Ɩzayi 64:3 - A SƐB-SÕW

³ Nɩr bɛ dãw wõ a ɩ, nɩr bɛ dãw wõ bɛ yel ɛ, mimir bɛ dãw nyɛ̃ kɛ́ ŋmɩn kãw ɩ n à à ŋá nɩr na ƴãw a ʋ tɩɛrʋ a ʋ ƴãw a, a bɛ ɩ a fʋ̃ʋ ɛ.

Ɩzayi 64:3 Referans Kwoze

Habakukɩ 3:3

Teman tẽw n'a a Naaŋmɩn yi waar, a Naaŋmɩn na ɩ sõw a yi n a Paran tan pʋɔ waar. A ʋ vɩɛlʋ caal'ɩ a salom, a ʋ yúor-vɩɛlʋ-danʋ paal'ɩ a tẽw.

Sɛb-sõw yielu 106:22

na tɩ maalɩ nɔ-ɓãa-yele a Kam tẽw a, na tɩ tõ tome na ɩrɛ dɛ̃bɩ̃ɛ a Bàa-kɛkɛɛ kʋ̃ɔ-kpɛ̃ɛ́ a.

Sɛb-sõw yielu 66:5

Nyɩ wa nyɛ̃ a ʋlɩ bom nɛ a Naaŋmɩn na ɩ a. A ʋ tome sɩrɩ na ɩrɛ a nɩsaalbɛ dɛ̃bɩ̃ɛ.

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Wulu-ayi-sob 10:21

Ʋlɛ n'ʋ nyɩ na mɩ́ danɛ, ʋlɛ n'ɩ a nyɩ Naaŋmɩn na maalɩ yel-bɛrɛ na ɩrɛ dɛ̃bɩ̃ɛ a, a nyɩ ƴãw, yele nyɩ na nyɛ̃ nɩ mimir a.

Habakukɩ 3:6

Ʋlɛ wa tɛw àr a, a tẽsɔw mɩ́ gbiwre na, ʋ mɩ́ jɩ́r'ɩ a nɩ-bʋʋrɛ bɛ màwr. A tã-kore kore dam'a, a tãli-kore yʋʋr'a, al na tɩ ɩ a ʋ sɛ́ɛ a koro za ʋ tuur a.

Ɩzayi 64:1

Fʋ nãá ɩ na mɛ̃ vũu na mɩ́ dɩ a tuwr a, bɩɩ na mɩ́ ɩ a kʋ̃ɔ a karɛ a. À ŋá n'a fʋ nãá ɩ a fʋ dɔ̃ dem bãw a fʋ yúor. A nɩ-bʋʋr-yoru nãá màwr'ɩ a fʋ niŋé,

Sɛb-sõw yielu 76:12

Nyɩ kõ nɛ́ɛ kʋ̀ a Sore nyɩ Naaŋmɩn, ɛ́ ír a. Nyɩɩm za na viiri koli ʋ a, nyɩ wa n bome wa kʋ̀ a Naaŋmɩn na bɛ tɛr dɩ̃ɛnʋ a.

Sɛb-sõw yielu 68:8

Naaŋmɩn i, a lɛn daar fʋ na tɩ yi de a fʋ nɩbɛ niwn a, a lɛn daar fʋ na tɩ cen kpɛ a wɛja-kpalɛ pʋɔ a,

2 Samɩɛl 7:23

Nɩ-bʋʋrɛ been kãw be n a tẽw zu ŋmɛ̃ taa nɩ a fʋ nɩ-bʋʋrɛ Ɩsɩrayɛl fʋ na cen tɩ ya de, bɛ ɩ a fʋ nɩ-bʋʋrɛ, ɛ́ fʋ ɩ a bɛ yúor yi, ɛ́ fʋ maalɩ nɔ-ɓãa-yele nɩ yele na vʋ̃ɔnɛ pʋ̀lá a, a fʋ tẽw pʋɔ ɔ? Nɩ-bʋʋrɛ be n be ŋmɛ̃ taa nɩ a fʋ nɩ-bʋʋrɛ fʋ na faa a Eziptɩ tẽw nɩbɛ zie nɩ a bɛ ŋmɩmɛ zie a?

Wulu-ayi-sob 4:34

Bɩɩ ŋmɩn kãw wa na wa ír nɩ-bʋʋrɛ a ʋ ƴãw, nɩ-bʋʋr-yoru sɔgɔ ɔ? Ʋ̃ʋ'hʋ̃! Ɛcɛ a Sore nyɩ Naaŋmɩn ʋl ɩ n a lɛ a nyɩ ƴãw, a nyɩ mimirí. Alɛ so ʋ tɩ ɩ a Eziptɩ tẽw dem nyɛ̃ kpɩɛrʋ, ʋ tɩ maalɩ yel-bɛ-dãw-nyɛrɩ nɩ nɔ-ɓãa-yele, ʋ tɩ tõ gãda-tome na ɩrɛ dɛ̃bɩ̃ɛ a.

Eziptɩ tẽw yib 34:10

A Sore tɩ yel'ɩ a Moyiir: «Ɩ̃ na maal'ɩ nyɩ nɩ wõ-taa. Ɩ̃ na maal'ɩ nɔ-ɓãa-yele a fʋ nɩbɛ za niŋé, nɔ-ɓãa-yele nɩr na bɛ dãw nyɛ̃ a tẽw zu zie kãw za, nɩ tẽw kãw za pʋɔ a. A Ɩsɩrayɛl nɩbɛ na jil koli fʋ a na nyɛ̃ nɩ a lɛ a tome na bɛ tɛr dɩ̃ɛnʋ ɩ̃ na na lãwnɩ fʋ tõ a.

Ɩzayi 5:25

Alɛ n'a so a Sore suur ìr a ʋ nɩ-bʋʋrɛ ƴãw. Ʋ̀ zɛw nɩ a nũu ŋmɛ n bɛ. A tan gbiwri na, a kũuni gã nɩ a sɛ́ɛ pʋɔ mɛ̃ sagɛ a. Ɛcɛ a na saa ɩ à ŋá a, a Sore suur bɛ ɓãa ɩ, ɛ́ a ʋ nũu cãà zɛw.