw a nũu tɔ n a ʋ bʋ̃-tɛrɩ ɛ́ nyɛ̃! Mãa yel fʋ: ʋ na càar'a tʋ b.»

1 Samɩɛl 3:18

Lɛ n'a a Samɩɛl tɩ manɩ a ƴɛ̀rʋ za kʋ̀ ʋ, bɛ sɔwl'ʋ bom ɛ. A Eli tɩ yel'a: «Ʋlɛ n'ɩ a Sore! Ʋ ɩ lɛ ʋ na bɔbr a!»

Yele-za-pɛr-tib 45:5

Ɛcɛ ƴɛrɛŋa a, a ta ɩ nyɩ kpɩɛrʋ nɩ pʋ-sãwna nyɩ na kʋ̀ɔrɩ mɛ̃ à à ŋá a ɩ. Naaŋmɩn n'ʋ ƴãw k'ɩ̃ de nyɩ niwn wa a ka, k'ɩ̃ɩ wa tʋ̃ɔ́ faa nyɩ.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Ɩzayi 24:15

«Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ekilezɩasɩ 5:19

A lɛ pʋɔ a, a nɩsaal mɩ́ yiir'ɩ a ʋ nyɔ-vʋʋrʋ na ɩ ŋmãa a, bʋ̃ʋ n'ʋ vɛ̃, Naaŋmɩn mɩ́ paal'ɩ a ʋ socir nɩ nʋ̃ɔ̀.

2 Na-mɩnɛ 20:19

A Ezekɩasɩ tɩ sɔw nɩ a Ɩzayi: «A Sore ƴɛ̀rʋ ŋa fʋ na ƴɛ̀rɛ kʋ̀rɛ mɛ̃ a ɩ n ƴɛ̀r-vla.» Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ à ŋá: «A ɩ̃ cãafʋ daar a, a na ɩ n ƴã-ɓaarʋ, nɩ zie na gã zoom a.»

1 Na-mɩnɛ 12:15

À ŋá n'a a nãà bɛ tɩ bɛr wõ a nɩbɛ ƴɛ̀rʋ ɛ. Alɛ ɩrɛ mɛ̃ bom'ʋ a, a Sore n'ʋ tɩ tõ a nũú, k'aa lɛ ʋ na tɩ ƴãw a ʋ ƴɛ̀r-manɛ Ahiya, na yi Silo a, ƴɛ̀r a Nevatɩ bidɛb Zerobowam zie a, tu.

2 Samɩɛl 16:12

Kapaw a Sore na nyɛ̃ nɩ a ɩ̃ kpɩɛrʋ. Lɛ n'a ʋ na ɩ a ʋ ŋmɛ-ƴãw lɩɛbɩ maalʋ.»

Yele-za-pɛr-tib 30:2

A Zakɔb tɩ nyɛ̃ nɩ ʋ nɩ suur yel: «Ɩ̃ nɔ̃w lɩɛr'ɩ a Naaŋmɩn na bɛ sàw fʋ na dɔw a bɩɩ?»

Zakɩ 5:11

Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.

Urutɩ 1:21

Ɩ̃ tɩ tɛr a na yi n a ka cen nɩ, ɛ́ nũ-zawlɛ n'a a Sore ɩ ɩ̃ lɛb waar. A na ɩ à ŋá a, nyɩ ta cãà bʋɔlɛ mɛ̃ Nowemi ɛ, bʋ̃ʋ n'ʋ vɛ̃, a Sore Kpɛnʋ-za-sob ír'ɩ mimir ƴãw mɛ̃ ɛ́ ɩ m a kpɛ.»

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.

Neemi 9:5

Al pùorí, a levitɩ bɛ ŋa: Yesua, Kadɩmɩɛl, Bani, Hasavɩneya, Serevɩa, Hodiya, Sevanɩa nɩ Petaya tɩ yel'ɩ kpɛ̃w kpɛ̃w za: «Nyɩ ìr àr! Nyɩ puore a Sore nyɩ Naaŋmɩn yãanɩ kʋralɛ, ɛ́ taa bɛrɛ ɩ!» «Sore e, ŋa za, ʋ mɩ́ puore fʋ yãanɩ, fʋ na ɩ yúor-vɩɛlʋ-danʋ tɛwr'a ƴãw, fʋ ɩ n kpɛ̃ɛ zuo yãanɩ puoru za nɩ danʋ za!

A Zɔb sɛbɛ 9:12

Ʋlɛ wa de bom nɩ fãw a, ãa n'ʋ na yel k'ʋʋ lɛb tɩr? Ãa n'ʋ na sàw sowr'ʋ: «Bʋ̃ʋ n'ɩ à ŋá fʋ na pãa ɩrɛ a?»

Sɛb-sõw yielu 34:2

Ɩ̃ na puore nɩ a Sore barka kʋralɛ, a ʋ danʋ na be n a ɩ̃ nʋɔrɩ́ kʋrakʋralɛ.

Ekilezɩasɩ 5:14

Mɛ̃ a lɛ ʋ na yi a ʋ mã puori ɩ a ƴã-gã-kpãkpol a, lɛ mɩ̀ n'a ʋ na yi a tẽw zu ka lɛb cen. Ʋ kʋ̃ ír tɔnɛ kãw za a ʋ tome pʋɔ ɩ, ʋ kʋ̃ tɛr bom kãw za cen nɩ ɛ.