Ɩzayi 66:5 - A SƐB-SÕW

⁵ Nyɩ bɛrɛ wone a Sore ƴɛ̀rʋ, nyɩɩm ʋ na mɩ́ ƴɛ̀r nyɩ màwr a: A nyɩ yɛbr bɛ mɩnɛ hɩ̃ɛn nyɩ na, ɛ́ íre nyɩ bɛrɛ a bɛ pʋɔ a mãa ƴãw. Bɛ mɩ́ ɩrɛ nyɩ na laar yere nɩ: «A Sore, ʋ wul a ʋ yúor-vɩɛlʋ-danʋ tɩ tʋ̃ɔ́ nyɛ̃ a nyɩ cɩlʋ!» Ɛcɛ bɛlɛ nɛbɛ na nyɛ̃ vĩ.

Ɩzayi 66:5 Referans Kwoze

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Matie 10:22

Nɩbɛ za na hɩ̃ɛn nyɩ na a ɩ̃ ƴãw. Ɛcɛ sob nɛ wa ƴãw fãw tɩ ta a baarʋ daar a, ʋ na nyɛ̃ nɩ a faafʋ.

Sɛb-sõw yielu 38:20

A ɩ̃ dɔ̃ dem vʋʋrɛ nɩ vla ɛ́ kpɛmɛ, bɛ yãwmɛ na na hɩ̃ɛn mɛ̃ zawla a.

Zã 9:34

Ɛcɛ bɛ tɩ sɔw ʋ na yel: «Fʋ̃ʋ n'ɩ ŋan dɔw yel-bier pʋɔ fʋ za, ɛ́ na wule tɩ ɩ?» Ɛ́ tɩ diw ʋ bɛr a puoru-dĩó.

Zeremi 36:16

Bɛ na wa wõ a ƴɛ̀rʋ á ŋá za a, pʋ̀lá tɩ vʋ̃ɔ nɩ bɛ za, bɛ jɩ́rɛ taa, ɛ́ wa yel a Barukɩ: «A fɛr'a kɛ́ tɩ manɩ a ƴɛ̀rʋ á ŋá kʋ̀ a nãà.»

Ɩzayi 5:19

Bʋ̃ʋ n'ʋ vɛ̃, bɛ mɩ́ yere na: «A Sore, ʋ ɩ fɔ̃w, ʋ paw tõ a ʋ ton kɛ̀ tɩ nyɛ̃ ʋ! A lɛ a Ɩsɩrayɛl Naaŋmɩn na ɩ sõw a, na tɩɛrɩ bin a, ʋ ta ɛ́ maalɩ, ɛ́ tɩ na bãw ʋ na!»

A Yielu za pʋɔ yiel-vla vla 1:6

nyɩ ta cɛlɛ a ɩ̃ ƴã-gã-sɛbla zie ɩ, a mʋ̃tɔ̃w n'ʋ sɛ̃ m. A ɩ̃ yɛ-dɛbr nyɛ̃ nɩ mɛ̃ nɩ suur, bɛ ƴãw mɛ̃ na ɩ̃ gùre divɛ̃ tɩɩr póru, ɛcɛ a mãa divɛ̃ tɩɩr púo a, ɩ̃ bɛ gù ɛ.

1 Zã 3:13

Yɛbr i, a tẽ-daa ŋa nɩbɛ wa hɩ̃ɛn nyɩ a, a ta ɩ mɛ̃ a ùr nyɩ na ɩ.

Luka 13:17

Ʋ na tɩ ƴɛ̀r à à ŋá a, vĩ tɩ nyɔw nɩ a ʋ dɔ̃ dem, ɛ́ nʋ̃ɔ̀ ɩrɛ a zu-sɛbla za, a tõ-vɩɛlɩ za ʋ na tɩ tone a ƴãw.

Zʋkpaɩ 13:13

Nɩr na bɛ cɛlɛ yã bɛ na wule ʋ a zie a ɩrɛ nɩ ʋ tʋɔra. Nɩr na tuur a lɛ bɛ na yere kʋ̀rɛ ʋ a na nyɛ̃ nɩ maalʋ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

2 Tesalonikɩ 1:12

À ŋá n'a nyɩ na íre a tɩ Sore Yeezu yúor, ɛ́ mɩ̀ nyɛrɛ yúor a ʋ zie, a tu a tɩ Naaŋmɩn nɩ a tɩ Sore Yeezu Kɩrɩta maalʋ.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

1 Na-mɩnɛ 21:29

«Fʋ nyɛ̃ nɩ a lɛ a Akab na siwri ʋ tʋɔra a ɩ̃ niŋé sɛw a? Ʋ na siwri ʋ tʋɔra à à ŋá a ɩ̃ niŋé a, ɩ̃ bɛ ɩrɛ a faa páwr a ʋ yir, a ʋ cãafʋ daar ɛ. A ʋ bidɛb daar'a ɩ̃ na ɩ a faa páw a ʋ yir.»

2 Na-mɩnɛ 22:10

Al pùorí ʋ yel ƴãw pʋɔ: «A bàwr-maal-kara Hɩlkɩahu kʋ̀ m'ɩ sɛbɛ ŋa.» Ɛ́ kanɩ a sɛbɛ kʋ̀ a nãà.

2 Bibie za yel-manɩ 34:27

A dam'ɩ a fʋ socir, fʋ siwri fʋ tʋɔra a ɩ̃ niŋé, fʋ na wõ a lɛ ɩ̃ na yel a Zerizalɛm nɩ a ʋ nɩbɛ ƴãw a zũú, fʋ taw nɩ a fʋ kparɩ cɩɛrɩ ɛ́ kõ cir mʋta-kʋ̃ɔ. A na ɩ à ŋá a, a mãa mɩ̀ a, ɩ̃ wõ n a fʋ dem, mãa n'ʋ yere kʋ̀rɛ fʋ,

Ɛsɩdɩrasɩ 9:4

Ɩ̃ tɩ zɩ̃ n à à ŋá tɩ ta a zaanʋɔra bàwr maalʋ daar. Nɩ-yaga tɩ zɔrɛ nɩ a ƴɛ̀rʋ a Ɩsɩrayɛl Naaŋmɩn na na dɩ a yel-faa ŋa ƴãw, a Zifʋ bɛl na yi a diw-cenu zie wa a na maalɩ a. Bɛ tɩ ɓã n taa a ɩ̃ zie.

Sɛb-sõw yielu 119:120

Fʋ ɩrɛ mɛ̃ nɩ dɛ̃bɩ̃ɛ, ƴãw a ɩ̃ ƴã-gan za ʋ màwr, a lɛ fʋ na dɩ a ƴɛ̀rʋ yel a mɩ̀ ɩrɛ mɛ̃ nɩ dɛ̃bɩ̃ɛ.

Ɩzayi 26:11

Sore e, a fʋ nũu zɛw nɩ a ŋmɛb ƴãw, ɛ́ bɛ bɛ nyɛ̃ ʋ ɛ. Ɛcɛ bɛ na nyɛ̃ nɩ a lɛ fʋ na tʋlɛ a fʋ nɩ-bʋʋrɛ gub ƴãw a, ɛ́ vĩ na nyɔw bɛ na. A vũu na be be a fʋ dɔ̃ dem ƴãw a na dɩ bɛ na.