Ɩzayi 8:19 - A SƐB-SÕW

¹⁹ Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

Ɩzayi 8:19 Referans Kwoze

1 Bibie za yel-manɩ 10:13

A Sawul na bɛ tɩ tu a Sore a n'a so ʋ na kpi a: ʋ bɛ tɩ tu a lɛ a Sore na yel a ɩ, ɛ́ cen tɩ páw nɩr na sowre a kpɩmɛ a ƴãw pʋɔ,

Levitɩ mɩnɛ 20:6

«Nɩr wa sowre kpɩ̃ɩn, sowru bʋʋrɛ kãw za a, tɩbɛ maalʋ kãw n'a, ɩ̃ na ìr'ɩ a sob ƴãw, ír ʋ bɛr a Ɩsɩrayɛl bʋʋrɛ pʋɔ.»

2 Bibie za yel-manɩ 33:6

Ʋ tɩ nyɩw nɩ a ʋ bidɛbr maal'ɩ bàwr a Bɛn-Hinom fʋɔla pʋɔ, ʋ tɩ tu n tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr'a ɩrɛ a lɛ na bɛ vɩɛl a Sore zie a, a Sore suur tɩ ìr.

Sɛb-sõw yielu 106:28

Bɛ tɩ maal'ɩ a Pewɔɔr tẽw ŋmɩn Báàl, ɛ́ 'wɔb dʋn nɛnɛ bɛ na kʋ kʋ̀ kũuni a.

Levitɩ mɩnɛ 19:31

«Nyɩ taa sowre kpɩ̃ɩn sowru bʋʋrɛ kãw za ɩ, a na ɩ na nyɩ ɩ dɛwr dem. Mãa n'ɩ a Sore nyɩ Naaŋmɩn.»

Ɩzayi 29:4

Fʋ na lo na siw pile za, a fʋ kɔkɔr ɩ mɛ̃ a tẽsɔw pʋ̃ɔmɩ n'a ʋ yire a. Ʋ na yire nɩ a tanɛ pʋɔ bɛ bɛ maal wone ʋ ɛ. A na ɩ na mɛ̃ a tẽsɔw pʋɔ n'a ʋ yire mɛ̃ nyãakpɩ̃ɩn kɔkɔr na waalɛ yire a tanɛ pʋɔ a.

Ɩzayi 19:3

A Eziptɩ tẽw dem yã na yi na, ɩ̃ na dam'ɩ a yele bɛ na tɩ́ɛrɩ bin a nyaw taa. Lɛ n'a bɛ na sowre a bɛ tɩbɛ, a tɩtɩlbɛ nɩ a bàwr-bʋwrbɛ.

1 Samɩɛl 28:8

A Sawul tɩ lɩɛr'ɩ a ʋ bʋ̃-suuri, kɛ́ bɛ ta tʋ̃ɔ́ bãw ʋ ɛ, ɛ́ ƴãw nɩbɛ ayi bɩɛl'ʋ cen nɩ. Tɩ̃ɩsɔw n'a bɛ tɩ ta a pɔw nɛ zie. A Sawul tɩ yel ʋ na: «Ɩ̃ bɔbr'a kɛ́ fʋ sowri kpɩ̃ɩn kãw kʋ̀ m, ɛ́ bʋɔlɩ a sob nɛ ɩ̃ na na yel kʋ̀ b a.»

Wulu-ayi-sob 18:11

ʋ tɛr ɩ-ɩrɩ nyɔwr'ɩ a nɩbɛ ɩ, ʋ lɔbr a nɩbɛ ɩ, ʋ kabrɛ a kũu kabrʋ bʋʋrɛ kãw za ɩ.

Zeremi 10:10

Ɛcɛ a Sore ɩ n Naaŋmɩn-sɩza, Naaŋmɩn na vʋʋrɛ a, nãà na be kʋralɛ a. A ʋ suur wa ír a, a tẽsɔw mɩ́ dam'a, ɛ́ a nɩ-bʋʋrɛ bɛ tʋ́ɔr a ʋ suur ɛ.

2 Na-mɩnɛ 21:6

Ʋ tɩ nyɩw nɩ a ʋ bidɛb maal'ɩ bàwr, ʋ tɩ tu n a tɩtɩblʋ bʋʋrɛ bʋʋrɛ pùor, ɛ́ mɩ́ cen tɩ páw a bɛlɩ dem na kabrɛ a nyãakpɩmɛ a. Ʋ tɩ tɛr a ɩrɛ a lɛ na bɛ vɩɛl a Sore zie a, a Sore suur tɩ ìr.

2 Na-mɩnɛ 1:3

Ɛcɛ a Sore malkɩ kãw tɩ wa na, wa páw Eli na yi Tisibe a, yel ʋ: «Ìr, tuori a nɩbɛ a Samaari nãà na to a, yel bɛ à ŋá: “Naaŋmɩn bɛ be a Ɩsɩrayɛl tẽw, nyɩ cere kɛ́ nyɩ tɩ sowri Ekiron tẽw ŋmɩn Baal-Zebub bɩɩ?”

2 Na-mɩnɛ 23:24

A Naaŋmɩn wulu sɛbɛ a bàwr-maal-kara Hɩlkɩahu na tɩ nyɛ̃ a Ŋmɩn-yir-kpɛ̃ɛ pʋɔ a, ƴɛ̀rʋ sàwfʋ ƴãw a, a Zozɩasɩ tɩ kʋ n a nɩbɛ na mɩ́ sowre a nyãakpɩmɛ kaar a, a Zerizalɛm nɩ a Zuda tẽw pʋɔ. Ʋ tɩ ƴãw na bɛ sãw a yie ŋmɩmɛ, a tɩbɛ nɩ a bʋ̃-faar za bɛr.

1 Samɩɛl 28:16

A Samɩɛl tɩ yel ʋ a: «A Sore wa zawrɩ fʋ bɛr, ɛ́ lɩɛbɩ a fʋ dɔ̃ sob a, bʋ̃ʋ n'ʋ so fʋ sowre mãa?

2 Pɩɛr 2:1

Naaŋmɩn-ƴɛ̀r-man-bɛlɛbɛlɛ mɩnɛ mɩ̀ tɩ be n a Ɩsɩrayɛl bʋʋrɛ pʋɔ a koro za. Lɛ n'a wul-wul-bɛlɛbɛlɛ mɩnɛ mɩ̀ na be a nyɩ pʋɔ. Bɛ na wa n nɩ wulu na bɛ tu sɔ́r ɛ́ bɔrɛ a nɩbɛ a, mɔ̃ mɩ̀, bɛ na zawr'ɩ a Wul-wul-kara na ya de bɛ a bɛr. À ŋá n'a bɛ na ɩ ƴãw bɛ tʋɔra kũu na kʋ̃ yaa kɛ́ ta a pʋɔ.

1 Samɩɛl 28:11

A pɔw tɩ sowr'ʋ na: «Ãa n'ʋ fʋ bɔbr k'ɩ̃ɩ bʋɔlɩ kʋ̀ b?» Ʋ sɔw: «Bʋɔlɩ Samɩɛl.»

1 Tesalonikɩ 1:9

A nɩbɛ za na ƴɛ̀rɛ a tɩ ƴɛ̀rʋ a mɩ́ manɛ nɩ a lɛ nyɩ na de tɩ a sãanʋ, a lɛn daar tɩ na tɩ wa a nyɩ zie a, nɩ a lɛ nyɩ na tɩ zawrɩ a tɩbɛ bɛr ɛ́ tu a Naaŋmɩn kɛ́ nyɩ tone ʋ, ʋl na ɩ Naaŋmɩn-vʋʋra nɩ Naaŋmɩn-sɩza a.

Nɩ-toni 16:16

Bibir kãw tɩ na tɩ cere a puoru zie a, tõ-tõ-bi-pɔwle kãw tɩ cen na tuori tɩ: Kɔ̃tɔ̃-faa na ɩ ʋ bãwnɛ nɩdaar yele a, tɩ nyɔw ʋ na, ʋʋ tɩ páwr libie yaga kʋ̀rɛ a ʋ nɩ-bɛrɛ, nɩ a nɩdaar yele ʋ na mɩ́ tɩ manɛ a.

Yele-za-pɛr-tib 41:24

A ble zu-mɩɩlɛ tɩ vɔl'ɩ a ble zu-vɩɛlɩ ayopõi al. Ɩ̃ man nɩ a zánʋ á ŋá kʋ̀ a tɩtɩlbɛ, ɛcɛ a bɛ kãw za bɛ tʋ̃ɔ́ ír a pɛr kʋ̀ m ɛ.»

Ɩzayi 26:14

A nɩ-bɛrɛ bɛ ŋa kpi na kʋ̃ lɛb vʋʋrɩ ɛ, bɛ ɩ n nyãakpɩmɛ tɛwr, bɛ kʋ̃ lɛb ìr ɛ. Fʋ wa na wa ɩ bɛ kpi pàw pɛr, wa ɩ a bɛ tɩɛrʋ tɔr za bɔr a nɩbɛ zie.

Ɩzayi 30:2

Nyɩ cere nɩ a Eziptɩ tẽw ɛ́ bɛ sowri mɛ̃ kaa ɩ. Faarawɔ̃ naayir'a nyɩ zɔrɛ kpɩɛr, a ʋ tẽw ɓaarʋ́ n'a nyɩ bɔbr sɔwlʋ zie!

Ɩzayi 45:11

À ŋá n'a a Sore yere, ʋl na cɔbrɩ a ʋ nɩ-bʋʋrɛ Ɩsɩrayɛl, ɛ́ ɩ a ʋ Naaŋmɩn na ɩ sõw a: «Nyɩmɛ nɛbɛ na tɛr sowru a ɩ̃ zie a ɩ̃ bibiir nɩdaar yele ƴãw, ɛ́ yere a lɛ a na fɛr k'ɩ̃ɩ ɩ a kʋ̀rɛ mɛ̃ bɩɩ?

Ɩzayi 47:12

Cãà cere nɩ a fʋ sɔ-yele nɩ a fʋ tɩtɩblʋ ɩ-ɩrɩ za. A fʋ pɔ̀lʋ daarɩ́ za n'a fʋ tɩ zanɩ a hanɩ nɩ, tɩ́ɛrɛ nɩ kɛ́ fʋ na ír'ɩ tɔnɛ a pʋɔ, nɩ k'aa mɩnɛ kãw fʋ na ƴãw nɩ nɩ nɩbɛ dɛ̃bɩ̃ɛ.

Ɩzayi 47:13

Fʋ bàl'a nɩ a yã bɛ na wule fʋ a! A bɛlɩ dem na mɩ́ ŋma a salom põ ziir ziir a, a bɛlɩ dem na mɩ́ jɩ́rɛ a ŋmar-bie bãwnɛ yele a, ɛ́ cuw za bɛ mɩ́ yel a ʋlɩ bom nɛ na na ta b'a, bɛ wa wa faa fʋ!

Zeremi 27:9

A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Mise 5:12

Ɩ̃ na ŋmɛ n a nyɩ tɩbɛ ŋmɛr, nɩ a nyɩ kʋsɛ-teli, nyɩ kʋ̃ lɛb puori a nyɩ nuru bʋ̃-maalɩ ɛ.

Wulu-ayi-sob 18:10

Bɛ ta nyɛ̃ nɩr a nyɩ pʋɔ, ʋ nyɩw a ʋ bidɛb bɩɩ a ʋ pɔwyaa maal'ɩ bàwr ɛ, nɩr ʋ tone a tɩtɩwlʋ tome ɩ, ʋ sowre bàwr-bʋwrɛ ɩ, ʋ mɩ́ kanɩ a salom zu bãw yel ɛ, ʋ bãwnɛ nɩdaar yele ɩ, ʋ ɩrɛ sɔ-ɩb ɛ,

1 Samɩɛl 28:7

Lɛ n'a a Sawul tɩ yel a ʋ tõ-tõ-biir: «Nyɩ bɔ pɔw na na tʋ̃ɔ́ sowri a kpɩmɛ a kʋ̀ m, ɩ̃ tʋ̃ɔ́ cen a ʋ zie tɩ bɔ nyɛ̃.» A ʋ tõ-tõ-biir tɩ yel ʋ na: «Kãw be n a Ɛɩn-Door.»