Ɩzayi 60:2 - A SƐB-SÕW

² Jɩ́r nyɛ̃: lige pàw nɩ a tẽw, ulu pili na pàw a nɩ-bʋʋrɛ. Ɛcɛ fʋ̃ʋ a, a Sore pure nɩ a fʋ zu mɛ̃ mʋ̃tɔ̃w a, ɛ́ a ʋ yúor-vɩɛlʋ-danʋ nyɩwrɛ a fʋ zu.

Ɩzayi 60:2 Referans Kwoze

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

2 Korɛ̃tɩ 3:18

Tɩɩm za bɛ na ír a pɛn bɛr tɩ a niwn ƴãw a, tɩ ɩrɛ nɩ a Sore yúor-vɩɛlʋ-danʋ sãanɛ mɛ̃ caala pʋɔ a, tɩ lɩɛb'a ŋmɛ̃ taa nɩ a Sore, ʋl na ɩ a Vʋʋrʋ a, ʋlɛ n'ʋ mɩ́ ɩ tɩ yi yúor-vɩɛlʋ-danʋ pʋɔ kpɛ yúor-vɩɛlʋ-danʋ na vɩɛl zuo a pʋɔ.

Nɩ-toni 17:23

Ɩ̃ na cɔlɛ a nyɩ sɛ́ɛ pʋɔ ɛ́ jɩ́rɛ a nyɩ ŋmɩmɛ maalʋ-ziir a, ɩ̃ wa tɩ nyɛ̃ nɩ bàwr-maal-kuur bɛ sɛb a ʋ zu: “Ŋmɩn tɩ na bɛ bãw a so ʋ.” A bom ʋl nyɩ na ƴãwnɛ à à ŋá ɛ́ bɛ bãw a, ʋlɛ n'ʋ ɩ̃ waar k'ɩ̃ɩ wa yel kʋ̀ nyɩ.

Nɩ-toni 14:16

A koro za, ʋ tɩ bɛr'ɩ a nɩ-bʋʋrɛ za bɛ tuur a bɛ sɛ́ɛ.

Zã 8:55

Nyɩ bɛ bãw ʋ ɛ, ɛ́ mãa bãw ʋ. Mãa tɩ yere k'ɩ̃ɩ bɛ bãw ʋ a, ɩ̃ nãá ɩ n zir-ŋmarɛ mɛ̃ a nyɩɩm a, ɛcɛ ɩ̃ bãw ʋ na, ɛ́ dier a ʋ ƴɛ̀rʋ.

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Ezekɩɛl 10:4

A Sore yúor-vɩɛlʋ-danʋ na tɩ be a seribɛ̃ zu-sɔw a tɩ cere nɩ a Ŋmɩn-yir-kpɛ̃ɛ dɩ̃dɔrɩ́. Lɛ n'a a zũzuwr tɩ paalɩ a Ŋmɩn-yir-kpɛ̃ɛ, ɛ́ a Sore yúor-vɩɛlʋ-danʋ cãà paalɩ a davʋra.

Sɔr-nɛ́ɛ 16:19

A Koore tɩ bʋɔl'ɩ a Ɩsɩrayɛl lãw nɩbɛ za ɓã taa a bɛ niŋé, a tuor-taa pɛn-sɛw dɩ̃dɔr nʋɔr. Lɛ n'a a Sore yúor-vɩɛlʋ-danʋ tɩ sãá, a lãw nɩbɛ za nyɛ̃,

Levitɩ mɩnɛ 9:23

A Moyiir nɩ a Aarɔ̃ tɩ kpɛ n a tuor-taa pɛn-sɛw pʋɔ. Bɛ na tɩ lɛb yi a be a, bɛ ƴɛ̀r'ɩ nɔ-vla ƴãw a nɩbɛ. Lɛ n'a a Sore yúor-vɩɛlʋ-danʋ tɩ sãá a nɩbɛ za nyɛ̃.

Zã 1:1

A yele za pɛr-tib daar, a Ƴɛ̀rʋ tɩ be na. A Ƴɛ̀rʋ tɩ be n a Naaŋmɩn zie, ɛ́ a Ƴɛ̀rʋ tɩ ɩ n a Naaŋmɩn.

Matie 23:19

Zɔn bɛ ŋa! Buor'ʋ ɩ kpɛ̃ɛ zuo: a bàwr-maal-bom'ʋ bɩɩ a bàwr-maal-kuur na mɩ́ ɩ a bàwr-maal-bom ʋ ɩ sõw a n'ʋ?

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Sɛb-sõw yielu 80:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Asafʋ na maalɩ a. Fomie bʋ̃-ŋmɩɛrɩ n'a bɛ mɩ́ ŋmɩɛr ƴãwn.

1 Na-mɩnɛ 8:11

A zũzuwr ŋa tɩ ɩ na a bàwr-maalbɛ bɛ tʋ̃ɔ́ cãà cow a bɛ tome ɩ. Bʋ̃ʋ n'ʋ vɛ̃, a Sore yúor-vɩɛlʋ-danʋ tɩ paal'ɩ a Ŋmɩn-yir-kpɛ̃ɛ.

Matie 23:24

Nyɩɩm zɔn bɛ ŋa na wule sɔ́r a! Nyɩ mɩ́ cɔw nɩ a kʋ̃ɔ ír pupurme bɛr, ɛ́ nɩ̃ɛ vɔl nyɔ̃wmɛ.

Sɛb-sõw yielu 102:16

A nɩ-bʋʋr-yoru na ƴãwnɛ fʋ na, Sore e, a tẽw zu na-mɩnɛ za na ƴãwnɛ nɩ a fʋ yúor-vɩɛlʋ-danʋ.

Ɩzayi 2:5

Nyɩ wa, Zakɔb yir dem i! Nyɩ ɩ tɩ cere a Sore cãà pʋɔ.

Ɩzayi 4:5

a lɛn daar a, ʋ na ɩ na zũzuwr mɩ́ sãá a mʋ̃tɔ̃w, ɛ́ zʋ̀ʋ́r nɩ vũu-zɛlɛ sãá a tɩ̃ɩsɔw a Sɩyɔ̃ tãw zu ziir za, nɩ a bɛlɩ dem za na na ɓã taa a ʋ zu a zu. A Sore yúor-vɩɛlʋ-danʋ na pàw nɩ bom za mɛ̃ pɛn-sɛw-kpɛ̃ɛ a,

Ɩzayi 58:10

fʋ̃ʋ mɩ́ wa ɩ a fʋ bʋ̃-dɩra kʋ̀ a kɔ̃ sob ɛ́ ƴãw a bãbàal ʋ dɩ tɩw a, a fʋ cãà na mɩ́ caal'ɩ a lige pʋɔ, ɛ́ a fʋ lige na mɩ́ ɩ na mɛ̃ mʋ̃tɔ̃-tuo a.

Ɩzayi 66:11

Lɛ n'a ʋ na lɛb ƴãw nyɩ kanyir. Nyɩ na tɩw na mɛ̃ bi-pɩɩlɛ na ƴɛnɛ a bɛ mã bɩrɛ na paalɩ bʋ̀r-kʋ̃ɔ wone nɩ nʋ̃ɔ̀ a.

Ɩzayi 8:22

al pùorí bɛ jɩ́r a tẽw nyɛ̃ a ɩ kpɩɛrʋ tɛwr, lige, lige na vʋ̃ɔnɛ pʋ̀lá a, tɩ̃ɩsɔw-varkpara.

Ɩzayi 58:8

Lɛ n'a a fʋ cãà na pur caalɩ mɛ̃ a zi-wɛl-paala a, ɛ́ a fʋ natɩr ɓãa fɔ̃w. A fʋ mɩnʋ na de fʋ nɩ niwn, ɛ́ a Sore yúor-vɩɛlʋ-danʋ pàw a fʋ pùor.

Ɩzayi 62:1

A nɔ̃wfʋ ɩ̃ na nɔnɛ fʋ a ƴãw a, Zerizalɛm i, ɩ̃ bɛ ɩrɛ gbili ɛ. A nɔ̃wfʋ ɩ̃ na nɔnɛ fʋ a ƴãw a, Sɩyɔ̃ i, ɩ̃ bɛ zɩnɛ zoom ɛ, ɛ́ gù a fʋ mɩnʋ tɩ sãá mɛ̃ cãà a, ɛ́ a fʋ faafʋ 'lere mɛ̃ mɔ̃-'lena vũu a.