Ɩzayi 7:14 - A SƐB-SÕW

¹⁴ A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Ɩzayi 7:14 Referans Kwoze

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Luka 1:31

Nyɛ̃, fʋ na tɛr'ɩ pʋɔ dɔw dɛble, por a ʋ yúor kɛ́ Yeezu.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ɩzayi 8:8

Ʋ na tɩ tɔ n a Zuda naalʋ-tẽw, ʋ na paal'a yi nɛ́ɛ, paalɩ pàw ʋ, do tɩ ƴãw ʋ a kɔkɛɛ. Ʋ na yɛ̀lɩ na, a ʋ kõkowe tɩ zãá, ʋ na pàw nɩ a fʋ tẽw yɛ̀lʋ za, Ɩmanɩɛl i.»

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Zeremi 31:22

Pɔwli-gaara a, debor'a fʋ na cere a ziir za tɩ ta? Bʋ̃ʋ n'ʋ vɛ̃, a Sore ír'ɩ yel-sãw a tẽw zu: a pɔw n'ʋ na bɔ a dɛb.

Ʋrɔm 9:5

Bɛ ɩ n a sãàkʋm-kore bʋʋrɛ, ɛ́ a bɛ bʋʋrɛ pʋɔ n'a a Kɩrɩta yi ɩ nɩsaal, ʋl na zuo bom za, ɩ Naaŋmɩn na tɛr danʋ kʋralɛ a. Amɛn.

1 Samɩɛl 1:20

A Ana tɩ tɛr'ɩ pʋɔ, ɛ́ a daar na wa ta a, ʋ dɔw nɩ dɛble, ɛ́ yel à ŋá: «Ɩ̃ na zɛlɩ ʋ a Sore zie a, ɩ̃ na por ʋ na kɛ́ Samɩɛl.»

1 Samɩɛl 4:21

Ʋ tɩ por'ɩ a bie kɛ́ Ikavɔdɩ, a pɛr lɛ kɛ́: «Yúor-vɩɛlʋ-danʋ-bɛ-cãa-ɩ»: ʋ tɩ yel'a: «A Naaŋmɩn yúor-vɩɛlʋ-danʋ yi na zaa a Ɩsɩrayɛl tẽw!» A Naaŋmɩn wõ-taa daga bɛ na faa a, nɩ a ʋ sɩr-sãà nɩ a ʋ sɩr kũu ƴɛ̀rʋ n'a ʋ tɩ ƴɛ̀r à à ŋá.

Yele-za-pɛr-tib 30:8

A Arasɛl yel: «Ɩ̃ mɔ̃ nɩ nɩ a ɩ̃ yɛb faa faa, ɛ́ tʋ̃ɔ́.» Ʋ tɩ por'ɩ a ʋ bidɛb Nɛfɩtali.

Yele-za-pɛr-tib 29:32

A Leya tɩ tɛr'ɩ pʋɔ dɔw dɛble por kɛ́ Urubɛn. Bʋ̃ʋ n'ʋ vɛ̃, ʋ tɩ yel'a: «A Sore nyɛ̃ nɩ a ɩ̃ kpɩɛrʋ, ƴɛrɛŋa a, a ɩ̃ sɩr na nɔnɛ mɛ̃ na.»

Yele-za-pɛr-tib 30:6

A Arasɛl tɩ yel'a: «Naaŋmɩn dɩ n a ƴɛ̀rʋ nyɛ̃ a ɩ̃ dem de, ʋ kpɛ m. Ʋ wõ n a ɩ̃ zɛlʋ, ɛ́ mɩ̀ kʋ̀ m bidɛb.» Alɛ so ʋ por ʋ Dan.

Yele-za-pɛr-tib 4:25

A Adama tɩ lɛb'a páw a ʋ pɔw, ʋ dɔw bidɛb por a yúor Sɛtɩ, bʋ̃ʋ n'ʋ vɛ̃, ʋ tɩ yere na: «Naaŋmɩn kʋ̀ m'ɩ bidɛb-yũo lɩɛr'ɩ a Abɛl a Kayɛ̃ na kʋ a.»

Yele-za-pɛr-tib 16:11

A Sore malkɩ tɩ cãà na lɛb yel ʋ: «Fʋ tɛr'ɩ pʋɔ, ɛ́ na dɔw dɛble. Fʋ na por'ɩ a ʋ yúor Ɩsɩmayɛl, bʋ̃ʋ n'ʋ vɛ̃, a Sore wõ n a kpɩɛrʋ cɛl fʋ na ŋmɛ a.

Luka 2:12

A ʋ bãwfʋ n'ɩ ŋa: nyɩ na tɩ nyɛ̃ nɩ bi-pɩɩla na pili pɛnɛ gã nɩ dʋ̃-laa pʋɔ a.

Ɩzayi 38:7

A Ɩzayi yel ʋ: «A Sore na kʋ̀ b'ɩ bãwfʋ, k'ʋʋ ɩ fʋ bãwnɩ a k'ʋʋ na ɩ n a lɛ ʋ na yel a, ʋlɛ n'ɩ ŋa:

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Zeremi 44:29

A mãa, a Sore, ɩ̃ yere na: Ɩ̃ na wa n a nyɩ ƴãw a Eziptɩ tẽw ka. Ɩ̃ na kʋ̀ nyɩ nɩ bãwfʋ. Lɛ n'a nyɩ na nyɛ̃ bãw k'aa ɩ̃ ƴɛ̀rʋ ɩ̃ na ƴɛ̀r a nyɩ malʋ ƴãw a, na sɩrɩ na tu. A bãwfʋ ʋl n'ɩ ŋa:

Ƴɛ̀r-dɩrbɛ 6:36

A Zedeɔ̃ tɩ yel'ɩ a Naaŋmɩn: «Fʋ yel'a kɛ́ fʋ na de m a faa nɩ a Ɩsɩrayɛl.

1 Na-mɩnɛ 13:3

A Naaŋmɩn nɩr tɩ cãà na lɛb yel à ŋá a ʋlɩ bibir nɛ: «A bàwr-maal-kuur na ŋmɛr'a, ɛ́ a tãpɛl-kãá na be a ʋ zu a siw gã tẽw. A na ɩ n a bãwfʋ k'aa Sore n'ʋ sɩrɩ ƴɛ̀r.»

Sɛb-sõw yielu 46:8

A Sore Kpɛnʋ-za-sob lãw nɩ tɩ na, a Zakɔb Naaŋmɩn n'ɩ a tɩ zɛbr-yir-kpɛ̃w. Tɛw-àrʋ

Mise 5:2

A Sore na jɛ n a ʋ nɩ-bʋʋrɛ bɛr, ɛ́ gùre a daar nɛ a pɔw, a na fɛr k'ʋʋ dɔw a, nãà wa dɔw a. Lɛ n'a a bɛlɩ dem na na cãà vʋʋrɛ a gbãgbaalʋ pʋɔ, a diw-cenu pùorí a, na lɛb wa wa páw a Ɩsɩrayɛl nɩbɛ ŋmaarɛ.

Luka 20:44

A Daviir bʋɔlɛ ʋ nɩ ʋ Sore, ŋmɩŋmɩn n'a ʋ na ɩ a Daviir bʋ̃-dɔwra?»