Ɩzayi 60:4 - A SƐB-SÕW

⁴ Dʋɔ a zu a ziir za ɛ́ nyɛ̃: bɛ za ɓanɛ nɩ taa, bɛ waar'ɩ a fʋ zie. A fʋ bidɛbr yi n zi-zãána tarɛ, ɛ́ nɩbɛ pɛ̀w pɛ̀w a fʋ pɔwyaar.

Ɩzayi 60:4 Referans Kwoze

Ɩzayi 42:6

«A mãa, a Sore, ɩ̃ bʋɔlɩ fʋ na mɛ̃ a lɛ-na-tu-sɔr-a, ɩ̃ nyɔw fʋ nɩ nũú, ɩ̃ mɛ b'a, ɛ́ ƴãw kɛ́ fʋ wa ɩ mãa nɩ a ɩ̃ nɩbɛ wõ-taa, kɛ́ fʋ wa ɩ a tẽ-daa nɩbɛ cãà.

Ɩzayi 49:18

Jɩ́r a ziir za kaa nyɛ̃: a fʋ bibiir za ɓanɛ nɩ taa, bɛ waar'ɩ a fʋ zie. A Sore yere na: Ɩ̃ taa bɛ wa vʋʋrɛ! Alɛ bɛ ɩ lɛ, bɛ na ɩ na mɛ̃ pɩ̃ɛmɛ fʋ na ƴãw a, mɛ̃ kpàwr pɔw na ƴãw nɩ yúor a na sɛ a.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Nɩ-toni 13:44

A pɩ̃ɛnʋ-bibir na lɛb wa ta a, a tẽw nɩbɛ za, ɛ́ tɩ cɛ blã, tɩ ɓã n taa a Sore ƴɛ̀rʋ bɛr-wob ƴãw.

Zã 4:35

A nyɩɩm tɛɛ za, nyɩ bɛ tʋ̃ɔ́ mɩ́ yel: “Cuwr anaar'a cɛ, ɛ́ a na ɩ a bʋ̃-dieri deb ɛ?” Ɛcɛ mãa yere na kʋ̀rɛ nyɩ: nyɩ dʋɔ zu jɩ́r nyɛ̃: a póru maal'a baarɩ gù a cɛb.

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Ɩzayi 11:12

Ʋ na zɛw nɩ bãwfʋ k'ʋʋ yel a nɩ-bʋʋrɛ bɛ ŋa ʋ na na lɛb ɓã a Ɩsɩrayɛl nɩbɛ taa a, bɛl bɛ na diw a bɛ tẽw pʋɔ cen nɩ a, nɩ ʋ na na lɛb ɓã a Zuda nɩbɛ taa na yàarɩ be a tẽw lõbowe anaar a.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Zeremi 30:10

«A fʋ̃ʋ, Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, a Sore n'ʋ yere. Pʋl-vʋ̃ɔ ta tɛr fʋ ɛ, fʋ̃ʋ, a sãàkʋm-kʋra na n'ɩ Zakɔb a. Ɩ̃ na faa fʋ nɩ a tẽ-zãánɩ pʋɔ, ɛ́ faa a fʋ bibiir a tẽw ʋl pʋɔ bɛ na diw bɛ cen nɩ a. Ɩsɩrayɛl i, fʋ na lɛb'a wa, wa vʋʋrɛ zoom ɛ́ bɛ bãw damnʋ ɛ. Ɛ́ nɩr za kʋ̃ lɛb ƴãw fʋ dɛ̃bɩ̃ɛ ɩ.

Amɔsɩ 9:14

Ɩ̃ lɛb'a maalɛ a ɩ̃ nɩ-bʋʋrɛ ƴãwn: bɛ na lɛb'a mɩɛr a ten al na tɩ sãw a, kɛ́ bɛ kpɩɛr a pʋɔ. Bɛ na sɛl'ɩ divɛ̃ tɩɩr nyúur a divɛ̃. Bɛ na kɔ n zaadɛnɩ dɩrɛ a zaadɛnɩ pʋɔ bome.

Mise 7:12

A ʋlɩ bibir nɛ a, a nyɩ tẽ-bi-taabɛ na be a voru á ŋá pʋɔ a: Asiiri tɩ tɔ a Eziptɩ, Eziptɩ tɩ tɔ Efaratɩ man, kʋ̃ɔ-kpɛ̃ɛ tɩ tɔ kʋ̃ɔ-kpɛ̃ɛ, tãw tɩ tɔ tãw, bɛ na yi n a be lɛb wa a nyɩ zie.

A naaŋmɩn-ƴɛ̀r-manɛ Aaze sɛbɛ 2:7

Ɩ̃ na dam'ɩ a nɩ-bʋʋr-yoru za, ɛ́ a bɛ na-bome na wa n yaga a ka, ɩ̃ɩ na kʋ̀ n vɩɛlʋ yaga a yir-kpɛ̃ɛ ŋa. A mãa Sore, a Kpɛnʋ-za-sob'ʋ yere.

Ɩzayi 14:2

A nɩ-bʋʋr-yoru na tɛr'ɩ a Ɩsɩrayɛl nɩbɛ lɛb wa n a bɛ tẽw pʋɔ. Ɛ́ a be a, a tẽsɔw a Sore na so a pʋɔ a, a Ɩsɩrayɛl nɩbɛ na de nɩ a nɩbɛ bɛ ŋa bɛ ɩ gbãgbaar, a dɛbr nɩ a pɔwbɛ. Bɛ na tɛr bɛ na bɛ ɩ zɛbr nɩ-nyɔwrɩ, bɛl na dãw tɛr a bɛl Ɩsɩrayɛl nɩbɛ bɛ ɩ zɛbr nɩ-nyɔwrɩ a. A Ɩsɩrayɛl nɩbɛ na so nɩ a nɩbɛ bɛ ŋa na dãw so bɛ a.

Ɩzayi 49:17

A bɛlɩ dem na na lɛb mɛ b a páwr'a waar, ɛ́ a bɛlɩ dem na ŋmɛr fʋ bɛr ɛ́ sãw fʋ bɛr a, cere kɛ́ bɛr fʋ.