Ɩzayi 60:16 - A SƐB-SÕW

¹⁶ Fʋ na nyúur'ɩ a nɩ-bʋʋr-yoru bʋ̀rʋ, fʋ na dɩrɛ nɩ a bɛ na-mɩnɛ na-bome. Lɛ n'a fʋ na bãw k'aa mãa, a Sore, mãa n'ɩ a fʋ faarɛ, k'aa mãa, a Zakɔb Naaŋmɩn, na tɛr kpɛnʋ a, mãa n'ɩ a fʋ ya-diere.

Ɩzayi 60:16 Referans Kwoze

Ɩzayi 49:23

Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»

Ɩzayi 66:14

Nyɩ na nyɛ̃ na, a nyɩ socir na cɩlɛ na, a nyɩ kɔbɛ na lɛb'a kpɛmɛ mɛ̃ mʋ̃ɔ saa na wa ƴãw a.» A Sore na ɩ n a ʋ tõ-tõ-biir bãw a ʋ kpɛnʋ, ɛcɛ ʋ na wul'ɩ a ʋ suur a ʋ dɔ̃ dem.

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Ezekɩɛl 34:30

Nɩsaal za na bãw na k'aa mãa, a Sore bɛ Naaŋmɩn, ɩ̃ be n a bɛ zie, ɛ́ a Ɩsɩrayɛl nɩ-bʋʋrɛ sɩrɩ ɩ a ɩ̃ nɩ-bʋʋrɛ. A mãa Sore Naaŋmɩn n'ʋ yere.

Ɩzayi 59:20

A Sore na wa na k'ʋʋ wa ya de a Zerizalɛm nɩ a Ɩsɩrayɛl nɩbɛ bɛl na bɛr a bɛ nɩ-gaarɩ ɩb a. A Sore n'ʋ yere.

Yel-wula 21:24

A ten ten nɩbɛ za na cere nɩ a ʋ cãà pʋɔ, ɛ́ a tẽw zu na-mɩnɛ wa n a bɛ na-bome a be.

Yel-wula 21:26

Bɛ na de nɩ a ten ten na-bome nɩ a yúor-vɩɛlʋ wa n a be.

Eziptɩ tẽw yib 6:7

Ɩ̃ na de nyɩ na, nyɩ ɩ a ɩ̃ nɩbɛ, ɩ̃ɩ ɩ a nyɩ Naaŋmɩn. Nyɩ na bãw na k'aa mãa, a Sore, mãa n'ɩ a nyɩ Naaŋmɩn na íre nyɩ bɛrɛ a Eziptɩ tẽw pɔ̃tɔrɩ tome pʋɔ a.

Ɩzayi 1:24

Alɛ so a Sore Naaŋmɩn, a kpɛnʋ-za-sob, a Ɩsɩrayɛl Naaŋmɩn na tɛr fãw a yere à ŋá: «Nyɛ̃ baw-bio a! Ɩ̃ na tʋ̃ɔ́ nɩ a nɩbɛ na àr a ɩ̃ ƴãw a yáa a san, ɩ̃ na yáa nɩ a san a ɩ̃ dɔ̃ dem zie!

Ɩzayi 12:6

Ŋmɩɛr nʋ̃ɔ̀ cɛlsɩ ɛ́ cɩlɛ, fʋ̃ʋ na kpɩɛr a Sɩyɔ̃ a. Bʋ̃ʋ n'ʋ vɛ̃, ʋ ɩ n kpɛ̃ɛ, a Ɩsɩrayɛl Naaŋmɩn na ɩ sõw a, na kpɩɛr a fʋ pʋɔ a.

Ɩzayi 19:20

Ʋ na ɩ n bãwfʋ na wule k'aa Sore, a kpɛnʋ-za-sob, be n a Eziptɩ tẽw pʋɔ a. A Eziptɩ tẽw dem wa kone cɔwr a Sore, a bɛlɩ dem na dɔwrɛ bɛ a ƴãw a, ʋ na kʋ̀ bɛ nɩ faarɛ na na gù bɛ ɛ́ faa bɛ a.

Ɩzayi 25:9

Bɛ na yere nɩ a ʋlɩ bibir nɛ: «Ʋlɛ n'ɩ a tɩ Naaŋmɩn. Tɩ tɩ ƴãw nɩ a tɩ tɩɛrʋ a ʋ ƴãw, ʋʋ faa tɩ na. Sɩza, a Sore ƴãw n'a tɩ ƴãw a tɩ tɩɛrʋ. Nyɩ ɩ tɩ cɩlɛ ƴawr'ɩ, tɩ cáarɛ, ʋ na faa tɩ a ƴãw.

Ɩzayi 29:24

A bɛlɩ dem a tɩɛrʋ na bɛ mɩ́ tori a na tĩ na bãw a pɛr, bɛl na mɩ́ tɩ zɛbr kʋralɛ a, bɛ na bɛr'a bɛ wule bɛ.»

Ɩzayi 33:22

A Sore n'ɩ a tɩ nɩ-kpɛ̃ɛ, ʋlɛ n'ʋ de tɩ a niwn. A Sore n'ɩ a tɩ nãà, ʋlɛ n'ɩ a tɩ faarɛ.

Ɩzayi 43:11

A Sore a, mãa n'ʋ, mãa yõ. Mãa bɛ wa n'ʋ a, faarɛ bɛ ka be ɩ.

Ɩzayi 45:15

Ɩsɩrayɛl Naaŋmɩn i, fʋ̃ʋ na faarɛ a, fʋ sɩrɩ na ɩ Naaŋmɩn na sɔwlɩ a!

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

Ɩzayi 60:17

Ɩ̃ na ɩ na salm-zɩɛ lɩɛrɩ kur-zɩɛ wa, salm-pla lɩɛrɩ kure wa, kur-zɩɛ lɩɛrɩ a dàar wa, kure lɩɛrɩ a kʋsɛbɛ wa. A ƴã-ɓaarʋ n'ʋ ɩ̃ na ƴãw ʋ jɩ́rɛ fʋ, ɛ́ a mɩnʋ dɩrɛ naalʋ a fʋ zu.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Ɩzayi 63:16

Ɛcɛ fʋ̃ʋ n'ɩ a tɩ sãà, a tɩ sãàkʋm-kʋra Abraham bɛ bãw tɩ yele ɩ, a Zakɔb bɛ bãw tɩ ɛ. Ɛcɛ fʋ̃ʋ a, Sore e, fʋ ɩ n a tɩ sãà, a “tɩ ya-diere”, a fʋ yúor'ɩ à ŋà a koro kãw za.

Zeremi 15:21

Ɩ̃ na ìr fʋ nɩ a nɩ-faar nuru pʋɔ, ɩ̃ na ìr fʋ nɩ a po-to-fãw dem nuru pʋɔ.»

Ɩzayi 49:26

Ɩ̃ na fɛr'ɩ a bɛlɩ dem na dɔwrɛ fʋ a ƴãw bɛ 'wɔb a bɛl mɩŋa ƴã-gã-nɛn, bɛ nyũ a bɛ zɩ̃ɩ kuoli, mɛ̃ nɩr na mɩ́ nyũ divɛ̃-kɛr kuoli a. Lɛ n'a bʋ̃-vʋʋra za na bãw k'aa fʋ faarɛ a, mãa n'ʋ, a mãa Sore, k'aa fʋ ya-diere a, a mãa Zakɔb Naaŋmɩn na kpɛmɛ a n'ʋ.»

Ɩzayi 52:6

Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»