Ɩzayi 9:17 - A SƐB-SÕW

¹⁷ A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Ɩzayi 9:17 Referans Kwoze

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Ɩzayi 10:6

Nɩ-bʋʋrɛ na bɛ tu m'a ƴãw n'a ɩ̃ tõ ʋ, nɩbɛ na kʋrɛ mɛ̃ suur a ƴãw n'a ɩ̃ yel k'ʋʋ cen, tɩ zà ɛ́ wob a bɛ na-bome, tɩ nɛb nɛb bɛ mɛ̃ sɛ́ɛ zu mɛ̃mɛrɛ a.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

Matie 12:34

Dɔpan bʋʋrɛ bɛ ŋa! Ŋmɩŋmɩn n'a nyɩ na tʋ̃ɔ́ yere yel-vɩɛlɩ nyɩɩm na kpɛ faar a? A alɩ bome nɛ na mɩ́ paalɩ a nɩsaal pʋɔ a, alɛ n'a mɩ́ yire a ʋ nʋɔrɩ́.

Ɩzayi 27:11

A wuli wa kò a, a mɩ́ kar'a lo, pɔwbɛ wa nyɩw a. A nɩ-bʋʋrɛ bɛ ŋa bɛ tɛr yã ɩ. Alɛ so a sob nɛ na ír bɛ a bɛ zɔrɛ bɛ nɩbaalʋ ɛ, a sob nɛ na maalɩ bɛ a bɛ dɩrɛ suur kʋ̀rɛ bɛ ɩ.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Sɛb-sõw yielu 147:10

A wur fãw bɛ n'a ɩrɛ a Sore nʋ̃ɔ̀ ɩ, nɩ a nɩsaal gbɛ-kpɛn ɛ,

Matie 16:3

Ɛ́ a biɓaara nyɩ yel: “Dɩ̃a a, a zie kʋ̃ vɩɛl ɛ, a salom na ɩ zɩɛ wʋlʋlʋ a ƴãw.” A na ɩ lɛ a, nyɩ bãw nɩ a salom ŋmɛ̃a jɩ́rʋ, ɛ́ kʋ̃ tʋ̃ɔ́ bãw a dɩ̃a zie ŋa bãwfʋ al jɩ́rʋ ɛ.

Zakari 9:17

Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Ezekɩɛl 20:33

Ɩ̃ pɔ n nɩ a ɩ̃ nyɔ-vʋʋrʋ, a mãa Sore Naaŋmɩn n'ʋ yere, fãw n'a ɩ̃ na ɩ n, ɩ̃ na bɛr'ɩ a ɩ̃ su-tʋlʋ kpãkpã ʋ ìr, ɛ́ lɛ n'a ɩ̃ na dɩ naalʋ a nyɩ zu.

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

Ɩzayi 65:19

Ɩ̃ na cɩlɛ nɩ a Zerizalɛm ƴãw, nʋ̃ɔ̀ na paalɩ mɛ̃ na laarɩ a ɩ̃ nɩ-bʋʋrɛ ƴãw. Bɛ kʋ̃ cãà wone kon nɩ cɛlsɩ a bɛ pʋɔ ɩ.

Ɩzayi 62:5

Mɛ̃ a lɛ pɔlbile na mɩ́ kul pɔwsɩrale a, lɛ n'a a sob nɛ na lɛb mɩɛr fʋ a na ɩ a fʋ sɩr. Mɛ̃ a lɛ pɔw-sãan na mɩ́ ƴãw a ʋ sɩr nʋ̃ɔ̀ a, lɛ n'a fʋ na ƴãw a fʋ Naaŋmɩn nʋ̃ɔ̀.

Ɩzayi 13:18

A bɛ pime tɛbr'ɩ a pɔlbili lɔbr, bɛ bɛ jɩɩrɛ a bi-pɩɩlɛ bɛrɛ ɩ, bɛ bɛ zɔrɛ a bibiir nɩbaalʋ ɛ.»

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

A Zɔb sɛbɛ 15:34

Sɩza, a nɩ-faar bɛ ŋa kʋ̃ tɛr bʋʋrɛ ɩ. Vũu dɩrɛ nɩ a nɩr bɛ na mɩ́ ŋmɛ a nʋɔr a yir.

Sɛb-sõw yielu 109:12

Nɩr za taa cãà ɩrɛ vla a ʋ zie ɩ, nɩr za taa zɔrɛ a ʋ bi-kpebe nɩbaalʋ ɛ!

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 14:20

Ɛcɛ bɛ kʋ̃ ũù fʋ lãwnɩ bɛ ɩ, fʋ na sãw a fʋ tẽw bɛr a ƴãw, fʋ na kʋ a fʋ nɩ-bʋʋrɛ a. A nɩ-faar bʋʋrɛ yúor kʋ̃ lɛb por towtow ɛ.

Ɩzayi 24:5

A nɩbɛ na kpɩɛr a tẽw a dɛw ʋ na bɛr, bʋ̃ʋ n'ʋ vɛ̃, bɛ zawr'ɩ a Sore wulu bɛr, bɛ bɛ tu a lɛ ʋ na yel a ɩ, bɛ sãw nɩ a wõ-taa na be kʋralɛ ʋ na maal'ɩ bɛ a bɛr.

Ɩzayi 31:2

Ɛcɛ a ʋl mɩ̀ a, ʋ cɩ na: ʋ na tʋ̃ɔ́ na ɩ a yel-faa ta, ʋ bɛ lɩɛbɛ a lɛ ʋ na yel a bɛrɛ ɩ. Ʋ ìre nɩ a nɩ-faar lãw ƴãw, nɩ a yel-fa-maalbɛ bɛ na bʋɔlɛ kɛ́ bɛ wa sõw a ƴãw.

Ɩzayi 31:3

A Eziptɩ tẽw dem ɩ n nɩsaalbɛ tɛwr, bɛ bɛ tɛr Naaŋmɩn fãw kãw za ɩ. A bɛ wie ɩ n dʋn tɛwr, a bɛ tɛr bom kãw za dɔwlɩ ɛ. A Sore wa zɛw a nũu a, a sõw-sõwne na kaw na, a sob ʋ na sõwne a lo, à ɩ a bɛ za ayi baarʋ.

Ɩzayi 40:30

A pɔlbili tɛɛ za fãw mɩ́ siwr'a, bɛ mɩ́ bàl'a. A nɩbɛ na ta nɩbɛ a mɩ́ lo na.

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 8:13

A ʋlɩ bibir a, a pɔwsɩrali na pɔl pɔl a nɩ a pɔlbili na kpi n kʋ̃ɔ-nyúur.

Ɩzayi 5:24

Alɛ so bɛ na ɩ mɛ̃ mʋ̃ɔ vũu na dɩ a, bɩɩ mɛ̃ a mɔ̃-kon na bɔr vũu-zɛlɛ pʋɔ a. A nyɩgɛ ƴãw n'a bɛ na tĩ pʋ̃ɔ́, ɛ́ a bɛ puuru lɩɛbɩ uuru ìr do. Bʋ̃ʋ n'ʋ vɛ̃, bɛ zawr'ɩ a Sore, a kpɛnʋ-za-sob, wulu bɛr, bɛ bɛ ŋmɛlɩ kaa a Ɩsɩrayɛl Naaŋmɩn na ɩ sõw a ƴɛ̀rʋ ɛ.

Ɩzayi 33:11

A lɛ nyɩ na tɩɛrɩ kɛ́ nyɩ ɩ a, ɩ n dʋn mʋ̃ɔ tɛwr, ɛ́ alɛ wa maalɩ a lɛn daar a, ãá ɩ mɔ̃-kon tɛwr.

Ɩzayi 33:12

A nyɩ mɩŋa nʋɔr pɩɛlʋ na dɩ nyɩ na mɛ̃ vũu a. Vũu na dɩ n a nɩ-bʋʋrɛ bɛ lɩɛbɩ tãpɛlʋ. Bɛ na lɔb bɛ na ƴãw vũumí mɛ̃ wuli-gʋ̀ʋ́r bɛ na cɛ ŋma a.