Ɩzayi 65:3 - A SƐB-SÕW

³ A nɩbɛ bɛ ŋa càar'a kʋrɛ mɛ̃ suur kʋralɛ: bɛ maalɛ nɩ bagɛ a zaadɛnɩ pʋɔ, ɛ́ nyɩwr parfɛnɩ birkiri bàwr-maal-kube zu a ŋmɩn-bɛlmɛ ƴãw.

Ɩzayi 65:3 Referans Kwoze

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Ɩzayi 66:17

A nɩbɛ bɛl na mɩ́ sʋ̃ɔmɩ bul so a bɛ dɛwr bɛr, kɛ́ bɛ tʋ̃ɔ́ kpɛ zaadɛnɩ a mɩnɛ kãw pʋɔ a nɛbɛ ɩ̃ yere a ka. Bɛ mɩ́ àr'a tu nɩr na be a zaadɛ̃ sɔwlɩsɔw a. Bɛ mɩ́ 'wɔbr'ɩ dobaa bɩɩ jɩkɔl, bʋ̃-faar na bɛ maal'ɩ wob a. A nɩbɛ bɛ ŋa na lãw na kpi bɛ za. A Sore n'ʋ yere.

A Zɔb sɛbɛ 1:11

Ɛcɛ zɛw a nũu tɔ n a ʋ bʋ̃-tɛrɩ ɛ́ nyɛ̃! Mãa yel fʋ: ʋ na càar'a tʋ b.»

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

A Zɔb sɛbɛ 2:5

Ɛcɛ, zɛw a nũu tɔ n a ʋl tɔr za ɛ́ nyɛ̃! Mãa yel fʋ: ʋ na càar'a tʋ b!»

Levitɩ mɩnɛ 17:5

A nʋɔr ŋa fɛrɛ nɩ a Ɩsɩrayɛl nɩbɛ kɛ́ bɛ mɩ́ tɛr a dʋn wa n a bàwr-maalɛ zie a tuor-taa pɛn-sɛw dɩ̃dɔr nʋɔr wa maal'ɩ lãw-taa bàwr kʋ̀ a Sore, ɛ́ ta cãà kʋrɛ a a wɩ̀ɛ pʋɔ ɩ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Sɛb-sõw yielu 78:58

Bɛ tɩ tɛr'ɩ a bɛ maalʋ-ziir, ƴãw k'a Sore nyɛ̃ suur, bɛ tɩ tɛr'ɩ a bɛ ŋmɩmɛ dasuli, ɩ kɛ̀ nyuur ɩrɛ ʋ.

Sɛb-sõw yielu 78:40

Gb'a a ŋmɩn za, a wɛja-kpalɛ pʋɔ a, bɛ bɛ tɩ sàw a ʋ nɩ-kpɛ̃ɛnʋ a bɛ zu ɛ, bɛ tɩ sãwnɛ nɩ a ʋ pʋɔ a zi-kon á ŋá pʋɔ.

2 Na-mɩnɛ 22:17

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru, a bɛ tɩbɛ ɩ na a ɩ̃ suur ìr. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.