Ɩzayi 64:8 - A SƐB-SÕW

⁸ Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.

Ɩzayi 64:8 Referans Kwoze

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Sɛb-sõw yielu 119:73

A fʋ nuru n'a maalɩ mɛ̃, ɛ́ mɩ́ nyɔw mɛ̃ ɩ̃ àr. Ɩ k'ɩ̃ tɛr yã, tʋ̃ɔ́ zanɩ a fʋ nɛ-ƴãwnɩ.

Sɛb-sõw yielu 138:8

Sore e, a bom nɛ fʋ na tĩ a ɩ̃ ƴãw a, fʋ na maal'ʋ na tɩ baarɩ. Sore e, a fʋ nɔ̃wfʋ be n kʋralɛ, taa zawrɛ a fʋ nuru tome bɛrɛ ɩ.

Sɛb-sõw yielu 100:3

Nyɩ bãwnɩ a a Sore na ɩ Naaŋmɩn a, ʋlɛ n'ʋ maalɩ tɩ, ɛ́ só tɩ. Tɩ ɩ n a ʋ nɩ-bʋʋrɛ, a ʋ zaw dʋn.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.

Ɩzayi 29:16

Nyɛ̃ faalʋ kãw nyɩ na fa a! Bɛ na tʋ̃ɔ́ na de a yawr-mɩɛrɛ ʋ ɩ a yawra bɩɩ? A bom bɛ na maalɩ a na yel'ɩ a maalɛ: «Ʋ bɛ maalɩ mɛ̃ bɩɩ?» A bom bɛ na mɛ a na yel'ɩ a yawr-mɩɛrɛ: «Ʋ bɛ bãw bom za bɩɩ?»

Ɩzayi 45:9

Baw-bio n'a, a nɩr fʋ na nyɛ̃ ʋ zɛbr'ɩ a sob nɛ na maalɩ ʋ a. A nɩsaal ɩ na mɛ̃ tanɛ laa a la-taabɛ pʋɔ a. A yawra na sowre nɩ a sob na mɩɛr'ɩ ʋ a: «Bʋ̃ʋ n'ʋ fʋ ɩrɛ ɛ? A fʋ laa bɛ tɛr pɛr ɛ.»

Ɩzayi 44:24

Ɩsɩrayɛl i, a Sore, a fʋ ya-diere na cɔbrɩ fʋ a fʋ mã puori a, ƴɛ̀rɛ nɩ a fʋ zie à ŋá: «Mãa n'ɩ a Sore na maalɛ bom za a. Mãa n'ʋ dɔl a salom, mãa ɩ̃ yõ tẽtẽ, ɩ̃ yɛ́r'ɩ a tẽw ɛ́ nɩr za bɛ sõw mɛ̃ ɩ.

Ɩzayi 43:7

Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

Ɩzayi 44:21

«Bãwnɩ a yel ŋa, Zakɔb i, nɩ fʋ̃ʋ Ɩsɩrayɛl i, bʋ̃ʋ n'ʋ vɛ̃, fʋ ɩ n a ɩ̃ tõ-tõ-bie. Ɩ̃ cɔbrɩ fʋ na kɛ́ fʋ ɩ a ɩ̃ tõ-tõ-bie. Ɩsɩrayɛl i, ɩ̃ bɛ yiire fʋ bɛrɛ ɩ.

Wulu-ayi-sob 32:6

Nɩ-bʋʋrɛ na bol ɛ́ bɛ bãw yã a, a ɩb'ɩ à ŋá nyɩ na ɩrɛ a Sore zie a? Ʋlɛ bɛ n'ɩ a nyɩ sãà, a nyɩ íre, a sob nɛ na ɩ nyɩ ɩ a ʋ nɩ-bʋʋrɛ a ɩ?

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Galasi 3:29

Ɛ́ a Kɩrɩta wa so nyɩ a, nyɩ ɩ n a Abraham bʋ̃-dɔwrɩ, ɛ́ nyɩ na páw nɩ a gbã-dɩ-bom a Naaŋmɩn na yel k'ʋʋ na tɩr'a a.

Eziptɩ tẽw yib 4:22

A lɛ n'a fʋ na yel ʋ: À ŋá n'a a Sore ƴɛ̀rɛ: “A Ɩsɩrayɛl nɩbɛ n'ɩ a ɩ̃ bidɛb-dãw.

Zã 8:41

Nyɩɩm a, a nyɩ sãà ɩ-ɩrɩ n'a nyɩ ɩrɛ.» Bɛ tɩ sɔw ʋ na yel: «Tɩ bɛ ɩ sɛ̃sɛ̃-biir ɛ! Sãà been yõ n'ʋ tɩ tɛr, ʋlɛ n'ɩ a Naaŋmɩn!»

A Zɔb sɛbɛ 10:3

Fʋ na dɔwrɛ mɛ̃ a, fʋ na jewre a fʋ nuru bʋ̃-maala, ɛ́ ɩrɛ a nɩ-faar pʋ-tɩɛrʋ maalɛ a, a nʋmɛ nɩ a fʋ zie e?

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Ɩzayi 19:25

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Ɩzayi 45:11

À ŋá n'a a Sore yere, ʋl na cɔbrɩ a ʋ nɩ-bʋʋrɛ Ɩsɩrayɛl, ɛ́ ɩ a ʋ Naaŋmɩn na ɩ sõw a: «Nyɩmɛ nɛbɛ na tɛr sowru a ɩ̃ zie a ɩ̃ bibiir nɩdaar yele ƴãw, ɛ́ yere a lɛ a na fɛr k'ɩ̃ɩ ɩ a kʋ̀rɛ mɛ̃ bɩɩ?

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Malasɩ 2:10

«Sãà-been bɛ n'ʋ tɩ za lãw ɛ? Naaŋmɩn-been bɛ n'ʋ ír tɩ ɛ? Ɛ́ bʋ̃ʋ n'ʋ so tɩ mɩlɛ taa, sãwnɛ a wõ-taa na be a Naaŋmɩn nɩ a tɩ sãàkʋm-kore cara pʋɔ a bɛrɛ?

Eziptɩ tẽw yib 32:12

Fʋ̃ʋ wa ɩ à à ŋá a, a Eziptɩ nɩbɛ na yere na: “Po-tuo n'a a Sore ɩ n a Ɩsɩrayɛl nɩbɛ, ƴãw bɛ yi a tɩ tẽw pʋɔ, k'ʋʋ tɩ kʋ bɛ a tan pʋɔ, k'ʋʋ tɩ kʋ bɛ pàw pɛr, bɛ ta cãà a tẽw zu ɛ.” Sore e, ɓãá a fʋ su-tʋlʋ kpãkpã, ɛ́ lɛb bɛr a faa fʋ na tɩ bɔbr a fʋ nɩbɛ ƴãw a.

Wulu-ayi-sob 9:29

Ɛcɛ, Sore e, a fʋ nɩ-bʋʋrɛ nɛbɛ, fʋ̃ʋ so bɛ. A fʋ fãw na ɩ kpɛ̃ɛ a, nɩ a fʋ kpɛnʋ na bɛ tɛr tʋ̃ɔ́fʋ a zũú n'a fʋ faa bɛ.»

Sɛb-sõw yielu 74:1

Asafʋ yielu na wule yã a. Naaŋmɩn i, bʋ̃ʋ n'ʋ so fʋ zawrɩ tɩ bɛr a baarɩ? Bʋ̃ʋ n'ʋ so fʋ cãà nyɛ̃ nɩ tɩ suur, tɩɩm na ɩ a fʋ zaw píir a?

Sɛb-sõw yielu 95:6

Nyɩ wa, nyɩ ɩ tɩ gũu zu, tɩ siwri tɩ tʋɔra, tɩ lo gbĩ dume gũu tɩ tɔ tẽw a Sore na mɛ tɩ a niŋé.

Ɩzayi 43:25

Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

Ɩzayi 57:16

Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.