Ɩzayi 9:9 - A SƐB-SÕW

⁹ «A birkiri dacine lo na, tɩ na lɛb'a mɛ a nɩ kʋsɛ-pɛnɩ! A Sɩkomɔɔr tɩɩr wɛwr kar'a, tɩ na lɩɛr'a na nɩ sɛɛdɩr tɩɩr wɛwr!»

Ɩzayi 9:9 Referans Kwoze

Ɩzayi 46:12

Nyɩ bɛrɛ wone a ɩ̃ ƴɛ̀rʋ, nyɩɩm zu-kpɛn dem i, nyɩɩm na zãá nɩ a mɩnʋ a!

1 Pɩɛr 5:5

Lɛ mɩ̀ n'a, a nyɩɩm pɔ́lɛ́, nyɩ mɩ̀ sàwr a bɛlɩ dem na ɩ bɛrɛ a nyɩ ƴãw a nʋɔr. Ɛ́ a nyɩ za a, nyɩ siwre nyɩ tʋɔra a nyɩ ɩ-ɩrɩ pʋɔ, bʋ̃ʋ n'ʋ vɛ̃, bɛ sɛb'a: «A bɛlɩ dem na zɛwr bɛ tʋɔra a, Naaŋmɩn bɛ mɩ́ de a bɛ yele ɩ, ɛcɛ a bɛl na siwre bɛ tʋɔra a, ʋ mɩ́ kʋ̀ bɛ nɩ a ʋ maalʋ.»

Malasɩ 3:13

A Sore yere na: «A nyɩ ƴɛ̀rʋ nyɩ na càarɛ nɩ mɛ̃ a, a kpɛ̃w tɔ. Ɛ́ nyɩ mɩ́ sowre: “Bʋ̃ʋ ƴɛ̀rʋ n'a tɩ ƴɛ̀r càar'ɩ fʋ?”

Ezekɩɛl 33:33

Alɛ n'a so, a yele á ŋá wa ta a lɛn daar a — ɛ́ a na ta n ƴɛrɛŋa — bɛ na bãw na kɛ́ naaŋmɩn-ƴɛ̀r-manɛ tɩ be n a bɛ sɔgɔ.»

Ezekɩɛl 30:19

Ɩ̃ na ɩ n a lɛ ɩ̃ na dɩ a ƴɛ̀rʋ yel a Eziptɩ tẽw ƴãw a, ɛ́ nɩr za na bãw na kɛ́ mãa n'ɩ a Sore.»

Ezekɩɛl 7:27

A nãà na be n ko-tuolu pʋɔ, a nãà bie tɩɛrʋ za na wɛ na, ɛ́ a tẽw nɩbɛ na màwr'ɩ dɛ̃bɩ̃-mawfʋ. Ɩ̃ na ɩ bɛ na tu n a bɛ ɩb, ɩ̃ na dɩ n bɛ nɩ ƴɛ̀rʋ mɛ̃ a lɛ a na sɛw taa nɩ bɛ a. Lɛ n'a bɛ na sàw kɛ́ mãa n'ɩ a Sore.»

Ezekɩɛl 7:9

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraa lɛ. Lɛ n'a nyɩ na sàw k'ɩ̃ɩ ɩ n a Sore na dɔwrɛ nyɩ a.

Zeremi 32:24

A Babɩlɔn tẽw dem'ɩ bɛ ŋa tone a tẽ-kpɛ̃ɛ zɛb-deb tome, tawr pɩɛlɛ nɩ ʋ. Bɛ na zɛb'a de ʋ. Ɩ̃ na tʋ̃ɔ́ na yel k'ʋʋ lo n a bɛ nuru pʋɔ baarɩ. Bɛ bɔbr'a kɛ́ bɛ tʋ̃ɔ́ ʋ nɩ a zɛbr bome, a kɔ̃ nɩ a jɛ̀lmɛ̃ bàalʋ. Fʋ mɩŋa za nyɛ̃ a na, a lɛ fʋ na yel a ta na.

Ɩzayi 48:4

Ɩ̃ bãw nyɩ na nyɩ ɩ nɩ-bʋʋr-gaarɩ. Nyɩ bɛ wone ƴɛ̀rʋ ɛ, ɛ́ a nyɩ zuru kpɛmɛ.

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.

Zʋkpaɩ 16:18

A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

1 Na-mɩnɛ 22:25

A Mise sɔw: «Fʋ na nyɛ̃ a na, a ʋlɩ bibir a na na fɛr fʋ kpɛ a fʋ di-pɛ-baara za pʋɔ tɩ sɔwlɩ a.»

Ɩzayi 7:2

Bɛ tɩ yel'ɩ a Daviir bʋʋrɛ nɩr Akaazɩ nɩ a ʋ tõ-tõ-bi-bɛrɛ à ŋá: «A Siiri tẽw dem maal'ɩ a bɛ zɛbr laɩ a Efarayim tẽw pʋɔ.» A yel ŋa tɩ dam'ɩ a nãà nɩ a ʋ nɩbɛ mɛ̃ sɛsɛb na mɩ́ fu dam tuw tɩɩr a.

Ɩzayi 9:8

A nɩbɛ za bãwnɩ a na, a Efarayim naalʋ-tẽw za nɩ a Samaari tẽw dem. A nɩbɛ bɛ ŋa tɩ ɩ n nyʋ̀ʋ́r nɩ pɔ̀lʋ tɛwr yere nɩ:

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 28:3

A tẽ-kpɛ̃ɛ na ɩ mɛ̃ nãà-kpawʋɔ a, a Efarayim tẽw dã-kuolbɛ nyʋ̀ʋ́r bom a, bɛ na nɛb'ɩ ʋ nɩ gbɛ́ɛ.

A naaŋmɩn-ƴèr-manɛ Oze sɛbɛ 8:14

A Ɩsɩrayɛl yiir'ɩ a mãa ʋ Íre bɛr ɛ́ mɛ yir-vɩɛlɩ vɩɛlɩ. Zuda ʋl a, tẽ-bɛrɛ bɛ na gù vla a n'a ʋ mɛ paalɩ a ziir za. Ɛcɛ ɩ̃ na ƴãw nɩ vũu a ʋ tẽ-bɛrɛ, a vũu na dɩ n a bɛ yir-vɩɛlɩ vɩɛlɩ.»

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.