Ɩzayi 64:4 - A SƐB-SÕW

⁴ Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Ɩzayi 64:4 Referans Kwoze

Sɛb-sõw yielu 31:19

A zir-ŋmarbɛ bɛ ŋa, na mɩ́ ƴɛ̀rɛ nyɔka-ƴɛ̀rʋ nɩ pɔ̀l-ƴɛ̀rʋ a, na mɩ́ ɩrɛ a nɩ-mɩŋa laar a, pàw bɛ a nɛ́ɛ.

Zakɩ 5:7

A na ɩ lɛ a, yɛbr i, nyɩ nyɔw nyɩ tʋɔra tɩ ta n a Sore waa daar. Nyɩ nyɛ̃ a kʋ́ɔra a, ʋ mɩ́ nyɔw nɩ ʋ tʋɔra ɛ́ gùre a tẽsɔw bʋ̃-kʋ́ɔrɩ wɔmɛ na ɩ bʋ̃-sɩza a, a bʋ̃-dan lãwnɩ a bɩɛrɩ.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Sɛb-sõw yielu 130:5

Ɩ̃ gùre nɩ a Sore, ɩ̃ gùre ʋ na nɩ ɩ̃ pʋɔ za, ɩ̃ ƴãw nɩ a ɩ̃ tɩɛrʋ a ʋ ƴɛ̀rʋ ƴãw.

Yele-za-pɛr-tib 49:18

Sore e, ɩ̃ tɩ́ɛrɛ na kɛ́ fʋ na faa mɛ̃ na!

Zã 14:3

Ɛ́ mãa wa cen tɩ cɔbrɩ a zie bɛr nyɩ baar'a, ɩ̃ na lɛb'a wa wa tɛr nyɩ, ɛ́ a be ɩ̃ na be a, be n'a nyɩ mɩ̀ na be.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ʋrɔm 8:19

A Naaŋmɩn bʋ̃-íri za mĩine na gùre nɩ a daar ʋl a Naaŋmɩn na na wul a ʋ bibiir yúor-vɩɛlʋ-danʋ ʋ sãá a.

Sɛb-sõw yielu 62:1

Yiel-yielbɛ nɩ-kpɛ̃ɛ sɛbɛ pʋɔ yielu. Yedutun yielu. Sɛb-sõw yielu Daviir na maalɩ a.

1 Zã 4:10

À ŋá n'a a nɔ̃wfʋ ŋmɛ̃: tɩmɛ bɛ nɛbɛ nɔ̃w a Naaŋmɩn ɛ, ʋlɛ n'ʋ nɔ̃w tɩ, ɛ́ tõ a ʋ Bie k'ʋʋ wa de ʋ tʋɔra maal'ɩ bàwr a tɩ yel-bebe suur-dɩ-kʋ̀b ƴãw.

1 Korɛ̃tɩ 1:7

kɛ̀ Naaŋmɩn maalʋ kãw za bɛ cɛ nyɩ ɛ, nyɩɩm na gùre kɛ́ a tɩ Sore Yeezu Kɩrɩta wa sãá a.

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Ɩzayi 40:31

Ɛcɛ a bɛlɩ dem na mɩ́ ƴãw a bɛ tɩɛrʋ a Sore ƴãw a, mɩ́ páw nɩ fãw-paala. Bɛ mɩ́ ƴaw na mɛ̃ sɩlɩ a, bɛ mɩ́ zɔrɛ na bɛ bàlɛ ɩ, bɛ mɩ́ cere na tɔlɛ nidaa ɛ́ a bɛ fãw bɛ síwre ɩ.

Ɩzayi 66:8

Ãa n'ʋ dãw wõ a yel ŋa tɔ? Ãa n'ʋ dãw nyɛ̃ ʋ? Bɛ mɩ́ dɔw nɩ tẽw bibi-been yõ o? Nɩ-bʋʋrɛ na tʋ̃ɔ́ na nyɛ̃ cãà daƴen daadaa a? Ɛcɛ lɛ n'a a ɩ a Zerizalɛm zie: a 'wɔbrʋ tɩ tine ʋ na wa báarɛ, ʋʋ dɔw a ʋ bibiir!

Ɛsɩdɩrasɩ 9:7

A tɩ sãàkʋm-kore daar za wa tɩ tɔ a dɩ̃a bibir a, a tɩ nɩ-bʋʋrɛ maal'ɩ yel-bebe bɛ dɩ vuo ɩ. A al ƴãw n'a a tɩɩm, a tɩ na-mɩnɛ nɩ a tɩ bàwr-maalbɛ tɩ lo na-sãanbɛ nuru pʋɔ, tɩ bãw a zɛbr, a zi-yũo diw-cenu, a tɩ bʋ̃-tɛrɩ fáb nɩ a vĩ, mɛ̃ à à ŋá a na cãà ŋmɛ̃ tɩ a dɩ̃a a.

Sɛb-sõw yielu 103:18

a bɛl na tuur a ʋ wõ-taa nɛ́ɛ a, ɛ́ tɩɛrɛ kɛ́ bɛ ɩrɛ a lɛ ʋ na yel a.

Ɩzayi 59:12

Sɩza n'a, Sore e, tɩ zawr'ɩ a fʋ nʋɔr gb'aa yaga. A tɩ yel-bebe wule na tɩ na sãw a. Tɩ tɛr'ɩ a tɩ gaarʋ ɩ-ɩrɩ tɩɛrʋ kʋralɛ, tɩ bãw nɩ a tɩ sãwna za vla.

A naaŋmɩn-ƴèr-manɛ Oze sɛbɛ 7:7

Bɛ za tʋlɛ nɩ kpãkpã mɛ̃ dipɛ̃ sɛb zie a. Bɛ kʋrɛ nɩ a bɛ niw-dierbɛ. A bɛ na-mɩnɛ lore na lɩɛrɛ taa, ɛ́ kãw za bɛ nɔnɛ k'ʋʋ kõ cɔw mɛ̃ ɩ.

Zakari 10:9

Ɩ̃ ɩ na bɛ yaarɩ be a nɩ-bʋʋr-yoru pʋɔ, mɛ̃ bʋ̃-bʋʋrɛ bɛ na yaarɩ a, ɛcɛ bɛ na tɛr'ɩ a ɩ̃ tɩɛrʋ, a tẽ-zãánɩ pʋɔ. Bɛ na kpɩɛr'ɩ a be nɩ a bɛ bibiir, al pùorí bɛ na lɛb'a wa.