Ɩzayi 8:13 - A SƐB-SÕW

¹³ A Sore, a kpɛnʋ-za-sob'ʋ nyɩ na bãw k'ʋʋ ɩ n sõw. Ʋlɛ n'ʋ a fɛr kɛ́ nyɩ zɔrɛ, ʋlɛ n'ʋ a sɛw k'ʋʋ ɩrɛ nyɩ dɛ̃bɩ̃ɛ.

Ɩzayi 8:13 Referans Kwoze

Luka 12:5

Ɩ̃ na wul nyɩ nɩ sob nɛ a na fɛr kɛ́ nyɩ zɔrɛ a: nyɩ zɔrɛ a Naaŋmɩn, ʋl na tɛr fãw na lɔb nyɩ ƴãw a tẽ-faa pʋɔ a kũu pùorí a. Ʋ̃ʋ, ɩ̃ yere na kʋ̀rɛ nyɩ, ʋlɛ n'ʋ a fɛr kɛ́ nyɩ zɔrɛ.

Yel-wula 15:4

Ãa n'ʋ kʋ̃ zɔrɛ fʋ, Sore e, ãa n'ʋ kʋ̃ zɛwr a fʋ yúor? Bʋ̃ʋ n'ʋ vɛ̃, fʋ̃ʋ yõ n'ʋ ɩ sõw, a ten za nɩbɛ na wa na wa lo gbĩ dume a fʋ niŋé, a fʋ ɩ-ɩrɩ na tu yel-mɩŋa sãá a ƴãw.»

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Sɛb-sõw yielu 76:7

Zakɔb Naaŋmɩn i, fʋ na wa tanɩ a, a wi-zɔmnbɛ nɩ a wie gbini na àr.

Malasɩ 2:5

A ɩ̃ wõ-taa a bɛ zie tɩ ɩ n nyɔ-vʋʋrʋ nɩ ƴã-ɓaarʋ ɩ̃ na kʋ̀ bɛ a, kɛ́ bɛ zɔrɛ mɛ̃, ɛ́ bɛ zɔ m'a. Bɛ tɩ tɛr'ɩ mawfʋ a ɩ̃ niŋé.

Ɩzayi 29:23

Bʋ̃ʋ n'ʋ vɛ̃, bɛlɛ nɩ a bɛ bibiir na nyɛ̃ nɩ a ʋlɩ bom nɛ ɩ̃ na na ɩ a bɛ sɔgɔ a. Lɛ n'a bɛ na nyɛ̃ bãw sob nɛ na nɛ m a, mãa, a Zakɔb Naaŋmɩn na ɩ sõw a, bɛ na zɔrɛ nɩ a ɩ̃ pʋɔ sãwfʋ, mãa, a Ɩsɩrayɛl Naaŋmɩn.

Yele-za-pɛr-tib 31:53

A Abraham Naaŋmɩn nɩ a Nahɔɔr Naaŋmɩn, bɛ bãw a yel a tɩ cara pʋɔ.» Lɛ n'a a Zakɔb tɩ pɔ n a Naaŋmɩn na tɩ ɩrɛ a ʋ sãà Ɩzaakɩ ʋ màwr a.

Ʋrɔm 4:20

Ʋ bɛ tɩ bʋnɩ nɩ a lɛ a Naaŋmɩn na yel a ɩ. A ʋ sàw-deb nɩ̃ɛ na lɛb tɩ ɩ ʋ kpɛmɛ ɛ́ danɩ a Naaŋmɩn.

Sɔr-nɛ́ɛ 27:14

Bʋ̃ʋ n'ʋ vɛ̃, nyɩ zawr'ɩ a ɩ̃ nʋɔr a Sin wɛja-kpalɛ pʋɔ, a lɛn daar a lãw na tɩ bɔbr mɛ̃ nɔhaarʋ a. Nyɩ bɛ tɩ bɛr a ɩ̃ sonu ʋ sãá a Ɩsɩrayɛl nɩbɛ zie, a lɛn daar bɛ na tɩ yel kɛ́ nyɩ kʋ̀ bɛ kʋ̃ɔ a ɩ.» A Meriba kʋ̃ɔ yele n'a a Sore tɩ yere, a Nɔhaarʋ kʋ̃ɔ, a Kadɛsɩ, a Sin wɛja-kpalɛ pʋɔ.

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

Eziptɩ tẽw yib 20:20

A Moyiir tɩ sɔw bɛ na: «Nyɩ ta zɔrɛ dɛ̃bɩ̃ɛ ɩ! A nyɩ ɩ-kaafʋ ƴãw n'a a Naaŋmɩn wa. Ʋ bɔbr'a kɛ́ nyɩ zɔrɛ ʋ, ɛ́ ta maalɛ yel-bier ɛ.»

Wulu-ayi-sob 14:23

Al pùorí, nyɩ na mɩ́ cen nɩ a zie ʋl a Sore nyɩ Naaŋmɩn na kaa ír k'ʋʋ mɩ́ wul k'aa be n'a ʋ be a. Nyɩ na mɩ́ tɩ dɩ n a nyɩ ble, a nyɩ divɛ̃-paala nɩ a nyɩ kãá tɛra ziir pie sob a be. Nyɩ mɩ̀ na mɩ́ 'wɔb'ɩ a nyɩ nĩi, a nyɩ píir nɩ a nyɩ bʋʋr bil-dãw-dɔwrɩ. À à ŋá n'a nyɩ na zanɛ a Sore nyɩ Naaŋmɩn zɔba kʋralɛ.

Ɩzayi 5:16

A Sore, a kpɛnʋ-za-sob, na dɩ n a ƴɛ̀rʋ wul ʋ na ɩ kpɛ̃ɛ a. A Naaŋmɩn na ɩ sõw a na tu n a mɩnʋ, wul a ʋ sonu.

Ezekɩɛl 38:16

Fʋ na wa na wa zɛb'ɩ a ɩ̃ nɩ-bʋʋrɛ Ɩsɩrayɛl, ɛ́ fʋ na pàw nɩ a ʋ tẽw mɛ̃ zũzuwr na pàw a tẽw a. A na cɛlɩ nɩ yaga ɛ́ à á ŋá wa bãw ɩ. Ɩ̃ na ƴãw nɩ a fʋ̃ʋ Gɔgɩ fʋ cen tɩ zɛb'ɩ a ɩ̃ tẽw, a nɩ-bʋʋr-yoru tʋ̃ɔ́ bãw mɛ̃ a lɛn daar ɩ̃ nãà wa wul a ɩ̃ sonu a bɛ mimirí a fʋ̃ʋ Gɔgɩ zũú a.

Levitɩ mɩnɛ 22:32

Nyɩ taa sãwnɛ a ɩ̃ yo-sõw ɛ. A nyɩɩm Ɩsɩrayɛl nɩbɛ a, nyɩ nɩ̃ɛ wul kɛ́ mãa n'ɩ a Naaŋmɩn-sɩza. A mãa Sore a, mãa so nyɩ.

1 Samɩɛl 11:7

Ʋ tɩ nyɔw nɩ nĩi ayi kʋ, sɩ, ŋma pʋrpʋr, tõ n nɩbɛ a Ɩsɩrayɛl tẽw za pʋɔ, kɛ́ bɛ tɩ yel à ŋá: «Nɩr bɛ wa yi tu a Sawul nɩ a Samɩɛl pùor, cen a zɛbr a, à ŋá n'a bɛ na ɩ a ʋ nĩi.» A Sore tɩ ɩ na dɛ̃bɩ̃ɛ nyɔw a nɩbɛ, bɛ za yi mɛ̃ nɩ-been a.