Ɩzayi 9:15 - A SƐB-SÕW

¹⁵ A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Ɩzayi 9:15 Referans Kwoze

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Ezekɩɛl 13:19

Nyɩ jewre mɛ̃ nɩ a ɩ̃ nɩ-bʋʋrɛ niŋé, nũ-kue ɔɔzʋ bɩɩ bʋ̃-dɩrɩ blã tɛwr ƴãw. Nyɩ ŋmarɛ nɩ ziri kʋ̀rɛ a ɩ̃ nɩ-bʋʋrɛ bɛ sàwr a nyɩ ziri. Lɛ n'a nyɩ mɩ́ ɩ a bɛl na bɛ sɛw kɛ́ bɛ kpi a, bɛ kpi, ɛ́ ƴãw a bɛl na bɛ sɛw kɛ́ bɛ vʋʋrɛ a, bɛ vʋʋrɛ!

1 Samɩɛl 9:6

A tõ-tõ-bie tɩ yel ʋ na: «Naaŋmɩn nɩr kãw be n a tẽw ŋa na be a tɩ nidaa a pʋɔ, a ʋ yúor yi n yaga: ʋlɛ wa yel kɛ́ bom na ɩ na a, a bom ʋl mɩ́ ɩ na. Lɛ so, ɩ tɩ cen tɩ nyɛ̃ ʋ, a mɩnɛ kãw, ʋ na wul tɩ nɩ zie nɛ tɩ na na cãà tu bɔbr a tɩ bome a.»

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Malasɩ 2:9

A mãa mɩ̀ a, ɩ̃ na ɩ na nyɩ ɩ nɩ-ɩ-laarɩ nɩ nɩ-bɛ-tɛr-bir mɩnɛ a Ɩsɩrayɛl nɩbɛ za zie. Bʋ̃ʋ n'ʋ vɛ̃, nyɩ bɛ tuur a ɩ̃ sɛ́ɛ ɩ, ɛ́ a wulu tub pʋɔ nyɩ owre.»

A naaŋmɩn-ƴèr-manɛ Oze sɛbɛ 9:8

A Sob nɛ na piwre a zie a Efarayim ƴãw a be n a Naaŋmɩn zie, a naaŋmɩn-ƴɛ̀r-manɛ n'ʋ. Ɛcɛ bɛ ƴãwnɛ nɩ bɛrɩ a ʋ sɛ́ɛ za zu, bɛ mɩ́ diw ʋ na tɩ sãá nɩ a ʋ Naaŋmɩn yir.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Zeremi 23:9

Ƴɛ̀rʋ na ƴɛ̀r càar'ɩ a naaŋmɩn-ƴɛ̀r-manbɛ a. A ɩ̃ pʋɔ za sãw na, a ɩ̃ ƴã-gan za màwr'a. Ɩ̃ ɩ na mɛ̃ dã-kuole a, mɛ̃ nɩr divɛ̃ na tʋ̃ɔ́ a. A Sore, a Naaŋmɩn na ɩ sõw a ƴãw n'a, nɩ a ʋlɩ bom nɛ ʋ na yel a:

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Ɩzayi 28:17

Ɩ̃ na de nɩ a lɛ-na-tu-sɔr-a ʋ ɩ a miw-máná, ɛ́ de a mɩnʋ ʋ ɩ a kur-mɔrmɔr miwr. Ɛcɛ a sa-bi-kube na sãw nɩ a nyɩ pib zie na ɩ bɛlʋ a bɛr, a kʋ̃ɔnɩ na tuo nɩ a nyɩ sɔwlʋ zie.

Ɩzayi 5:13

Alɛ n'a so a Sore yere: «Bɛ na ír'ɩ a ɩ̃ nɩ-bʋʋrɛ a bɛ tẽw pʋɔ, bɛ na bɛ sàw bãw bom a ƴãw. A bɛ nɩ-yée na kpi n kɔ̃, ɛ́ a zu-sɛbla kpi kʋ̃ɔ-nyúur.»

Ɩzayi 3:5

A nɩbɛ na ɩrɛ nɩ taa po-to-fãw-ɩb, ŋa za a ʋ tɔ sob zie: a pɔlbili na dɔwrɛ nɩ a dɛb-nyamɛ, a nɩ-bɛ-tɛr-bir mɩnɛ dɔwrɛ a nɩ-sɩza mɩnɛ.

1 Na-mɩnɛ 13:18

Ɛcɛ a naaŋmɩn-ƴɛ̀r-manɛ tɩ yel ʋ na: «A mãa mɩ̀ a, naaŋmɩn-ƴɛ̀r-manɛ nɛ m, mɛ̃ a fʋ̃ʋ a. Ɛcɛ malkɩ kãw ƴɛ̀r'ɩ a Sore yúor ƴãw, yel k'ɩ̃ɩ tɛr fʋ lɛb wa n a ɩ̃ yir, fʋ wa dɩ kɛ́ nyũ.» Ziri n'a ʋ tɩ ŋmãa kʋ̀ ʋ.

A Zɔb sɛbɛ 22:8

Fʋ mɩ́ tɩ sõw nɩ a kpãkpãw-kpɛ̃w sob ʋ faa a bãbàal tẽsɔw, ɛ́ fʋ ƴãw a fʋ nɩ-nɔna ʋ kpɩɛr a be.

Ɩzayi 19:15

Nɩr za kʋ̃ lɛb tʋ̃ɔ́ ɩ bom a Eziptɩ tẽw ɛ, a zú nɩ a zʋʋr ɛ, a kpãkparmɛ wule nɩ a bàa-kɛkɛr ɛ.

Ɩzayi 23:9

A Sore, a kpɛnʋ-za-sob'ʋ yel k'ʋʋ ɩ a nɩbɛ bɛ na ƴãwnɛ a pɔ̀l-ɩb baarɩ, k'ʋʋ siwri a tẽw zu nɩ-yée za.

Ɩzayi 28:7

A bàwr-maalbɛ nɩ a naaŋmɩn-ƴɛ̀r-manbɛ mɩ̀ a, a divɛ̃ ɩ na bɛ bɛ cãà bãw yã ɩ, a dã-kpɛn ɩ na bɛ dẽdere. A dã-kpɛn ɩ na bɛ bɛ cãà bãw yã ɩ, a divɛ̃ ɩ na bɛ bɛ cãà bãw bɛ tʋɔra zie ɩ. A dã-kpɛn ɩ na bɛ dẽdere, ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ. A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 43:27

A fʋ sãàkʋm-kʋra dãw-niwn sob maal'ɩ yel-bier, ɛ́ a bɛlɩ dem na ƴɛ̀rɛ a fʋ yúor ƴãw a gaarɩ a ɩ̃ zu

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Ɩzayi 59:4

A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Amɔsɩ 2:4

À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Mise 3:5

À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Ɩzayi 3:12

A Sore yere na: “Ɩ̃ nɩ-bʋʋrɛ ɛ, a bɛlɩ dem na dɔwrɛ nyɩ a, bibili nɛbɛ, ɛ́ pɔwbɛ nɛbɛ dɩrɛ a naalʋ a nyɩ zu. Ɩ̃ nɩ-bʋʋrɛ ɛ, a bɛlɩ dem na tɛr nyɩ cere nɩ a, tule nyɩ na, bɛ tuli nɩ a nyɩ sɔ́r.”

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.