Ɩzayi 61:9 - A SƐB-SÕW

⁹ A nyɩ bʋʋrɛ yúor na yi n a ziir za, a nɩ-bʋʋr-yoru ten za pʋɔ. A bɛlɩ dem za na na nyɛrɛ bɛ a, na bãw bɛ nɩ a yel ŋa zũú: bɛ na ɩ n bʋʋrɛ a Sore na maalɩ a.

Ɩzayi 61:9 Referans Kwoze

Ɩzayi 44:3

Bʋ̃ʋ n'ʋ vɛ̃, ɩ̃ na cir'ɩ kʋ̃ɔ ƴãw a tẽsɔw kʋ̃ɔ-nyúur na kpɛ a, ɛ́ ɩ bàrʋ zɔ pàw a tẽ-kõw. Ɩ̃ na pɛbl'ɩ a ɩ̃ Vʋʋrʋ a fʋ bibiir zu, ɛ́ ɩ a ɩ̃ maalʋ siw a fʋ bʋʋrɛ zu.

Sɛb-sõw yielu 115:14

A Sore, ʋ ɩ nyɩ yɛ̀r yãwmɛ, nyɩɩm nɩ a nyɩ bibiir.

Nɩ-toni 3:26

Nyɩmɛ de niwn so a Tõ-tõ-bie a Naaŋmɩn na ɩ ʋ lɛb yi a kũuni pʋɔ, ʋʋ tõ k'ʋʋ wa maalɩ nyɩ, ɩ kɛ̀ nyɩ za been been mɩ́ bɛr a nyɩ ɩ-faar a.»

Yele-za-pɛr-tib 22:18

Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw.»

Zakari 8:13

Zuda nɩ Ɩsɩrayɛl naalʋ ten i, a nɩ-bʋʋr-yoru sɔgɔ a, nyɩ tɩ ɩ n nɩ-bʋʋrɛ bɛ na ŋmɛ ƴãw a bãwfʋ. Ɛcɛ ƴɛrɛŋa a, ɩ̃ faarɛ nyɩ na, nyɩ na ɩ n nɩ-bʋʋrɛ na nyɛ̃ maalʋ a bãwfʋ. Nyɩ ta cãà zɔrɛ dɛ̃bɩ̃ɛ ɩ! Nyɩ ƴãw fãw!»

Ɩzayi 65:23

Bɛ kʋ̃ mɩ́ cãà bàlɛ bɛ tʋɔra zawla ɩ, bɛ kʋ̃ mɩ́ lɛb dɔw bibiir kʋ̀ a kũu ɛ. Bʋ̃ʋ n'ʋ vɛ̃, bɛ ɩ n a nɩbɛ bɛl yir ɩ̃ na maalɛ a, bɛlɛ nɩ a bɛ bibiir.

Yele-za-pɛr-tib 30:27

A Labã tɩ sɔw ʋ na: «Ɩ̃ zɛlɛ fʋ na, bɛr wõ a ɩ̃ ƴɛ̀rʋ. A ɩ̃ ŋmɩmɛ wul mɛ̃ na k'aa fʋ̃ʋ ƴãw n'a a Sore maalɩ mɛ̃.

Ɩzayi 43:5

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ɩ̃ na ɩ n a fʋ bibiir bɛ yi a saa-pɛrɩ́ lɛb wa, ɩ̃ na tɛr bɛ nɩ a mʋ̃tɔ̃w-kpɛb-lowr wa ɓã taa.

Ɩzayi 53:10

Ɛcɛ a Sore kʋ̀ n yel-mɩŋa a ʋ tõ-tõ-bie a kpɩɛrʋ na dĩ a. Ɛ́ a sob nɛ na lɩɛrɩ nɩbɛ de a ʋ nyɔ-vʋʋrʋ tɩr a, ʋ ɩ na k'ʋ lɛb nyɛ̃ àrʋ zie. A ʋ tõ-tõ-bie na tɛr'ɩ bʋʋrɛ ɛ́ cãà vʋʋrɩ cɛlɩ. Ʋlɛ n'ʋ na ɩ a Sore pʋ-tɩɛrʋ maalɩ.

Ɩzayi 66:22

A Sore yere na: «Mɛ̃ a lɛ a salom-paala nɩ a tẽsɔw-paala ɩ̃ na ír na kpɛmɛ àr a ɩ̃ niŋé a, lɛ n'a a nyɩ yúor nɩ a nyɩ bʋʋrɛ na be a ɩ̃ niŋé kʋralɛ.

Zeremi 31:7

À ŋá n'a a Sore yere: «Nyɩ lɔbr nʋ̃ɔ̀ cɛlsɩ a Ɩsɩrayɛl ƴãw, nyɩ cɩɩrɛ nɩ nyɩ pʋɔ za a nɩ-bʋʋr-yoru niw-diere ƴãw! Nyɩ ɩ bɛ wone a nyɩ danʋ, ɛ́ nyɩ yere: “Sore e, faa a fʋ nɩbɛ, a Ɩsɩrayɛl nɩbɛ bɛl na cɛ a!”

Malasɩ 3:12

A nɩ-bʋʋr-yoru za na yere na kɛ́ zu-nʋ̃ɔ̀ dem n'ɩ nyɩ, bʋ̃ʋ n'ʋ vɛ̃, a nyɔ-vʋʋrʋ na nʋmɛ nɩ za a nyɩ tẽw pʋɔ, mãa n'ʋ yere, a mãa Sore kpɛnʋ-za-sob.»

Sɔr-nɛ́ɛ 22:12

A Naaŋmɩn tɩ yel'ɩ a Balaam: «Fʋ bɛ páwr bɛ cere ɩ, fʋ bɛ ŋmɩɛr ƴãwn a nɩ-bʋʋrɛ bɛ ŋa ɩ, ɩ̃ na maalɩ bɛ a ƴãw.»