Ɩzayi 8:17 - A SƐB-SÕW

¹⁷ Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Ɩzayi 8:17 Referans Kwoze

Habakukɩ 2:3

A daar ʋl a yel ŋa na na ɩ a, bɛ ta sɛr ɛ. Ɛcɛ a ʋ yel-mɩŋa na sãá nɩ a ʋ daar. Bɛr tɩɛrʋ ɛ́ gùre, alɛ saa sãá mɛ̃ a cɛlɛ na a: a ʋlɩ bom nɛ ɩ̃ na yere a na ta na, bʋnʋ bɛ ka be ɩ, a bɛ lɛb kɔwrɛ ɩ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Sɛb-sõw yielu 33:20

Tɩɩm ƴãw a, a Sore n'ʋ tɩ gùre, ʋlɛ n'ɩ a tɩ sõwne nɩ a tɩ zɛbr-kur-pãgala.

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

Ɩzayi 59:2

Ɛcɛ a nyɩ sãwna n'a ƴãw bɩwra nyɩɩm nɩ a nyɩ Naaŋmɩn cara pʋɔ. A nyɩ yel-bebe n'a so ʋ lɩɛbɩ a ʋ niwn bɛr zi-yoru, k'ʋʋ ta cãà nyɛrɛ nyɩ ɛ́ wone a nyɩ ƴɛ̀rʋ ɛ.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Mise 7:7

Ɛcɛ mãa a, a Sore n'ʋ ɩ̃ jɩ́rɛ, a Naaŋmɩn ɩ̃ faarɛ ƴãw n'a ɩ̃ ƴãw a ɩ̃ tɩɛrʋ, a Naaŋmɩn na wõ n a ɩ̃ bʋɔlʋ.

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.

A naaŋmɩn-ƴèr-manɛ Oze sɛbɛ 12:6

A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

Wulu-ayi-sob 32:20

Lɛ n'a ʋ tɩ yel: “Nɩr bɛ sàwr dier a bɛ ƴɛ̀rʋ ɛ, nɩ-faar bʋʋrɛ sɩrɩ nɛbɛ. Ɩ̃ kʋ̃ cãà kaarɛ a bɛ zie ɩ, ɛ́ nyɛ̃ a lɛ a na na ŋmɛ̃ bɛ a.

2 Tesalonikɩ 3:5

A Sore, ʋ ɩ a nyɩ socie a tɛr a Naaŋmɩn nɔ̃wfʋ nɩ a Kɩrɩta kanyir.

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Sɛb-sõw yielu 39:7

Ʋ mɩ́ cen na kɛ́ wa, ɛcɛ ɓaarʋ tɛwr'ʋ. Ʋ mɩ́ damnɛ na, ɛcɛ sɛsɛb tɛwr'ʋ. ʋ mɩ́ bɔbr'a bine, ɛ́ bɛ bãw ãa n'ʋ na de a a ɩ.

Ɩzayi 26:8

Sɩza n'a, Sore e, a sɔ́r fʋ na yel kɛ́ tɩ tuur a zu a, tɩ mɩ́ ƴãw nɩ a tɩ tɩɛrʋ a fʋ ƴãw. A ʋlɩ bom nɛ tɩ na bɔbr a n'ɩ kɛ́ tɩ bʋɔlɛ fʋ, tɩ tɩ́ɛrɛ fʋ.

Sɛb-sõw yielu 130:5

Ɩ̃ gùre nɩ a Sore, ɩ̃ gùre ʋ na nɩ ɩ̃ pʋɔ za, ɩ̃ ƴãw nɩ a ɩ̃ tɩɛrʋ a ʋ ƴɛ̀rʋ ƴãw.

Yele-za-pɛr-tib 49:18

Sore e, ɩ̃ tɩ́ɛrɛ na kɛ́ fʋ na faa mɛ̃ na!

Luka 2:38

Ʋ na tɩ ta a be a ʋlɩ tɛm nɛ tɔr za pʋɔ a, ʋ danɛ nɩ a Naaŋmɩn ɛ́ manɛ a bie yele kʋ̀rɛ a bɛlɩ dem za na tɩ gùre a Zerizalɛm faafʋ a.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Ɩzayi 33:2

Sore e, zɔ tɩ nɩbaalʋ! Tɩ ƴãw nɩ a tɩ tɩɛrʋ a fʋ ƴãw. Ɩ̀ a tɩ fãw biɓaara za, nɩ a tɩ faarɛ a kpɩɛrʋ daar.

Sɛb-sõw yielu 40:1

Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a.

Sɛb-sõw yielu 37:34

Ƴãw a fʋ tɩɛrʋ a Sore ƴãw, ɛ́ tuur a ʋ sɔ́r, ʋ na zɛw fʋ na, ɩ fʋ so a tẽw, ɛ́ fʋ na nyɛ̃ nɩ a nɩ-faar bɛ na ír bɛr a.

Luka 24:27

Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.

Ebre 2:13

Ʋ mɩ̀ cãà na yel: «Ɩ̃ na ƴãw nɩ a ɩ̃ tɩɛrʋ a fʋ ƴãw.» Nɩ kɛ́: «Mãa n'ɩ ŋan, mãa nɩ a ɩ̃ bibiir a Naaŋmɩn na kʋ̀ m a.»

A Zɔb sɛbɛ 13:24

Bʋ̃ʋ so fʋ sɔwlɛ a fʋ niwn a ɩ̃ ƴãw, ɛ́ ɩrɛ mɛ̃, mɛ̃ a fʋ dɔ̃ sob a?

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 45:15

Ɩsɩrayɛl Naaŋmɩn i, fʋ̃ʋ na faarɛ a, fʋ sɩrɩ na ɩ Naaŋmɩn na sɔwlɩ a!

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

A Zɔb sɛbɛ 35:14

Ɛcɛ, Zɔb i, fʋ sʋ̃ɔm'a bul yel kɛ́ fʋ bɛ nyɛ̃ ʋ ɛ, kɛ́ fʋ man nɩ a fʋ yele kʋ̀ ʋ ɛ́ pãa gùre ʋ!

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.