Ɩzayi 8:16 - A SƐB-SÕW

¹⁶ Ɩ̃ maal'a bine a ɩ̃ ƴɛ̀rʋ sɛbrʋ, ɩ̃ kpàrɛ nɩ a wulu a na sɛw k'ɩ̃ɩ lʋɔrɩ tɩr a bɛrɛ: a ɩ̃ po-tuurbɛ tɛwr nɛbɛ ɩ̃ dier a kʋ̀rɛ.

Ɩzayi 8:16 Referans Kwoze

Ebre 3:5

A Moyiir a, a Naaŋmɩn tɩ de nɩ a ʋ yele a ʋ yir za pʋɔ mɛ̃ tõ-tõ-bie na na dɩ a ƴɛ̀rʋ a Naaŋmɩn na na ƴɛ̀r a dãsɩɛ a.

Markɩ 4:34

Ʋ bɛ mɩ́ tɩ ƴɛ̀rɛ a bɛ zie ɛ́ bɛ lɔbr zʋkpaɩ ɛ, ɛcɛ ʋ mɩ́ tɩ ír'ɩ a za pɛr kʋ̀ a ʋ po-tuurbɛ a bɛ tɛwr zie.

Matie 13:11

Ʋ tɩ sɔw bɛ na: «A nyɩɩm a, bɛ ɩ na nyɩ bãw a tẽ-vla Naalʋ yel-sɔwlɩ, ɛcɛ a bɛ ɩ a lɛ a bɛl zie ɩ.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yel-wula 10:4

Ɩ̃ tɩ maal'a k'ɩ̃ɩ sɛb a lɛ a na yel a, ɛ́ wõ kɔkɔr a salom zu ʋ yere a ɩ̃ zie: «Maal tɛr a ʋlɩ bom nɛ a saa tanʋ ayopõi na yel a, ʋ ɩ yel-sɔwla, taa sɛbr ʋ ɛ.»

Yel-wula 5:5

Lɛ n'a a nɩ-kore ƴen sob tɩ yel mɛ̃: «Ta kone ɩ. Nyɛ̃, a Zuda dɔwlʋ gbẽw, a nãà Daviir bie zɛb'a tʋ̃ɔ́, ʋ na 'lawr'ɩ a sɩ-suur ayopõi ɛ́ yuo a sɛbɛ.»

Yel-wula 5:1

Ɩ̃ tɩ nyɛ̃ nɩ sɛbɛ na pili a, a sob nɛ na tɩ zɩ̃ a naalʋ-dà-kɔw zu a dʋrʋ nũú. Bɛ tɩ sɛb'a ƴãw a pʋ̃ɔmɩ nɩ a zikurí, ɛ́ mɛr a nʋɔr pàw ziir ayopõi nɩ sɩ-suur.

Yel-wula 2:17

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»

1 Korɛ̃tɩ 2:14

A nɩsaal nɩ a ʋ nɩsaalʋ tɛwr kʋ̃ tʋ̃ɔ́ sàw de a yel na yi a Naaŋmɩn Vʋʋrʋ zie a ɩ. A yel ŋa mɩ́ ɩ n gẽgemi a ʋ zie ʋ kʋ̃ tʋ̃ɔ́ bãw ʋ ɛ, a Vʋʋrʋ Sõw yõ na n'ʋ mɩ́ ɩ bɛ bãw a pɛr a ƴãw.

Markɩ 10:10

Bɛ na wa kul a yir a, a ʋ po-tuurbɛ tɩ lɛb'a sowri ʋ a pɔw zawr-bɛrʋ yele,

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Sɛb-sõw yielu 25:14

A Sore mɩ́ yel'ɩ a ʋ yel-sɔwla kʋ̀ a bɛlɩ dem na ƴãwnɛ ʋ a, ʋ mɩ́ ɩ na bɛ bãw a ʋ wõ-taa yel-fɛrɩ.

2 Na-mɩnɛ 11:12

Lɛ n'a a Yehoyada tɩ ƴãw a Zowasɩ yi: ʋ vɔblɩ ʋ a nãà-kpawʋɔ, ɛ́ de a wõ-taa sɛbɛ kʋ̀ ʋ. Al pùorí bɛ cir a kãá ƴãw ʋ a zũú, ɩ k'ʋ ɩ a nãà. Daadaalɛ, a nɩbɛ za tɩ puore nɩ nuru carcarcar, ɛ́ cɩɩrɛ yere nɩ: «A nãà, ʋ vʋʋrɛ!»

Wulu-ayi-sob 4:45

Bɛ na tɩ yi a Eziptɩ baar'a n'a ʋ manɩ a fɛrʋ, a wulu nɩ a tub na be be a kʋ̀ bɛ.

Ɩzayi 50:4

A Sore Naaŋmɩn wul mɛ̃ nɩ a ʋlɩ bom nɛ a na fɛr k'ɩ̃ɩ yel, tʋ̃ɔ́ mɩ́ tɛr mɔwlʋ ƴɛ̀r-bie a sob nɛ na bàl a zie a. Biɓaara za, ʋ mɩ́ sɩ̃w mɛ̃ na, k'ɩ̃ɩ tʋ̃ɔ́ bɛrɛ wone mɛ̃ a po-tuurbɛ a.