Ɩzayi 60:7 - A SƐB-SÕW

⁷ A Sore yere na: «A Kedaar tẽw bʋʋr nɩ píir na ɓã n taa a fʋ zie. Fʋ̃ʋ na so a Nebayɔtɩ tẽw pʋ́rɩ a fʋ bagɛ maalʋ ƴãw. Bɛ na mɩ́ de a na tɩr a ɩ̃ bàwr-maal-kuur zu, ɛ́ a na mɩ́ ɩ n bàwr na pɛlɩ a ɩ̃ pʋɔ a. À ŋá n'a ɩ̃ na wul a ɩ̃ yir vɩɛlʋ-danʋ.

Ɩzayi 60:7 Referans Kwoze

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Yele-za-pɛr-tib 25:13

A Ɩsɩmayɛl bibiir yée n'ɩ á ŋá, mɛ̃ a lɛ bɛ na dɔw tu taa a: Nebayɔtɩ, Kedaar, Adibeyɛl, Mivisam,

Ʋrɔm 15:16

k'ɩ̃ɩ ɩ a Yeezu Kɩrɩta tõ-tõ-bie a nɩ-bʋʋr-yoru ƴãw. Tõ-sõw n'ʋ ɩ̃ tone hiere a Naaŋmɩn Yel-nʋ̃ɔ̀, k'aa nɩ-bʋʋr-yoru lɩɛbɩ bàwr-maal-bom na nʋmɛ a Naaŋmɩn zie a, bàwr-maal-bom Vʋʋrʋ Sõw na ɩ k'ʋ ɩ sõw a.

A Zɔb sɛbɛ 42:8

Ƴɛrɛŋa a, nyɩ bɔ nadɛɛ ayopõi nɩ pʋ́rɩ ayopõi cen nɩ tɩ páw nɩ a ɩ̃ tõ-tõ-bie Zɔb. Nyɩ na tɩ de a na maal'ɩ nyɩw-a-za-bàwr a nyɩ ƴãw, ɛ́ a ɩ̃ tõ-tõ-bie Zɔb puori kʋ̀ nyɩ. A ʋl ƴãw n'a ɩ̃ kʋ̃ dɔwrɩ nyɩ a nyɩ gẽgẽ-ƴɛ̀rʋ ƴãw ɛ, nyɩɩm na bɛ yel a yel-mɩŋa a ɩ̃ ƴãw mɛ̃ a lɛ a ɩ̃ tõ-tõ-bie Zɔb na yel a.»

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ɩzayi 42:11

A nɩbɛ, bɛ cɛ yielu a wɛja-kpalɛ tẽ-bɛrɛ pʋɔ, a Kedaar laɩ pʋɔ! A nɩbɛ na kpɩɛr a Pìir zu a, bɛ lɔbr nʋ̃ɔ̀ cɛlsɩ, bɛ cáarɛ a tan zu!

Ebre 13:10

Tɩ tɛr'ɩ bàwr-maal-kuur, a pɛn-sɛw pʋɔ bàwr-maalbɛ na bɛ tɛr sɔ́r na dɩ bom na dɔwlɩ a ʋ zu a ɩ.

Ɩzayi 60:13

A tɩ-vɩɛlɩ na ɩ a Libã tẽw dɛpaalʋ a, a sɩpɩrɛ tɩɩr, a pɛ̃ tɩɩr nɩ a biwi tɩɩr dàar na ta n a fʋ zie, k'aa wa ɩ a ɩ̃ zi-sõw ʋ vɩɛl. À ŋá n'a ɩ̃ na ɩ, a zie ʋl ɩ̃ na be a tɛr yúor.

Sɛb-sõw yielu 120:5

Baw-bio sob nɛ m! Mãa na be a Mesɛkɩ a, mãa na kpɩɛr a Kedaar pɛnɛ-sɛwr sɔgɔ a.

A Yielu za pʋɔ yiel-vla vla 1:5

Zerizalɛm pɔwsɩrali i, sɔbʋ n'a ɩ̃ sɔb, ɛcɛ ɩ̃ pɔ̀l'a mɛ̃ a wɛja-kpalɛ pʋɔ nɩ-yʋɔrɩ pɛnɛ-sɛwr a, mɛ̃ a pɛn-yawlɩ vɩɛlɩ vɩɛlɩ a. Zerizalɛm pɔwsɩrali i,

Ɩzayi 19:19

Bibir kãw, bàwr-maal-kuur na be n a Eziptɩ tẽw sɔwlɩsɔw a Sore ƴãw, ɛ́ kʋsɛ-tela be a ʋ ƴãw a tẽw tʋr-bɔw ƴãw.

Ɩzayi 19:21

A Sore na ɩ na a Eziptɩ tẽw dem bãw ʋ, ɛ́ a ʋlɩ bibir nɛ a, a Eziptɩ tẽw dem na bãw nɩ a Sore. Bɛ na tɛr'ɩ a bàwr-maal-tome nɩ a de-kʋ̀b bome tome a ʋ zie. Bɛ na kone nɩ nɛ́ɛ a Sore zie ɛ́ íre a.

Ɩzayi 21:16

À ŋá sɩrɩ n'a a Sore ƴɛ̀r a ɩ̃ zie: «Ka nɩ yũon-been gbàgbàgbà, ɛ́ a Kedaar tẽw vɩɛlʋ za na baar'a.

Ezekɩɛl 20:40

Bʋ̃ʋ n'ʋ vɛ̃, a Ɩsɩrayɛl nɩbɛ za, a bɛl za na be a tẽw pʋɔ a na maalɛ mɛ̃ na a ɩ̃ tãw-sõw zu, a Ɩsɩrayɛl tãw-kɛra zu. A mãa Sore Naaŋmɩn n'ʋ yel. A be a, ɩ̃ na tuor'a nyɔw nyɩ nɩ nɔ̃wfʋ, ɩ̃ɩ na sàw na de a bom nɛ za nyɩ na na ɩ ʋ ɩ sõw a ɩ̃ ƴãw a, a nyɩ bʋ̃-kʋ̀rɩ nɩ a nyɩ de-kʋ̀b bome pʋɔ bʋ̃-vla vla za.

Ezekɩɛl 27:21

A Arabi tẽw nɩ a Kedaar tẽw nɩ-bɛrɛ tɩ n'ɩ a fʋ bʋ̃-daarbɛ. Bɛ mɩ́ tɩ ya b'a nɩ péli, píir nɩ bʋʋr.

Sofoni 3:10

A ɩ̃ puor-puorbɛ na yaarɩ be a ten za pʋɔ a na mɩ́ yi n zie na zãá zuo a Etiopi mamɛ a, ɛ́ wa n a bɛ de-kʋ̀b bome wa kʋ̀ m.»

Zakari 2:8

Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw.

Mise 4:1

«Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ na darɛ taa cere a ʋ zu.