Ɩzayi 9:6 - A SƐB-SÕW

⁶ Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Ɩzayi 9:6 Referans Kwoze

Luka 2:11

Faarɛ dɔw nɩ a nyɩ ƴãw a dɩ̃a, a Daviir tẽw pʋɔ, ʋlɛ n'ɩ a Kɩrɩta, a Sore.

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Yel-wula 19:16

Yúor ŋa n'ʋ tɩ sɛb a ʋ kpar-kpɛ̃ɛ zu nɩ a ʋ gbɛkpɛ̃ɛ zu: «Na-mɩnɛ za Nãà nɩ sorbɛ za Sore.»

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ɩzayi 53:5

Ɛcɛ a tɩ ɩ-faar'a so bɛ cɔ̀r ʋ col, a tɩ yel-bebe zũú n'a bɛ ƴɛ́r ʋ ŋmɛr. A dɔwrʋ ʋl na ɩ kɛ̀ tɩ páw a ƴã-ɓaarʋ a, ʋl zu n'a k'ʋ lo. Ɛ́ a ʋ natɩɛ n'a so kɛ̀ tɩ nyɛ̃ a sanʋ.

Ɩzayi 28:29

A tub ŋa mɩ̀ yi n a Sore, a kpɛnʋ-za-sob, zie. Yã-wule vla vla n'ʋ, a bãwfʋ ʋ na bãw a ɩ n kpɛ̃ɛ yaga.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

1 Korɛ̃tɩ 15:25

Bʋ̃ʋ n'ʋ vɛ̃, a fɛr'a k'aa Kɩrɩta dɩrɛ naalʋ ɛ́ gù a Naaŋmɩn wa tɩ nɛb a ʋ dɔ̃ dem za bin a ʋ pile.

Sɛb-sõw yielu 45:6

A fʋ pime nɛ́ɛ ɩ n ɓɩlɓɩl, a kpɩɛr'ɩ a nãà dɔ̃ dem nyarʋ pʋɔ. — Nɩ-bʋʋrɛ lore nɩ a fʋ pile.

Ɩzayi 10:21

Ŋmãa na cɛ a na lɛb'a wa. A Ɩsɩrayɛl nɩbɛ ŋmãa na cɛ a, na lɛb'a wa a Naaŋmɩn-Gãdaa zie.

Ƴɛ̀r-dɩrbɛ 13:18

A Sore malkɩ tɩ sɔw ʋ na: «Bʋ̃ʋ n'ʋ so fʋ sowre mɛ̃ a ɩ̃ yúor? Ʋ bɛ tɛr bãwfʋ ɛ.»

Zã 14:27

Ƴã-ɓaarʋ n'a ɩ̃ bɛrɛ kʋ̀rɛ nyɩ, a ɩ̃ ƴã-ɓaarʋ n'a ɩ̃ kʋ̀rɛ nyɩ. Ɩ̃ bɛ kʋ̀rɛ nyɩ mɛ̃ a lɛ a tẽ-daa na mɩ́ tɩr a ƴã-ɓaarʋ a ɩ. Nyɩ ta ɩ pʋl-vʋ̃ɔ nɩ dɛ̃bɩ̃ɛ tɛr nyɩ ɛ.

Ebre 1:8

Ɛcɛ a ʋ Bie ƴãw a, à ŋá n'a ʋ yel: «Naaŋmɩn i, dɩ̃a nɩ bio a, a fʋ naalʋ-dà-kɔw ba na, fʋ kaarɛ nɩ a fʋ naalʋ-tẽw zie nɩ mɩnʋ.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Matie 11:27

A ɩ̃ Sãà de nɩ bom za kʋ̀ m. Nɩr za bɛ bãw a Bie a bɛ ɩ a Sãà n'ʋ ɛ, ɛ́ nɩr za bɛ bãw a Sãà a bɛ ɩ a Bie n'ʋ ɛ, nɩ ʋlɩ sob a Bie na bɔbr wul ʋ bãw a.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Wulu-ayi-sob 10:17

Bʋ̃ʋ n'ʋ vɛ̃, a Sore nyɩ Naaŋmɩn n'ɩ a ŋmɩmɛ za Naaŋmɩn, a sorbɛ za Sore, a Naaŋmɩn na ɩ kpɛ̃ɛ a, na kpɛmɛ ɛ́ bɛ tɛr dɩ̃ɛnʋ a. Ʋ bɛ owre ɩ, ɛ́ bɛ sàwr bɛ ŋmɩɛr ʋ nʋɔr ɛ.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

Zã 1:16

Tɩ za páw nɩ bom a maalʋ za naalʋ ʋ na kpɛ a pʋɔ, tɩ páw nɩ maalʋ suwli taa.

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

Sɛb-sõw yielu 72:7

A ʋ daar a, mɩnʋ na be n be yaga, ɛ́ a ƴã-ɓaarʋ ʋr, lɛn daar za a cuw na na be be a!

Kɔlɔsɩ 2:3

Ʋl zie n'a a yã-bãwfʋ na-bome nɩ a yele bãwfʋ na-bome sɔwlɩ gã.

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Zʋkpaɩ 8:23

Ʋ ɩ na ɩ̃ be a koro kãw za a yele za pɛr-tib daar, a tẽw na bɛ tɩ be sɛr a.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Ɩzayi 53:2

A Sore niŋé a, a tõ-tõ-bie tɩ bàa na mɛ̃ vale a, mɛ̃ va-kũule na tɛ̀ nyɩgɛ tẽ-kõw pʋɔ a. A sãáfʋ nɩ a vɩɛlʋ al bʋʋrɛ a nɩbɛ na mɩ́ jɩ́rɛ a, ʋ bɛ tɩ tɛr a ɩ. A ʋ ŋmɛ̃a bɛ tɩ ɩrɛ tɩ nʋ̃ɔ̀ ɛ.

2 Korɛ̃tɩ 5:19

Bʋ̃ʋ n'ʋ vɛ̃, a Kɩrɩta zũú, a Naaŋmɩn n'ʋ tone kɛ́ ʋlɛ nɩ a nɩsaalbɛ za lɛb kpɛ taa, lɛ so ʋ mɩ́ tɩ de a bɛ sãwna bɛr a baarɩ, ɛ́ ƴãw a lɛb-kpɛ-taa ƴɛ̀r-bie a tɩ nʋɔrɩ́.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Sɛb-sõw yielu 72:3

Tan i, nyɩ wa n a ƴã-ɓaarʋ wa kʋ̀ a nɩbɛ, tãli i, nyɩ wa n a mɩnʋ wa kʋ̀ bɛ!

Sɛb-sõw yielu 45:3

Fʋ pɔ̀l'a zuo a nɩbɛ za, a ƴɛ̀rʋ a, fʋ bãw a na. A sãá na, a Naaŋmɩn na maalɩ fʋ dɩ̃a nɩ bio a.

Neemi 9:32

Fʋ̃ʋ tɩ Naaŋmɩn i, fʋ ɩ n kpɛ̃ɛ, fʋ tɛr'ɩ fãw ɛ́ bɛ tɛr dɩ̃ɛnʋ ɛ, fʋ tɛr'ɩ a wõ-taa fʋ na maal'ɩ tɩ a vla. Cɛlɛ a kpɩɛrʋ a fʋ nɩ-bʋʋrɛ, a tɩ na-mɩnɛ nɩ a tɩ nɩ-bɛrɛ, a tɩ bàwr-maalbɛ, tɩ naaŋmɩn-ƴɛ̀r-manbɛ, a tɩ sãàkʋm-kore nɩ a tɩɩm tɛɛ za na nyɛ̃ a zie, a Asiiri na-mɩnɛ daar za wa tɩ tɔ a dɩ̃a a.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Sɛb-sõw yielu 85:10

A Sore kʋ̃ yaa kɛ́ faa a bɛlɩ dem na zɔrɛ ʋ a ɩ, ɛ́ a ʋ yúor-vɩɛlʋ-danʋ na kpɩɛr'ɩ a tɩ tẽw.

Sɛb-sõw yielu 72:17

A nãà yúor, ʋ be be kʋralɛ, bɛ pore a ʋ yúor lɛn daar za a mʋ̃tɔ̃w na na pure a. A nɩsaalbɛ, bɛ mɩ́ por a ʋ yúor ƴɛ̀r'ɩ a nɔ-vla kʋ̀ taa, ɛ́ a nɩ-bʋʋrɛ za yere k'aa nãà ɩ n zu-nʋ̃ɔ̀ sob.

Sɛb-sõw yielu 50:1

Yielu Asafʋ na maalɩ a. A Naaŋmɩn, a Sore Naaŋmɩn ƴɛ̀rɛ na, ʋ bʋɔlɛ nɩ a tẽw za, a mʋ̃tɔ̃w puru zie tɩ tɔ a kpɛb zie.

Ɩzayi 8:18

A mãa mɩŋa, nɩ a bibiir a Sore na kʋ̀ m a, tɩ ɩ n bãwfʋ, nɩ a lɛ a nɩdaar yele na na ɩ a bãwfʋ a Ɩsɩrayɛl tẽw pʋɔ, a Sore, a kpɛnʋ-za-sob, na kpɩɛr a Sɩyɔ̃ tãw zu a yúor ƴãw.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Ɩzayi 16:5

a lɛn daar a, a fʋ nɔ̃wfʋ zũú a, naalʋ-dà-kɔw na kpɛmɛ ɛ́ cɛlɛ a na be n be a Daviir bʋʋrɛ ƴãw. Ʋ na zɩ̃ na mɛ̃ ƴɛ̀r-dɩrɛ a, a ʋ tɩ́ɛrʋ za ƴãw a yel na-tu-sɔr-a ƴãw, ʋʋ tʋlɛ a mɩnʋ ƴãw.»

A naaŋmɩn-ƴɛ̀r-manɛ Aaze sɛbɛ 2:9

A na ɩ à ŋá a, a yir-kpɛ̃ɛ ŋa vɩɛlʋ na gãw nɩ a dãwdãw yir-kpɛ̃ɛ vɩɛlʋ, ɛ́ a zie ŋa pʋɔ n'a ɩ̃ na ƴãw a ƴã-ɓaarʋ, a mãa Sore, a Kpɛnʋ-za-sob, mãa n'ʋ yere.»

2 Samɩɛl 7:13

Ʋlɛ n'ʋ na ŋmãa yir kʋ̀ m, ɩ̃ɩ na zɩɩl'ɩ a ʋ naalʋ ʋ be kʋralɛ.

2 Samɩɛl 7:16

A fʋ bʋ̃-dɔwra kãw na dɩrɛ nɩ a naalʋ a fʋ pùorí, bʋ̃ʋ n'ʋ vɛ̃, a fʋ yir naalʋ-dɩb kʋ̃ tɛr baarʋ ɛ.”»

1 Na-mɩnɛ 2:33

A Zowab nɩ a ʋ bʋʋrɛ na sɩrɩ na so a sãwna kʋralɛ, ɛ́ a Daviir nɩ a ʋ bʋʋrɛ, a ʋ yir dem nɩ a na-mɩnɛ na na lɩɛrɛ ʋ a tɛr ƴã-ɓaarʋ na yi a Sore zie a kʋralɛ.»

1 Na-mɩnɛ 2:45

Ɛcɛ a Sore na maalɩ mɛ̃ na, ɛ́ ɩ a naalʋ tɛr fãw kʋralɛ a Daviir yir pʋɔ.»

1 Na-mɩnɛ 10:9

A Sore, fʋ Naaŋmɩn, tɛr'ɩ puoru, ʋl na sàw kaa ír fʋ kɛ́ fʋ dɩrɛ naalʋ a Ɩsɩrayɛl zu a. A Sore na nɔnɛ a Ɩsɩrayɛl nɩbɛ kʋralɛ a n'a so ʋ ƴãw fʋ ɩ a bɛ nãà, kɛ́ fʋ tʋ̃ɔ́ ɩ a lɛ-na-tu-sɔr-a nɩ a mɩnʋ a be be.»

Sɛb-sõw yielu 45:7

A fʋ naalʋ-dà-kɔw ɩ na mɛ̃ a Naaŋmɩn naalʋ-dà-kɔw a, ʋ be n be kʋralɛ, mɩnʋ na n'a fʋ dɩrɛ nɩ a naalʋ a.

Sɛb-sõw yielu 89:5

A fʋ pùorí a, a fʋ bʋʋrɛ kãw n'ʋ na mɩ́ dɩ a naalʋ kʋralɛ. À ŋá n'a ɩ̃ na mɛ a fʋ naalʋ-dà-kɔw ʋ gã yome yome za.» Tɛw-àrʋ

Ɩzayi 11:5

A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Ɩzayi 37:32

Bʋ̃ʋ n'ʋ vɛ̃, nɩbɛ na cɛ a na yi n a Zerizalɛm, nɩbɛ na cɩ̃ɛ a na ìr'a àr a Sɩyɔ̃ tãw zu.» A Ɩzayi tɩ yel'a ƴãw pʋɔ: «À ŋá n'a a Sore, a kpɛnʋ-za-sob na ɩ, a ʋ nɔ̃wfʋ na tʋlɛ a zũú.