Ɩzayi 61:2 - A SƐB-SÕW

² Ʋ tõ m'a k'ɩ̃ɩ tɩ hieri yel a Sore pʋ-pɩɛlʋ yũon, nɩ a bibir ʋl ʋ na na yáa a san a ʋ dɔ̃ dem zu a. Ʋ tõ m'a k'ɩ̃ɩ tɩ mɔwlɩ a bɛlɩ dem za na tɛr wahala a.

Ɩzayi 61:2 Referans Kwoze

Matie 5:4

Zu-nʋ̃ɔ̀ dem'ɩ a bɛlɩ dem na kone a, bɛ na nyɛ̃ nɩ a Naaŋmɩn mɔwlʋ.

Ɩzayi 34:8

Bʋ̃ʋ n'ʋ vɛ̃, a Sore zie a, a san yaafʋ bibir'ʋ, a yũon ʋl a Sɩyɔ̃ gùre na sowre a samɛ a n'ʋ.

Ɩzayi 57:18

Ɩ̃ nyɛ̃ nɩ a ʋ ɩb vla vla, ɛcɛ ɩ̃ na sanɩ ʋ na. Ɩ̃ na wul ʋ nɩ a sɔ́r, ɩ̃ na mɔwl'ʋ na. A bɛlɩ dem za na be wahala pʋɔ a,

Luka 4:19

k'ɩ̃ɩ tɩ yel a Sore maalʋ yũon na tarɛ a.»

1 Tesalonikɩ 2:16

Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.

Zeremi 31:13

Lɛ n'a nʋ̃ɔ̀ na ɩrɛ a pɔwsɩrali bɛ ƴawr, lãwnɩ a pɔlbili nɩ a dɛb-nyamɛ. Ɩ̃ na ɩ na a bɛ wahala lɩɛbɩ nʋ̃ɔ̀, ɩ̃ na mɔwlɩ bɛ na. A pʋ-sãwna pùorí a, a na ɩ n a nʋ̃ɔ̀.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Zeremi 46:10

Ɛcɛ a Sore, a kpɛnʋ-za-sob zie a, a bibir ŋa ɩ n san-yaafʋ bibir. Ʋ na yáa nɩ a san a ʋ dɔ̃ dem zu. A zɛbr-sɔ-kpɛ̃ɛ dɩrɛ bɛ na, ʋ dɩrɛ na tɩwr, a bɛ zɩ̃ɩ kuole ʋ na. A ɩ na mɛ̃ bàwr'ʋ a Sore, a kpɛnʋ-za-sob, ƴãw a saa-pɛrɩ́-gʋba-lowr, a Efaratɩ man nʋɔr a.

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 35:4

Nyɩ yel a bɛlɩ dem na bɛ tɛr kanyir a: «Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ! Nyɩ nyɛ̃ a nyɩ Naaŋmɩn. Ʋ waar'a k'ʋʋ wa yáa a san kʋ̀ nyɩ, ɛ́ maalɩ a nyɩ dɔ̃ dem a faa bɛ na maalɩ nyɩ a, ʋ waar'ɩ a ʋl mɩŋa a nyɩ faafʋ.»

Luka 6:21

Zu-nʋ̃ɔ̀ dem n'ɩ nyɩ, nyɩɩm kɔ̃ na kpɩɛr a ƴɛrɛŋa a: nyɩ nãà tɩw na! Zu-nʋ̃ɔ̀ dem n'ɩ nyɩ, nyɩɩm na kone a ƴɛrɛŋa a: nyɩ nãà laar a!»

2 Korɛ̃tɩ 6:2

Bʋ̃ʋ n'ʋ vɛ̃, Naaŋmɩn yere na: «A daar na wa ta a, ɩ̃ sàw nɩ a fʋ zɛlʋ, ɛ́ a faafʋ bibir na wa vɩɛ a, ɩ̃ sõw fʋ na.» Ɛcɛ a daar'ɩ à ŋà na ta a, a faafʋ bibir'ɩ à ŋà na vɩɛ a.

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 2:12

A Sore, a kpɛnʋ-za-sob, tɛr'ɩ bibir ʋ na na ìr bom za na ɩrɛ pɔ̀lʋ a ƴãw, bom za na zɛwr ʋ tʋɔra ɛ́ tɩɛrɛ k'ʋʋ zuo nɩ za a ƴãw k'ʋʋ siwri ʋ.

Ɩzayi 13:6

Nyɩ ŋmɩɛr kuor cɛlsɩ! A Sore bibir pɩɛl'a, ʋ tarɛ na mɛ̃ bom-za-sãwfʋ na yi a Kpɛnʋ-za-sob zie a.

Ɩzayi 34:2

A Sore nyɛ̃ nɩ nɩ a nɩ-bʋʋrɛ za suur, ʋ nyɛ nɩ nɩ bɛ za na ɓã taa a suur. Ʋ yel'a kɛ́ bɛ na kʋ bɛ na pàw pɛr, bɛ na kʋ bɛ nɩ faa faa.

Ɩzayi 40:1

Nyɩ mɔwlɩ, nyɩ mɔwlɩ a ɩ̃ nɩ-bʋʋrɛ, a nyɩ Naaŋmɩn n'ʋ yere.

Ɩzayi 58:5

À ŋá n'a a mʋta-tuo ɩ̃ na nɔnɛ a ŋmɛ̃ ɛ? A bibir nyɩ na síwre nyɩ tʋɔra a? À gʋɔ a zu mɛ̃ bàa-kɛkɛr a, à su a vʋɔra kparʋ a, à mɩ́ gã a uuru pʋɔ a, à á ŋá n'a nyɩ bʋɔlɛ mʋta-tuo o? bibir na pɛlɩ a ɩ̃ pʋɔ a a?

Ɩzayi 60:10

A Sore yere nɩ a Zerizalɛm zie: Sãanbɛ nɛbɛ na lɛb mɛ a fʋ dacĩ-bɛrɛ, ɛ́ a bɛ na-mɩnɛ be a fʋ tome tob ƴãw. Bʋ̃ʋ n'ʋ vɛ̃, ɩ̃ tɩ nyɛ̃ nɩ suur, ŋmɛ b. Ɛcɛ ƴɛrɛŋa a ɩ̃ pʋ-pɩɛlʋ pʋɔ a, ɩ̃ lɛb'a wule fʋ a ɩ̃ nɔ̃wfʋ.

Mise 3:8

Ɛcɛ mãa a, a Sore Vʋʋrʋ ʋ na kʋ̀ m a zũú, ɩ̃ tɛr'ɩ fãw yaga za. Mɩnʋ nɩ kanyir be n a ɩ̃ zie, ɩ̃ yere a Zakɔb bʋʋrɛ sãwna kʋ̀rɛ bɛ, ɛ́ yere a Ɩsɩrayɛl nɩbɛ yel-bier kʋ̀rɛ bɛ.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?