Ɩzayi 61:7 - A SƐB-SÕW

⁷ A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Ɩzayi 61:7 Referans Kwoze

A Zɔb sɛbɛ 42:10

A Zɔb na tɩ puore kʋ̀rɛ a ʋ bárɩ a, a Sore tɩ lɛb'a maalɩ a ʋ yele ƴãw. Mɔ̃ mɩ̀, a Sore tɩ ɩ n a Zɔb bʋ̃-tɛrɩ ʋ na tɩ dãw tɛr a, a yãwmɛ dɔwlɩ gb'a ayi.

Zakari 9:12

Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Sɛb-sõw yielu 16:11

Fʋ na ɩ na ɩ̃ bãw a nyɔ-vʋʋrʋ sɔ́r. Nʋ̃ɔ̀ na bɛ dɩ vuo a n'a bɛ mɩ́ nyɛ̃ a fʋ niŋé, nʋ̃ɔ̀-togoko kʋralɛ, a fʋ dʋrʋ lowr.

2 Na-mɩnɛ 2:9

Bɛ na tɩ gãw baar'a, a Eli yel'ɩ a Elize: «Zɛlɩ a ʋlɩ bom nɛ fʋ na bɔbr k'ɩ̃ɩ ɩ kʋ̀ b a, ɛ́ a Sore bãw ír mɛ̃ a fʋ zie.» A Elize sɔw: «Ɩ̃ nãá tʋ̃ɔ́ páw a fʋ naaŋmɩn-ƴɛ̀r-manɛ vʋʋrʋ ziir ayi.»

Ɩzayi 51:11

A nɩbɛ a Sore na na ɩ bɛ lɛb so bɛ tʋɔra a na lɛb'a wa. Bɛ na cáarɛ na wa kpɛ n a Sɩyɔ̃ tẽw pʋɔ. Nʋ̃ɔ̀ na bɛ tɛr baarʋ a na caal'ɩ a bɛ niŋe, cɩlʋ nɩ nʋ̃ɔ̀ cɛlsɩ na paalɩ bɛ na, ɛ́ kpɩɛrʋ nɩ kon bɔr.

2 Korɛ̃tɩ 4:17

A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

Ɩzayi 35:10

A bɛlɩ dem a Sore na na faa a na lɛb'a wa. Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃. Nʋ̃ɔ̀ na bɛ tɛr baarʋ a na caal'ɩ a bɛ niŋe. Cɩlʋ nɩ nʋ̃ɔ̀ na tuori bɛ na, ɛ́ pʋ-sãwna nɩ kon lɩɛb zɔ.

Matie 25:46

A bɩɛrɩ bɛ ŋa na cen nɩ a dɔwrʋ na bɛ tɛr baarʋ a pʋɔ, ɛ́ a nɩ-mɩn cen a nyɔ-vʋʋrʋ na be kʋralɛ a pʋɔ.»

2 Tesalonikɩ 2:16

A tɩ Sore Yeezu Kɩrɩta mɩŋa nɩ a tɩ Sãà Naaŋmɩn na nɔ̃w tɩ, ɛ́ a ʋ maalʋ zũú ʋ kʋ̀ tɩ mɔwlʋ na be kʋralɛ nɩ tɩɛr-vla tɩ na ƴãw a ʋ ƴãw a,

Wulu-ayi-sob 21:17

A na nɩ̃ɛ na fɛr ʋ sàw k'aa pɔw ʋl ʋ na bɛ maal nɔnɛ a bidɛb n'ɩ a bidɛb-dãw, ɛ́ kʋ̀ ʋ a bome ʋ na põ ziir ata a, ziir ayi dem. Bʋ̃ʋ n'ʋ vɛ̃, ʋlɛ n'ɩ a ʋ bi-dãw, ʋlɛ so a kpɛ̃ɛnʋ bome.

Sɛb-sõw yielu 126:5

A bɛlɩ dem na mɩ́ bʋ̀rɛ kone nɩ a, bɛ mɩ́ wa cɩɛr'a cɩlɛ nɩ.

Ɩzayi 54:4

Ta zɔrɛ dɛ̃bɩ̃ɛ ɩ, vĩ kʋ̃ cãà ɩrɛ fʋ ɛ. A fʋ tɩɛrʋ, ʋ ta damnɛ fʋ ɛ, bɛ kʋ̃ cãà tʋʋr fʋ ɛ. Fʋ na yiir'ɩ a fʋ pɔ̀lʋ daar vĩ bɛr, fʋ kʋ̃ cãà bãwnɩ a fʋ pɔw-kʋɔlʋ zʋmɛ ɩ.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 65:13

Alɛ n'a so ɩ̃ yere à ŋá, a mãa, a Sore Naaŋmɩn: a ɩ̃ tõ-tõ-biir na mɩ́ dɩ na, ɛ́ a nyɩɩm a, nyɩ na mɩ́ bãw nɩ a kɔ̃. A ɩ̃ tõ-tõ-biir na mɩ́ nyũ na, ɛ́ a nyɩɩm a, kʋ̃ɔ-nyúur na mɩ́ kpɛ nyɩ na. Nʋ̃ɔ̀ na mɩ́ ɩrɛ nɩ a ɩ̃ tõ-tõ-biir, ɛcɛ a nyɩɩm a, vĩ na mɩ́ nyɔw nyɩ na.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

Sofoni 3:19

A lɛn daar a, ɩ̃ na dɔwr'ɩ a bɛlɩ dem za na dɔwrɩ nyɩ a. A lɛn daar a, ɩ̃ na sanɩ nɩ a nyɩ nɩbɛ bɛ na ƴãw bàalʋ a, a bɛl bɛ na diw a bɛ tẽw pʋɔ cen nɩ a, ɩ̃ na lɛb'a tɛr bɛ wa n, ɩ̃ na ɩ na nyɩ nyɛ̃ ƴãwfʋ, ɛ́ a nyɩ yúor yi a ten al za pʋɔ nyɩ na tɩ nyɛ̃ a vĩ a.