Ɩzayi 60:9 - A SƐB-SÕW

⁹ A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Ɩzayi 60:9 Referans Kwoze

Ɩzayi 55:5

Ɩsɩrayɛl i, a fʋ̃ʋ mɩ̀, fʋ na bʋɔl'ɩ nɩ-bʋʋrɛ fʋ na bɛ bãw a, ɛ́ a nɩbɛ bɛ ŋa na bɛ tɩ bãw fʋ a, na zɔ na wa a fʋ zie. Mãa zũú n'a bɛ na wa, mãa, a Sore fʋ Naaŋmɩn, a Ɩsɩrayɛl Naaŋmɩn na ɩ sõw a, na ƴãw fʋ a.»

Ɩzayi 2:16

a gbor-bɛrɛ za ƴãw, nɩ a gbor-vɩɛlɩ vɩɛlɩ za ƴãw.

Ɩzayi 51:5

A mɩnʋ ɩ̃ na tɩrɛ a pɩɛl'a, a faafʋ waar'a. Ɩ̃ na dɩ n nɩ a nɩ-bʋʋrɛ ƴɛ̀rʋ nɩ kpɛnʋ. A nɩ-bʋʋrɛ na zãá a na ƴãw nɩ a bɛ tɩɛrʋ a ɩ̃ ƴãw, bɛ na gùre nɩ a ɩ̃ nɩ-kpɛ̃ɛnʋ dɩb.

Ɩzayi 11:11

A ʋlɩ bibir nɛ a, a Sore na lɛb'a maal dɔl a ʋ kpãkpã-kpɛ̃w, k'ʋʋ faa nɩ a ʋ nɩbɛ ŋmãa na cɛ a, a bɛl na na cãà vʋʋrɛ be a Asiiri tẽw, a Eziptɩ tẽw pɛrɩ́, a Eziptɩ tẽw saa-zũú, a Sudã tẽw, a Elam tẽw, a Babɩlɔn tẽw, a Hamatɩ tẽw na be Siiri, nɩ a kʋ̃ɔ-kpɛ̃ɛ nʋɔr nɩ a kʋ̃ɔ-kpɛ̃ɛ-sɔgɔ-ten pʋɔ a.

Galasi 4:26

Ɛcɛ a Zerizalɛm na be a saa-zu a bɛ ɩ gbãgbaa ɩ, ɛ́ ʋlɛ n'ɩ a tɩ mã.

Ɩzayi 49:1

Nyɩ bɛrɛ wone a ɩ̃ ƴɛ̀rʋ, nyɩɩm nɩ-bʋʋrɛ na zãá a, nyɩ cɛlɛ be, nyɩɩm na kpɩɛr zi-zãána a. Ɩ̃ tɩ cãà nɩ a ɩ̃ mã vʋr pʋɔ ɛ́ a Sore bʋɔlɩ mɛ̃. Ɩ̃ tɩ cãà nɩ a ɩ̃ mã puori, ʋʋ bʋɔlɩ a ɩ̃ yúor.

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 42:4

Ʋ bɛ bàlɛ ɩ, ʋ bɛ tɩ̀ɛrɛ bɛrɛ ɩ, ɛ́ gù ʋ wa tɩ bin a lɛ-na-tu-sɔr-a, a tẽw zu, ɛ́ a nɩ-bʋʋrɛ na zãá a gùre a ʋ wulu.

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Nɩ-toni 9:15

Ɛcɛ a Sore tɩ yel ʋ na: «Cen, a nɩr ŋa ɩ n tõ-tõ-bom ɩ̃ na kaa ír k'ʋʋ ɩ a ɩ̃ yúor yi ta a nɩ-bʋʋr-yoru, a na-mɩnɛ nɩ a Ɩsɩrayɛl biir zie a.

Zã 17:26

Ɩ̃ ɩ na kɛ̀ bɛ bãw a fʋ yúor, ɛ́ na cãà ɩ bɛ bãw ʋ: a nɔ̃wfʋ ʋl fʋ na nɔ̃w mɛ̃ a, ʋ tʋ̃ɔ́ be a bɛ zie, ɩ̃ɩ mɩ̀ be a bɛ zie.»

Luka 2:32

ʋ ɩ n cãà na na ɩ a tẽ-daa nɩ-bʋʋrɛ za bãw fʋ a, ɛ́ ɩ a fʋ nɩ-bʋʋrɛ Ɩsɩrayɛl yúor-vɩɛlʋ-danʋ.»

Zakari 14:14

A Zuda nɩbɛ na zɛbr'ɩ a Zerizalɛm tẽw pʋɔ, bɛ na fa n a tẽ-kpɔwlɩ na-bome za: salm-zɩɛ, salm-pla, nɩ kparɩ na yãwmɛ bɛ tɛr tɛwr a.

Sofoni 2:11

A Sore kʋ̃ tɛr dɩ̃ɛnʋ a bɛ zie ɩ, ʋ na sãw nɩ a nɩsaalbɛ ŋmɩmɛ za bɛr. Lɛ n'a a ten al na zãá zuo a za a na ƴãwnɛ ʋ, ŋa za a ʋ tẽsɔw zu.

Zeremi 30:19

Yielu nɩ nʋ̃ɔ̀ cɛlsɩ na mɩ́ yire nɩ a pʋɔ. A Zakɔb bibiir nʋɔr kʋ̃ lɛb siwri ɛ, ɩ̃ na ɩ na bɛ yɛ̀r yãwmɛ. Bɛ kʋ̃ lɛb ɩ nɩ-ɩ-laarɩ ɛ, ɩ̃ na zɛw bɛ nɩ yaga za.

Zeremi 3:17

A lɛn daar a, bɛ na bʋɔlɛ nɩ a Zerizalɛm kɛ́ “Sore naalʋ-dà-kɔw”. A nɩ-bʋʋr-yoru na zɔ na ɓã taa a ɩ̃ zie, a Sore yúor na kʋ̀ a Zerizalɛm a zũú, ɛ́ bɛ na zawr'ɩ a bɛ tɩɛr-faar bɛr.

Ɩzayi 60:4

Dʋɔ a zu a ziir za ɛ́ nyɛ̃: bɛ za ɓanɛ nɩ taa, bɛ waar'ɩ a fʋ zie. A fʋ bidɛbr yi n zi-zãána tarɛ, ɛ́ nɩbɛ pɛ̀w pɛ̀w a fʋ pɔwyaar.

Ɩzayi 57:17

A Ɩsɩrayɛl sãwna na n'ɩ ʋ na mɩ́ nyɛ̃ a bom zɩnɛ guur a, ɩ na k'ɩ̃ nyɛ̃ suur, ɛ́ a ɩ̃ suur pʋɔ ɩ̃ ŋmɛ ʋ. Ɩ̃ bɛ tɩ cãà bɔbr k'ɩ̃ɩ nyɛ̃ ʋ ɛ. Ɛcɛ a ʋ zu kpɛmɛ na, ʋ cãà ɩ a ʋ ɩb.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 43:4

Bʋ̃ʋ n'ʋ vɛ̃, ɩ̃ nɩ-tuo nɛ b, fʋ ɩ n nɩ-tɩbrʋ a ɩ̃ zie, ɩ̃ɩ nɔnɛ fʋ. Alɛ so ɩ̃ tɩrɛ nɩbɛ lɩɛrɛ nɩ fʋ, ɩ̃ dier nɩ-bʋʋrɛ tɛwr'ɩ fʋ.

Zʋkpaɩ 18:20

Nɩr na tʋ̃ɔ́ na páw bʋ̃-dɩrɩ a ʋ nʋɔr ƴɛ̀rʋ zũú, a lɛ ʋ na mɩ́ yel a mɩ́ sõw ʋ na ʋ páw a ʋ nyɔ-vʋʋrʋ.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

1 Na-mɩnɛ 22:48

A ʋlɩ daar nɛ a, a Edɔm tẽw bɛ tɩ tɛr nãà ɩ, nãà-lɩɛrɛ n'ʋ a Zuda tẽw nãà mɩ́ tɩ ƴãw.

1 Na-mɩnɛ 10:22

A nãà tɩ tɛr'ɩ gbee mɩ́ tõ bɛr a zi-zãána, alɛ nɩ a nãà Hiram gbee. Yome atarɩ tarɩ, a gbee á ŋá mɩ́ lɛb'a wa, tuo salm-zɩɛ, salm-pla, wɔb nyɩmɛ, ŋmáar nɩ lili-vɩɛlɩ vɩɛlɩ.

1 Na-mɩnɛ 10:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ.

1 Na-mɩnɛ 8:41

«Bɛlɛ wa ƴɛ̀rɛ a fʋ yúor na ɩ kpɛ̃ɛ a ƴɛ̀rʋ a, nɩ a fʋ kpɛnʋ nɩ a fʋ fãw tome ƴɛ̀rʋ a, a nɩ-bʋʋr-yoru tɛɛ za na wõ a na. A lɛ a, sãan na bɛ pʋɔ a fʋ nɩ-bʋʋrɛ Ɩsɩrayɛl pʋɔ a, wa yi tẽ-zãána kãw wa k'ʋʋ wa puori fʋ a Ŋmɩn-yir-kpɛ̃ɛ ŋa pʋɔ a,

Zozue 9:9

Bɛ sɔw: «Tẽ-zãána zãána n'a a fʋ tõ-tõ-biir yi waar a Sore fʋ Naaŋmɩn zũú, bʋ̃ʋ n'ʋ vɛ̃, tɩ wõ n a ʋ yúor na yi a, nɩ a lɛ za ʋ na ɩ a Eziptɩ tẽw a,

Eziptɩ tẽw yib 33:19

A Sore sɔw: «Ɩ̃ na tɔl'ɩ a fʋ niŋé, ɩ fʋ nyɛ̃ a ɩ̃ maalʋ za, ɛ́ bʋɔlɩ a ɩ̃ yúor ŋa: “A Sore.” Ɩ̃ na zɔ n sob nɛ nɩbaalʋ ɩ̃ na bɔbr a, ɛ́ tɛr su-ɓaarʋ sob nɛ zie ɩ̃ na bɔbr a.»

Yele-za-pɛr-tib 9:27

A Naaŋmɩn, ʋ ɩ a Zafɛtɩ nyɛ̃ zie! Ʋ ɩ ʋ kpɩɛr a Sɛ́m pɛnɛ-sɛwr pʋɔ, ɛ́ a Kanãa ɩ a ʋ gbãgbaa!»

Sɛb-sõw yielu 48:7

Dɛ̃bɩ̃ɛ mawfʋ tɩ nyɔw bɛ nɩ a be, bɛ ŋmɩɩlɛ mɛ̃ pɔw na dɔwr a,

Ɩzayi 24:15

«Nyɩ íre a Sore yúor-vɩɛlʋ-danʋ a saa-pɛrɩ́ voru pʋɔ, nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ, nyɩ pore a Sore, a Ɩsɩrayɛl Naaŋmɩn, yúor!»

Ɩzayi 49:22

À ŋá n'a a Sore Naaŋmɩn yere: «Ɩ̃ na kabr'ɩ a nɩ-bʋʋr-yoru, ɩ̃ na zɛw nɩ a ɩ̃ bãwfʋ a bɛ ƴãw. Bɛ na kɔ̃gbɔwlɩ nɩ a fʋ bidɛbr lɛb wa n, ɛ́ dúori a fʋ pɔwyaar baw lɛb wa n.

Ɩzayi 60:6

Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Ezekɩɛl 39:7

Ɩ̃ na ɩ na a ɩ̃ nɩ-bʋʋrɛ Ɩsɩrayɛl bãw kɛ́ mãa sɩrɩ n'ɩ a Naaŋmɩn. Ɩ̃ kʋ̃ lɛb bɛr bɛ bɛ ɩ m la ɩ, ɛ́ a nɩ-bʋʋr-yoru na bãw na kɛ́ mãa n'ɩ a Sore, a Ɩsɩrayɛl Naaŋmɩn-sɩza.

Mise 4:13

A Sore yere na: «Zerizalɛm nɩbɛ ɛ, nyɩ ìr va a ble! Ɩ̃ na ɩ na nyɩ kpɛmɛ mɛ̃ náab na ƴãw kure ɩ́lɛ́ nɩ kur-zɩɛ nafɩlɛ a. Nyɩ na nɛb'ɩ nɩ-bʋʋr-yaga nɩ gbɛ́ɛ. Ɛ́ a bɛ na-bome nyɩ na na fa a, nyɩ na de a na kʋ̀ m, a mãa Sore, mãa na so a tẽ-daa za a.»

Mise 7:12

A ʋlɩ bibir nɛ a, a nyɩ tẽ-bi-taabɛ na be a voru á ŋá pʋɔ a: Asiiri tɩ tɔ a Eziptɩ, Eziptɩ tɩ tɔ Efaratɩ man, kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw, bɛ na yi n a be lɛb wa a nyɩ zie.

Sɛb-sõw yielu 97:1

A Sore ɩ n nãà: a tẽw, ʋ́ cɩlɛ ƴawr'ɩ, nʋ̃ɔ̀, a ɩrɛ a kʋ̃ɔ-kpɛ̃ɛ-sɔgɔ-ten na zãá a!

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.