Ɩzayi 60:11 - A SƐB-SÕW

¹¹ A fʋ dɩ̃dɛɛ na mɩ́ yuo na gã kʋralɛ. Bɛ bɛ pàwr a a mʋ̃tɔ̃w nɩ a tɩ̃ɩsɔw ɛ. Lɛ n'a bɛ na ɩ a nɩ-bʋʋr-yoru na-bome kpɛ a fʋ pʋɔ, lãwnɩ a bɛ na-mɩnɛ na cɔrɩ tu taa a.

Ɩzayi 60:11 Referans Kwoze

Ɩzayi 60:5

Fʋ na nyɛ̃ na, ɛ́ a fʋ niwn caalɩ, nʋ̃ɔ̀ na ɩrɛ fʋ na ɛ́ ƴãw cɩrɛ fʋ. Bʋ̃ʋ n'ʋ vɛ̃, a kʋ̃ɔ-kpɛ̃ɛ na-bome na waar'ɩ a fʋ zie, a nɩ-bʋʋr-yoru tɛra na wa na wa ta a fʋ zie.

Ɩzayi 60:18

Nɩr kʋ̃ lɛb wõ bɛ ƴɛ̀r po-to-fãw-ɩb ƴɛ̀rʋ a fʋ tẽw pʋɔ ɛ, bɛ ƴɛ̀r zie na sãw a nɩ kpɩɛrʋ ƴɛ̀rʋ a zie a fʋ tʋr-bɔwrɩ na viiri koli a pʋɔ ɛ. Fʋ na bʋɔlɛ nɩ a fʋ dacĩ-bɛrɛ “Faafʋ”, ɛ́ bʋɔlɛ a fʋ dɩ̃dɛɛ “Danʋ”.

Ɩzayi 62:10

Zerizalɛm tẽw dem i, nyɩ yi, nyɩ yi a tẽ-kpɛ̃ɛ pʋɔ fɔ̃w! Nyɩ puo a sɔ́r kʋ̀ a ɩ̃ nɩ-bʋʋrɛ. Nyɩ paalɩ a bɔwrɩ, nyɩ ír a kʋsɛbɛ bɛr, nyɩ bà bãwfʋ ʋ zɛw a nɩ-bʋʋrɛ ƴãw.

Sɛb-sõw yielu 149:8

Bɛ na 'lẽ nɩ a bɛ na-mɩnɛ nɩ bamɛ, ɛ́ ƴãw a bɛ nɩ-bɛrɛ 'hãkobo.

Neemi 13:19

Lɛ n'a ɩ̃ tɩ ƴãw kɛ́ bɛ mɩ́ pàw a Zerizalɛm dɩ̃dɛɛ, a zie na sɔbr a, ɛ́ a pɩ̃ɛnʋ-bibir bãw tĩ, ɛ́ taa yuore a, ɛ́ a pɩ̃ɛnʋ-bibir bɛ baarɩ sɛr ɛ. Ɩ̃ tɩ ƴãw nɩ a ɩ̃ lãw-tõ-taabɛ bɛ mɩnɛ bɛ pɩɛlɩ a dɩ̃dɛɛ, gù kɛ́ yɛ̀rʋ́ bom za taa kpɩɛr a tẽw pʋɔ a pɩ̃ɛnʋ-bibir ɛ.

Ɩzayi 24:21

A ʋlɩ bibir nɛ a, a Sore na ìr'ɩ a salom zu bʋ̃-nyɩwrɩ ƴãw a saa-zu, nɩ a tẽw na-mɩnɛ ƴãw a pile ka.

Ɩzayi 26:2

Nyɩ yuo a dɩ̃dɛɛ, nyɩ bɛr a nɩ-bʋʋrɛ na tuur a mɩnʋ a bɛ kpɛ, bɛl na bɛ lɛb pùor a.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Ɩzayi 49:23

Na-mɩnɛ nɛbɛ na guole a fʋ bibiir, ɛ́ na-mɩnɛ pɔwyaar ɩ a bɛ bɩyaalbɛ. Bɛ na mɩ́ vɔblɩ muru a fʋ niŋé. Bɛ na mɩ́ lɛnɩ nɩ a fʋ gbɛ́ɛ uuru. Lɛ n'a fʋ na bãw kɛ́ mãa n'ɩ a Sore, nɩ kɛ́ bɛlɩ dem na ƴãw a bɛ tɩɛrʋ a ɩ̃ ƴãw a bɛ nyɛrɛ vĩ ɛ.»