Ɩzayi 9:12 - A SƐB-SÕW

¹² A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Ɩzayi 9:12 Referans Kwoze

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.

2 Bibie za yel-manɩ 28:18

A Filisɩtɛ̃ mɩnɛ mɩ̀ tɩ ìr'a kpɛ so a Ba-Peyi nɩ a Zuda naalʋ-tẽw saa-pɛrɩ́-gʋba-lowr tẽ-bɛrɛ: bɛ tɩ zɛb'a de Bɛtɩ-Semɛsɩ, Ayalon, Gederɔtɩ, lãwnɩ Soko, Timina, Gimizo nɩ a tẽ-kpɔwlɩ, ɛ́ kpɛ zɩ̃ a be.

Sɛb-sõw yielu 79:7

Bʋ̃ʋ n'ʋ vɛ̃, bɛ 'wɔb'ɩ a Zakɔb bʋʋrɛ, bɛ sãw nɩ a bɛ tẽw bɛr.

2 Na-mɩnɛ 16:6

A lɛn daar, a Siiri tẽw nãà, Eresin, tɩ ɩ na a Siiri tẽw dem lɛb so a Eilatɩ, ʋʋ diw a Zuda tẽw dem a be. A Edɔm tẽw nɩbɛ tɩ lɛb'a wa wa kpɩɛr a be, bɛ cãà nɩ be nɩ dɩ̃a.

Zeremi 10:25

Nɩ̃ɛ ɩ a fʋ suur ʋ ìr a nɩ-bʋʋrɛ na bɛ bãw fʋ a ƴãw, a nɩbɛ bɛl na bɛ bʋɔlɛ a fʋ yúor a ƴãw. Bʋ̃ʋ n'ʋ vɛ̃, bɛ báarɛ nɩ a fʋ nɩbɛ, bɛ báarɛ bɛ nɩ bɛ za, bɛ sãwnɛ nɩ a fʋ nɩbɛ tẽw bɛrɛ.

Ɩzayi 10:4

A gaso nɩbɛ tɛwr pʋɔ n'a nyɩ na gũu, bɩɩ a kũuni sɔgɔ n'a nyɩ na lo a tẽw. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Zeremi 35:11

Ɛcɛ a lɛn daar a Nabikodonozɔɔr na wa ŋmãa nɩ a tẽw zɛbr a n'a, tɩ tɩɛrɩ tɩ pʋɔ: alɛ sa kɛ́ tɩ kpɛ a Zerizalɛm tẽw pʋɔ, a Babɩlɔn tẽw nɩ a Siiri tẽw zɛbr-nɩbɛ ta páw tɩ ɛ. À à ŋá n'a tɩ kpɩɛr a Zerizalɛm a ƴɛrɛŋa.»

Zeremi 4:8

A na ɩ à ŋá a, nyɩ su vʋɔrɩ kparɩ! Nyɩ kone a nyɩ kpɩɛrʋ! Nyɩ ùore! Bʋ̃ʋ n'ʋ vɛ̃, a Sore bɛ bɛr a ʋ su-tʋlʋ kpãkpã a tɩ ƴãw ɛ.

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Ɩzayi 11:14

Bɛ na lãw na dãw taa cen a Filisɩtɛ̃ mɩnɛ tãli ƴãw, a mʋ̃tɔ̃w-kpɛb-lowr, bɛ na za n a wɛja-kpalɛ pʋɔ nɩbɛ a saa-pɛrɩ́ lowr: bɛ na so nɩ a Edɔm nɩ a Mowab ten, ɛ́ a Amɔ̃ tẽw dem sàwr a bɛ nʋɔr.

Ezekɩɛl 6:14

Ɩ̃ na wul bɛ nɩ a ɩ̃ fãw. Ɩ̃ na sãw nɩ a bɛ tẽw bɛr, ɛ́ ɩ a ziir al za bɛ na kpɩɛr a ɩ zawlɛ, a na yi a wɛja-kpalɛ na be a saa-pɛrɩ́-dʋrʋ-lowr ɛ́ tɩ tɔ a Divla tẽ-kpɛ̃ɛ na be a saa-pɛrɩ́-gʋba-lowr a. Lɛ n'a bɛ za na sàw k'ɩ̃ɩ ɩ n a Sore.»

Ezekɩɛl 16:27

Alɛ so ɩ̃ wul fʋ a ɩ̃ kpɛnʋ: ɩ̃ ŋmãa nɩ a fʋ bʋ̃-dɩrɩ ɛ́ bɛr fʋ kʋ̀ a fʋ dɔ̃ dem, a Filisɩtɛ̃ tẽ-bɛrɛ, al vĩ na tɩ ɩrɛ, a fʋ ɩb na bɛ maal'ɩ wob a zũú a.

Ɩzayi 31:1

Baw-bio wɛ! A nɩbɛ bɛ ŋa siwr'ɩ Eziptɩ tẽw kɛ́ bɛ tɩ bɔ sõwfʋ. Bɛ bɛr'ɩ tɩɛrʋ a wie ƴãw, a zɛbr-torkori ƴãw n'a bɛ ƴãw a bɛ tɩɛrʋ, a na yãwmɛ a ƴãw, nɩ a bɛ wi-zɔmnbɛ ƴãw, bɛ na tɛr fãw yaga a ƴãw. Ɛcɛ bɛ bɛ jɩ́rɛ a Ɩsɩrayɛl Naaŋmɩn na ɩ sõw a lowr ɛ. Bɛ bɛ bɔbr a Sore ɩ.

Zeremi 15:7

A tẽw tẽ-kpɛ̃ɛ za pʋɔ a, ɩ̃ zɛw nɩ a ɩ̃ bʋ̃-yɛla k'ɩ̃ɩ yɛ́lɩ nɩ a nɩbɛ bɛr a ziir za. Ɩ̃ ɩ na bɛ bɛ cãà tɛr bibiir ɛ, baarɩ bɛ za, ɛcɛ bɛ bɛ lɩɛbɩ a bɛ ɩb ɛ.

A naaŋmɩn-ƴèr-manɛ Oze sɛbɛ 7:10

A Ɩsɩrayɛl nyʋ̀ʋ́r, alɛ n'a yere a ʋ sãwna. Ɛcɛ bɛ bɛ lɛbr waar a Sore bɛ Naaŋmɩn zie ɩ. À á ŋá za na saa ta bɛ a, bɛ bɛ bɔbr a Sore ɩ.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:8

Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:9

«Ɩ̃ ƴãw na bàalʋ kpɛ a nyɩ ciri, ɩ a ko bɩɩ pɔ̃ a dàar zu, a nyɩ zaadɛ̃ pʋɔ bome nɩ a divɛ̃ tɩɩr, a nyɩ kãkamɛ nɩ a nyɩ olivʋ tɩɩr, zãzule 'wɔb a na. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:10

«Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Sofoni 1:6

Ɩ̃ na kʋ n a bɛlɩ dem na mɩ́ gùr pùor cɔw a mãa Sore, ɛ́ bɛ mɩ́ bɔbr mɛ̃, ɛ́ bɛ sowre mɛ̃ bom a.»

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.