Ɩzayi 60:6 - A SƐB-SÕW

⁶ Nyɔ̃wmɩ na yɛ̀r'a pàw a fʋ tẽw, Madian nɩ Eifa ten nyɔ̃wmɩ-pɔlɛ. A Saba tẽw dem za na wa na. Bɛ na wa n nɩ salm-zɩɛ nɩ tɩ-suur-zɔ̃-na-nyùur-vla-vla-a, yiele danɛ nɩ a Sore.

Ɩzayi 60:6 Referans Kwoze

Matie 2:11

Bɛ tɩ kpɛ n a yir pʋɔ nyɛ̃ a bie nɩ a ʋ mã Marya, bɛ tɩ puor'ʋ na nɩ bɛ tʋɔra-siwru, ɛ́ yuo a bɛ dawli ír bome kʋ̀ a bie: salm-zɩɛ, tɩ-suur-zɔ̃-na-nyùur-vla-vla-a, nɩ mɩ́ɩ̀r kãa-nyũu.

Sɛb-sõw yielu 72:10

Tarsisɩ tẽw nɩ a kʋ̃ɔ-kpɛ̃ɛ-sɔgɔ-ten na zãá a na-mɩnɛ na wa n nɩ bome wa kʋ̀ ʋ, Saba nɩ Seva ten na-mɩnɛ na ya n a zuru yar kʋ̀ ʋ.

Sɛb-sõw yielu 72:15

A nãà, ʋ vʋʋrɛ! Bɛ na kʋ̀ ʋ nɩ a Saba tẽw salm-zɩɛ, bɛ na puore na kʋ̀rɛ ʋ kʋralɛ. A Naaŋmɩn, ʋ maalɛ ʋ bibi-vɩɛrɩ za!

Ƴɛ̀r-dɩrbɛ 6:5

Bʋ̃ʋ n'ʋ vɛ̃, bɛ mɩ́ tɩ tɛr'ɩ a bɛ dʋn nɩ a bɛ pɛnɛ-sɛwr cɔlɛ nɩ, mɩ́ tɩ ta yãwmɛ mɛ̃ sãsoge a. Bɛlɛ nɩ a bɛ nyɔ̃wmɩ tɩ yãwmɛ na, nɩr kʋ̃ tʋ̃ɔ́ sɔ́r bãw a nʋɔr ɛ. Bɛ mɩ́ tɩ kpɛ na so a tẽw za, sãwnɛ ʋ bɛrɛ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Yele-za-pɛr-tib 10:7

Kusɩ bidɛbr'ɩ bɛ ŋa: Seva, Hawila, Savita, Araema nɩ Saviteka. A Araema bidɛbr: Saba nɩ Dedan.

Ʋrɔm 15:9

A bɛl na bɛ ɩ Zifʋ mɩnɛ a, a Naaŋmɩn nɩ-bàal-zɔba zũú n'a bɛ danɛ ʋ, a tu mɛ̃ a lɛ a Sɛb-sõw na yel a: «Alɛ n'a so ɩ̃ na danɛ fʋ nɩ-bʋʋr-yoru sɔgɔ, ɩ̃ na yiele na ƴãwnɛ nɩ a fʋ yúor.»

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Ɩzayi 45:14

À ŋá n'a a Sore yere: «Ɩsɩrayɛl i, a Eziptɩ tẽw dem tome tɔnɛ, a Etiopi tẽw dem yɛ-yɛrbɛ libie, a Seva tẽw dem, a nɩ-jarmam jarmam bɛ ŋa, a za na tɔl'ɩ a fʋ zie, ɛ́ fʋ̃ʋ na so a. A nɩbɛ bɛ ŋa na tuur fʋ na, ƴãw bamɛ. Bɛ na gbĩ n dume a fʋ niŋé, ɛ́ puori à ŋá a fʋ zie: “Fʋ zie yõ n'a a Naaŋmɩn be, kãw bɛ lɛb ka be ɩ.”»

Ɩzayi 42:10

Nyɩ yieli yiel-paala a Sore ƴãw. Nyɩ danɛ ʋ a tẽw baarʋ zie, nyɩɩm na duwre a kʋ̃ɔ-kpɛ̃ɛ zu a, nɩ bom za na paalɩ ʋ a, nɩ nyɩɩm, nɩ-bʋʋrɛ na zãá a.

Ɩzayi 30:6

Dʋn na tuo tuor a tɔlɛ nɩ a Negɛɛvʋ wɛja-kpalɛ pʋɔ. Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ, wɛ-narʋ, bʋ̃-daar nɩ bʋ̃-pɔwbɛ, dɔpamɛ nɩ wa-bɩɩr na ƴawr a kpɛb zie n'a. Nɩbɛ tuo nɩ a bɛ na-bome nɩ a bɛ na-bʋ̃-tuor bòn zu nɩ nyɔ̃wmɩ zɩgɛ zu. Nɩ-bʋʋrɛ kãw, na kʋ̃ tɛr yel-ɩra kãw za a bɛ zie a, so a.

1 Na-mɩnɛ 10:2

Ʋ tɩ ta n a Zerizalɛm nɩ pùor dem na yãwmɛ yaga a, nɩ nyɔ̃wmɩ na tuo kãá-nyuure, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

2 Bibie za yel-manɩ 9:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ. Ʋ tɩ ta n a Zerizalɛm nɩ pùor-dem na yãwmɛ yaga a, nɩ nyɔ̃wmɩ na tuo parfɛ̃, nɩ salm-zɩɛ yaga nɩ kʋsɛ-bi-nyɩlɩ vɩɛlɩ vɩɛlɩ a. Ʋ tɩ wa n a Salomɔ̃ zie wa sowr'ʋ a sowru al za ʋ na cɔbrɩ a.

2 Na-mɩnɛ 8:9

A Hazayɛl tɩ cen na tɩ páw a Elize. Ʋ tɩ tɛr'ɩ a Damasɩ tẽw bʋ̃-vɩɛlɩ zie, ƴãw nyɔ̃wmɩ lɩz'a ayi tuo, ʋ cen nɩ k'ʋʋ tɩ kʋ̀ a Elize. Ʋ tɩ ta na àr a Elize niŋé, ɛ́ yel ʋ: «A fʋ tõ-tõ-bie Siiri tẽw nãà, Bɛn-Hadadɩ, n'ʋ tõ m k'ɩ̃ɩ wa sowri fʋ nyɛ̃, a ʋ bàalʋ na sanɩ na a?»

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

Yele-za-pɛr-tib 25:13

A Ɩsɩmayɛl bibiir yée n'ɩ á ŋá, mɛ̃ a lɛ bɛ na dɔw tu taa a: Nebayɔtɩ, Kedaar, Adibeyɛl, Mivisam,

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Zeremi 6:20

Bʋ̃ʋ n'ʋ ɩ̃ ɩrɛ nɩ a Saba tẽw tɩ-suur-zɔ̃-na-nyùur-vla-vla-a? nɩ a tẽ-zãána bàa-kɛkɛr na nyuur vla a? A bɛ nyɩw-a-za-bagɛ a, ɩ̃ bɛ bɔbr a ɩ, a bɛ bàwr-maal-bome bɛ nʋmɛ a ɩ̃ zie ɩ.

Ezekɩɛl 27:22

A Saba nɩ a Araema ten yɛ-yɛrbɛ kʋɔrɛ nɩ fʋ nɩ bome. Bɛ mɩ́ dà a na, ɛ́ kʋɔr'ɩ fʋ parfɛ̃ na vɩɛl vɩɛl a, kʋsɛ-bi-nyɩlɩ bʋʋrɛ bʋʋrɛ za nɩ salm-zɩɛ.

Sofoni 3:10

A ɩ̃ puor-puorbɛ na yaarɩ be a ten za pʋɔ a na mɩ́ yi n zie na zãá zuo a Etiopi mamɛ a, ɛ́ wa n a bɛ de-kʋ̀b bome wa kʋ̀ m.»

Zakari 14:16

A lɛn daar a, a nɩ-bʋʋrɛ bɛl na zɛb'ɩ a Zerizalɛm a, a bɛ nɩbɛ na cɛ a na mɩ́ do n a Zerizalɛm yũon za, tɩ puori a Sore, a Kpɛnʋ-za-sob, ɛ́ maalɩ a Pɛn-sɛwr cuw.

Wulu-ayi-sob 32:43

Salom i, cɩlɛ lãwnɩ a Sore! A salom zu dem za, bɛ puore ʋ nɩ bɛ tʋɔra-siwru! A Sore na yáa nɩ a ʋ bibiir kũu san. Ʋ na yáa nɩ a san a ʋ dɔ̃ dem zu. Ʋ na kʋ̀ n a bɛlɩ dem na hɩ̃ɛn ʋ a, a ʋlɩ bom nɛ bɛ na sɛw taa nɩ a, ɛcɛ ʋ na lɛb'a ɩ a ʋ nɩ-bʋʋrɛ tẽw ʋ vɩɛl.»

1 Bibie za yel-manɩ 1:33

Madian bidɛbr: Eifa, Efɛɛr, Hanɔkɩ, Avida nɩ Ɛlda. A Ketuura bidɛbr tɩ n'ɩ a bɛ ŋa za.

Sɛb-sõw yielu 67:4

A nɩ-bʋʋrɛ, bɛ danɛ fʋ, Naaŋmɩn i, a nɩ-bʋʋrɛ za, bɛ danɛ fʋ!