Ɩzayi 65:2 - A SƐB-SÕW

² Ɩ̃ tur'ɩ nũu kʋralɛ cɔw nɩ-bʋʋrɛ na gaarɩ a, nɩbɛ na tuur sɔr-faa ɛ́ ɩrɛ lɛ tɛwr bɛ na tɩɛrɛ a.

Ɩzayi 65:2 Referans Kwoze

Ʋrɔm 10:21

Ɛcɛ à ŋá n'a ʋ yel càar'ɩ a Ɩsɩrayɛl nɩbɛ: «Ɩ̃ tur'ɩ nuru bibi-ɓil za cɔw nɩbɛ na bɛ sàwr nʋɔr ɛ́ ɩ nɩ-gaarɩ a.»

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Zʋkpaɩ 1:24

Ɩ̃ bʋɔlɛ nyɩ na ɛ́ nyɩ bɛ sàwr ɛ, ɩ̃ ture nyɩ nɩ a nũu ɛ́ nɩr za bɛ cɛlɛ be ɩ.

Ɩzayi 1:2

Bɛrɛ wone, salom i! Tẽw i, ƴãw tobr! A Sore n'ʋ ƴɛ̀rɛ: “Ɩ̃ guol'ɩ bibiir bɛ bàa ɩ nɩ-bɛrɛ, ɛcɛ bɛ gaarɩ nɩ a ɩ̃ zu.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Matie 15:19

A nɩsaal socir pʋɔ sɩrɩ n'a a tɩɛr-faar, nɩbɛ kʋb, pɔw-gaa, nɩ-fa-ɩb, nyãnyuwlu, dãsɩ-ziri nɩ zʋmɛ mɩ́ yire.

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 5:23

Ɛcɛ a nyɩɩm a, nyɩ ɩ n nɩbɛ na bɛ wone wulu ɛ́ ɩ nɩ-gaarɩ a. Nyɩ mɩ́ lɩɛb'a tɔlɛ cere.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Sɛb-sõw yielu 36:4

Ziri nɩ bɛlʋ nʋɔr tɛwr'ʋ ʋ ƴãw, ʋ bɛ cãà tɛr a yel-vla maalʋ yã ɩ.

Wulu-ayi-sob 29:19

a Sore kʋ̃ sàw dɩ suur kʋ̀ ʋ ɛ. A ʋ suur nɩ a ʋ nyuur na ír'ɩ a nɩr ŋa ƴãw. Ʋ na ɩ na a ŋmɛ-ƴãw na be a sɛbɛ ŋa pʋɔ a páw ʋ. Ʋ na ɩ na a ʋ yúor bɛ cãà pore a tẽw zu ɛ.

Yele-za-pɛr-tib 6:5

A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.

Luka 13:34

Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr'ɩ kʋsɛbɛ kʋrɛ a bɛlɩ dem a Naaŋmɩn na tone a fʋ zie a! Gb'aa a ŋmɩn za n'a ɩ̃ tɩ bɔbr k'ɩ̃ɩ ɓã a fʋ biir taa, mɛ̃ nɔ-mã na mɩ́ kʋɔlɩ a ʋ lili-pɩɩlɛ ɓã taa a ʋ bɩgɛ pile a, ɛ́ nyɩ bɛ sàw!

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Zʋkpaɩ 16:29

A po-to-fãw sob mɩ́ bɛ̀lɩ nɩ a ʋ tɔ ƴãw ʋ tu sɔ́r na bɛ vɩɛl a.

Wulu-ayi-sob 31:27

Bʋ̃ʋ n'ʋ vɛ̃, ɩ̃ bãwnɩ a na bɛ na ɩ nɩ-gaarɩ a, ɩ̃ bãw nɩ a bɛ zu-kpɛnʋ. Bɛlɛ wa gaarɛ a Sore zie, a dɩ̃a ɩ̃ na cãà vʋʋrɛ be a bɛ sɔgɔ a, a ɩ̃ kũu pùorí a, a na ɩ n towtow.

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.

Sɔr-nɛ́ɛ 15:39

A na ɩ lɛ a, nyɩ na suur'ɩ kparɩ na tɛr zʋɔrɛ a, ɛ́ nyɩmɛ mɩ́ wa nyɛ̃ a a, nyɩ na mɩ́ lɛb'a bãwnɩ a ɩ̃ nɛ-ƴãwnɩ ɛ́ tuur a. Lɛ n'a nyɩ kʋ̃ mɩ́ bɛr a nyɩ mimie nɩ a nyɩ socie tɛr nyɩ tu n a tɩbɛ pùor ɛ.

Ɩzayi 30:1

A Sore yere na: Nyɛ̃ baw-bio na páw nyɩ a, nyɩɩm bibi-gaarɩ i! Nyɩ cɔbrɛ nɩ ɩb na bɛ yi a ɩ̃ zie a, kɛ́ nyɩ ɩ. Nyɩ maalɛ nɩ wõ-taar mãa na bɛ n'ʋ ƴãw nyɩ a tɩɛrʋ a. À ŋá n'a nyɩ mɩ́ maalɩ yel-bier dɔwlɩ yel-bier zu.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 55:8

A Sore yere na: «A nyɩ tɩɛrʋ bɛ ɩ a ɩ̃ tɩɛrʋ ɛ, ɛ́ a ɩ̃ ɩb bɛ ɩ a nyɩ dem ɛ.

Ɩzayi 66:3

Ɛcɛ a bagɛ maalʋ ƴãw a, a nɩbɛ mɩ́ kʋ n náab, ɛ́ mɩ̀ kʋ nɩr. Bɛ mɩ́ ŋmaar'ɩ pɛ́rʋ kɔkɔr, ɛ́ mɩ̀ ŋmɛ baa kʋ. Bɛ mɩ́ de nɩ de-kʋ̀b bom tɩr, ɛ́ mɩ̀ de dobaa zɩ̃ɩ tɩr. Bɛ mɩ́ nyɩw nɩ tɩ-suur-zɔ̃-na-nyùur-vla-vla-a, ɛ́ mɩ̀ maalɩ tɩɩb na bɛ vɩɛl a. A nɩbɛ bɛ ŋa kaa na ír a bɛ sɛ́ɛ, ɛ́ a bɛ ɩ-faar na bɛ maal'ɩ wob a ɩrɛ bɛ nʋ̃ɔ̀.

Sɛb-sõw yielu 36:5

A ʋ bʋ̃-gana zu n'a ʋ mɩ́ tɩɛrɩ a faa, ʋ kpãa nɩ tobr tuur sɔ́r na bɛ vɩɛl a, ʋ bɛ zawrɛ a yel-faa bɛrɛ ɩ.

Ɩzayi 66:4

A na ɩ à ŋá a, a mãa mɩ̀, ɩ̃ na kaa na ír bɛr bɛ kʋ̀ a alɩ bome nɛ bɛ na mɩ́ wa ùr ɩrɛ a lɛ bɛ na nɔnɛ a na waar'ɩ a. Ɩ̃ na ɩ na a ʋlɩ bom nɛ na ɩrɛ bɛ dɛ̃bɩ̃ɛ a wa a bɛ zu. Bʋ̃ʋ n'ʋ vɛ̃, ɩ̃ bʋɔl'a ɛ́ nɩr za bɛ sɔw ɛ, ɩ̃ ƴɛ̀r'a, ɛ́ nɩr za bɛ bɛr wõ ɩ. Bɛ ɩ n a ʋlɩ bom nɛ na bɛ vɩɛl a a ɩ̃ zie, bɛ kaa na ír a ʋlɩ bom nɛ na bɛ nʋmɛ a ɩ̃ zie a.»

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»