Ɩzayi 9:3 - A SƐB-SÕW

³ A dàa na ɩ a dɔwrʋ bɛ na dɔwrɛ bɛ a bãwfʋ a, a dabɔl na vàrɛ a bɛ bawŋmamɛ a, a dakpuli-ŋmãa bɛ na ŋmɩɛr'ɩ bɛ a, fʋ kar a na bɛr, mɛ̃ a lɛ fʋ na tɩ ɩ a ʋlɩ bibir fʋ na zɛb tʋ̃ɔ́ a Madian tẽw dem a.

Ɩzayi 9:3 Referans Kwoze

Sɛb-sõw yielu 119:162

A lɛ fʋ na yel a ɩrɛ mɛ̃ nɩ nʋ̃ɔ̀ mɛ̃ nɩr na nyɛ̃ na-bʋ̃-kpɛ̃ɛ a.

1 Pɩɛr 1:8

a Yeezu Kɩrɩta nyɩ na nɔnɛ ɛ́ bɛ nyɛ̃ a, a ʋl nyɩ mɩ̀ na sàw de ɛ́ bɛ nyɛ̃ sɛr a. Ɛ́ nyɩ na sàw de a, nyɩ cɩlɛ nɩ nʋ̃ɔ̀ cɩlʋ na bɛ tɛr manʋ, ɛ́ ɩ a nyɩ yúor-vɩɛlʋ-danʋ cɩlʋ a,

Ɩzayi 26:15

Fʋ ɩ na a tɩ tẽw nɩbɛ yɛ̀r dɔwlɩ, Sore e, fʋ ɩ na a tɩ tẽw nɩbɛ yɛ̀r dɔwlɩ, fʋ wul'ɩ a fʋ yúor-vɩɛlʋ-danʋ, fʋ ɩ na a tẽw tʋr-bɔwrɩ za taw tɔl nidaa.

Ɩzayi 66:10

Nyɩ lãwnɩ a Zerizalɛm cɩlɛ, nyɩ cɩlɛ ƴawr'ɩ a ʋ ƴãw, nyɩɩm za na nɔnɛ ʋ a. Nyɩɩm na tɩ be a wahala pʋɔ a ʋ ƴãw a, nyɩ lãwnɩ ʋ ƴɛrɛŋa a nʋ̃ɔ̀ na kpɛ ʋ bol bɛr a pʋɔ.

Ɩzayi 65:18

Nʋ̃ɔ̀, a paalɩ nyɩ laarɩ, nyɩ cɩlɛ kʋralɛ a ʋlɩ bom nɛ ɩ̃ na na ír a ƴãw. Ɩ̃ na ɩ na a Zerizalɛm ɩ tẽ-kpɛ̃ɛ nʋ̃ɔ̀ na paalɩ a, ɛ́ a ʋ nɩbɛ ɩ nɩ-bʋʋrɛ cɩlʋ na tɛr a.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

1 Samɩɛl 30:16

Lɛ n'a a nɩr ʋl tɩ tɛr a Daviir tɩ ta n a Amalesitɩ mɩnɛ zie. A Amalesitɩ mɩnɛ tɩ yɛ́r a pàw a tẽw za, pãa dɩrɛ ɛ́ nyuur, ɛ́ maalɛ cuw nɩ a bʋ̃-yaga al za bɛ na tɩ de a Filisɩtɛ̃ mɩnɛ tẽw nɩ a Zuda tẽw a.

Luka 11:22

Ɛcɛ nɩr na kpɛmɛ zuo ʋ a, wa zɛb tʋ̃ɔ́ ʋ a, ʋ mɩ́ faa nɩ a ʋ zɛbr bome na mɩ́ tɩ ɩ ʋ bɛr yã a, ɛ́ põ a ʋ bʋ̃-tɛrɩ za.

Sɛb-sõw yielu 4:7

Nɩbɛ yaga yere na: «Ãa n'ʋ na ɩ tɩ nyɛ̃ a nʋ̃ɔ̀? Sore e, tɛr niw-vla a tɩ ƴãw.»

Filib 4:4

Nyɩ cɩlɛ kʋralɛ nyɩ na lãw nɩ a Sore a, ɩ̃ lɛb'a yere: nyɩ cɩlɛ.

Zakari 10:8

Ɩ̃ na bʋɔl'ɩ a ɩ̃ nɩ-bʋʋrɛ lɛb ɓã bɛ taa, bʋ̃ʋ n'ʋ vɛ̃, ɩ̃ faa bɛ na. Bɛ na yãwmɛ na mɛ̃ a dãwdãw a.

Zakari 8:23

A lɛn daar a, mãa n'ʋ yere, nɩ-sãanbɛ pie a ƴɛ̀rʋ na ɩ tɛɛtɛɛ a na mɩ́ nyɔw nɩ Zifʋ been kparʋ ƴãw ɛ́ yel ʋ: “Tɩ bɔbr'a kɛ́ tɩ páw nyɩ cen, bʋ̃ʋ n'ʋ vɛ̃, tɩ wõ na kɛ́ a Naaŋmɩn be n a nyɩ zie.”»

Zakari 2:11

Alɛ! Zerizalɛm nɩbɛ bɛ na diw cen nɩ a Babɩlɔn a, nyɩ paw fɔ̃w zɔ cɩ̃ɛ.»

A naaŋmɩn-ƴèr-manɛ Oze sɛbɛ 4:7

A bàwr-maalbɛ za cɔ̃cɔ̃ maal'ɩ yel-bier sãw mɛ̃. Ɩ̃ na ɩ n a bɛ yúor na yi a lɩɛbɩ vĩ.

Zeremi 31:7

À ŋá n'a a Sore yere: «Nyɩ lɔbr nʋ̃ɔ̀ cɛlsɩ a Ɩsɩrayɛl ƴãw, nyɩ cɩɩrɛ nɩ nyɩ pʋɔ za a nɩ-bʋʋr-yoru niw-diere ƴãw! Nyɩ ɩ bɛ wone a nyɩ danʋ, ɛ́ nyɩ yere: “Sore e, faa a fʋ nɩbɛ, a Ɩsɩrayɛl nɩbɛ bɛl na cɛ a!”

Ɩzayi 61:10

Ɩ̃ cɩlɛ na, ʋ̃ʋ ɩ̃ cɩlɛ nɩ a Sore ƴãw. A ɩ̃ socir cɩlɛ nɩ a ɩ̃ Naaŋmɩn ƴãw. Bʋ̃ʋ n'ʋ vɛ̃, ʋ faarɛ mɛ̃ na ɛ́ suur mɛ̃ a faafʋ mɛ̃ kparʋ a, ʋ pile nɩ a mɩnʋ pàwr mɛ̃ mɛ̃ kpar-kpɛ̃ɛ a. Ɩ̃ ɩ na mɛ̃ dɛb-sãan na vili pɛn a ʋ zũú a, bɩɩ mɛ̃ pɔw-sãan na ƴãw a ʋ pɩ̃ɛmɛ a.

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Ɩzayi 55:12

Nʋ̃ɔ̀ n'a na ɩrɛ nyɩ nyɩ yi a Babɩlɔn tẽw pʋɔ, ɛ́ ƴã-ɓaarʋ n'a bɛ na tɛr'ɩ nyɩ lɛb wa n a nyɩ tẽw. Nyɩ na tɔlɛ na a tan nɩ a tãli ŋmɩɛr nʋ̃ɔ̀ cɛlsɩ, ɛ́ a wɩ̀ɛ tɩɩr za ŋmɩɛr nuru ƴãwn.

Ɩzayi 54:1

Zerizalɛm i, lɔbr nʋ̃ɔ̀ cɛlsɩ, fʋ̃ʋ na bɛ tɩ cãà tɛr bibiir a. Lɔbr nʋ̃ɔ̀ cɛlsɩ cɩlɛ nɩ, fʋ̃ʋ na bɛ tɩ cãà dɔwr a. Bʋ̃ʋ n'ʋ vɛ̃, a Sore yere nɩ à ŋá a fʋ zie: «Fʋ̃ʋ, pɔw-zawr-bɛra a, fʋ tɛr'ɩ bibiir ƴɛrɛŋa zuo a pɔw na tɛr sɩr a.»

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Sɛb-sõw yielu 107:38

A Sore mɩ́ maalɩ bɛ na bɛ yɛ̀r yãwmɛ yaga, ʋ bɛ mɩ́ sàw a bɛ dʋn nʋɔr siwri ɛ.

Neemi 9:23

Fʋ kʋ̀ bɛ nɩ bʋʋrɛ bɛ yãwmɛ mɛ̃ a saa ŋmar-bie a. Fʋ tɛr bɛ na kpɛ n a Kanãa tẽw, fʋ na tɩ yel a bɛ sãàkʋm-kore kɛ́ bɛ cen tɩ zɛb de a.

Ƴɛ̀r-dɩrbɛ 5:3

Nyɩɩm na-mɩnɛ, nyɩɩm nɩbɛ niw-dierbɛ, nyɩ ƴãw tobr vla! Mãa a, ɩ̃ na yiele nɩ a Sore ƴãw, ɩ̃ na zɛwr'ɩ a Sore, a Ɩsɩrayɛl Naaŋmɩn.

Nɩ-toni 8:8

Nʋ̃ɔ̀-kpɛ̃ɛ tɩ paal'ɩ a tẽw nɛ.

A Zɔb sɛbɛ 12:23

Ʋ mɩ́ ɩ na a nɩ-bʋʋrɛ bɛ yɛ́r, al pùorí ʋ ɩ bɛ lo. Ʋ mɩ́ ɩ na bɛ yãwmɛ, al pùorí, ʋ diw bɛ cen nɩ zi-yoru.

Ɩzayi 65:14

A ɩ̃ tõ-tõ-biir na mɩ́ cáarɛ na, ɛ́ nʋ̃ɔ̀ paalɩ a bɛ socie! Ɛcɛ a nyɩɩm a, 'wɔbrʋ n'a na mɩ́ 'wɔbr nyɩ nyɩ cɩɩrɛ, ɛ́ a nyɩ socie paalɩ kpɩɛrʋ. Nyɩ na mɩ́ 'huore na, ɛ́ a tɩɛrʋ sãw ʋ za!

Levitɩ mɩnɛ 26:13

Mãa n'ɩ a Sore nyɩ Naaŋmɩn na ɩ kɛ̀ nyɩ yi zaa a Eziptɩ nɩbɛ tẽw pʋɔ, kɛ́ nyɩ ta cãà ɩ a bɛ gbãgbaar a. Ɩ̃ ɩ na a Eziptɩ tẽw dem gãdaalʋ baarɩ a nyɩ zu, ɛ́ ɩ nyɩ bɛr vĩ ɛ́ cere.»

Ƴɛ̀r-dɩrbɛ 7:22

A nɩbɛ kɔbr ata (300) na tɩ pɛblɛ a wɩ́ɛ a lɛn daar a, a Sore tɩ ɩ na a Madian tẽw dem lɛb ŋmɛlɩ cɔ̀rɛ taa kʋrɛ a laɩ za pʋɔ. A bɛl na wa cɛ a tɩ zɔ na tɩ ta Bɛtɩ-Sɩta, Serera lowr, ɛ́ tɩ ta Avɛl-Mehola tẽw na pɩɛlɩ Tabatɩ a.

Ƴɛ̀r-dɩrbɛ 8:12

A Madian tẽw dem na-mɩnɛ Zeva nɩ a Salimuna tɩ nyɔw nɩ zɔba, ɛcɛ a Zedeɔ̃ tɩ diw na nyɔw bɛ, ɛ́ ɩ dɛ̃bɩ̃ɛ nyɔw a bɛ zɛbr-nɩbɛ za.

Ɩzayi 10:26

Bʋ̃ʋ n'ʋ so, a Sore, a kpɛnʋ-za-sob, na zɛw nɩ a ʋ fʋba a Asiiri tẽw ƴãw, mɛ̃ a lɛ ʋ na tɩ ɩ a Madian tẽw dem ƴãw a Orɛvʋ pìir pɛr a. Ʋ na zɛw nɩ a ʋ dabɔl a kʋ̃ɔ-kpɛ̃ɛ zu, mɛ̃ a lɛ ʋ na tɩ ɩ a Eziptɩ tẽw dem ƴãw a.

Ɩzayi 14:5

A Sore sãw nɩ a nɩ-faar kpɛnʋ bɛr, ʋ kár'ɩ a po-to-fãw sob dabɔl bɛr