Ɩzayi 6:5 - A SƐB-SÕW

⁵ Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Ɩzayi 6:5 Referans Kwoze

Zeremi 1:6

Ɩ̃ tɩ sɔw na: «'Woi! Sore Naaŋmɩn i, ɩ̃ na ɩ n ŋmɩn ƴɛ̀r, ɩ̃ ɩ n pɔlbil-vɛlvɛl lɛ.»

Eziptɩ tẽw yib 6:30

Ɛcɛ a Moyiir tɩ sɔw ʋ na: «Ɩ̃ bɛ tʋ́ɔr ƴɛ̀rɛ ɩ! Ŋmɩŋmɩn n'a a Faarawɔ̃ na bɛr wõ a ɩ̃ ƴɛ̀rʋ?»

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Eziptɩ tẽw yib 4:10

A Moyiir tɩ yel'ɩ a Sore: «Fʋ gaafara, Sore e, ɩ̃ bɛ ɩ ƴɛ̀r-bãw-ƴɛ̀rɛ ɩ. Ɩ̃ bɛ ɩ ʋ dɩ̃a nɩ bio ɛ, nɩ fʋ mɩ̀ na saa tĩ kɛ́ ƴɛ̀rɛ nɩ mɛ̃ a ɩ. A ƴɛ̀rʋ mɩ́ kpɛmɛ nɩ a ɩ̃ zie.»

Ezekɩɛl 33:31

Lɛ n'a bɛ tɩ wa yaga wa zɩ̃ a fʋ niŋé. Bɛ bɛrɛ na wone a fʋ ƴɛ̀rʋ, ɛcɛ bɛ bɛ tuur a pùor ɛ. Bɛ ɩrɛ nɩ a lɛ bɛ na nɔ̃w a, ɛ́ bɔbr a bɛ tɔnɛ tɛwr.

Eziptɩ tẽw yib 6:12

Ɛcɛ a Moyiir tɩ sɔw nɩ a Sore: «A Ɩsɩrayɛl nɩbɛ tɛɛ za bɛ bɛr wõ a ɩ̃ ƴɛ̀rʋ ɛ. Ŋmɩŋmɩn n'a a Faarawɔ̃ na bɛr wõ a ɩ̃ ƴɛ̀rʋ, mãa na bɛ tʋ́ɔr ƴɛ̀rɛ a?»

Ƴɛ̀r-dɩrbɛ 6:22

Lɛ n'a a Zedeɔ̃ tɩ bãw k'aa Sore malkɩ n'ʋ, ɛ́ ŋmɛ cɛl yel: «We, Sore Naaŋmɩn i, ɩ̃ nyɛ̃ nɩ a fʋ malkɩ nɩ mimir!»

Eziptɩ tẽw yib 33:20

Ʋ tɩ yel'a ƴãw pʋɔ: «Fʋ kʋ̃ tʋ̃ɔ́ nyɛ̃ a ɩ̃ niwn ɛ. Bʋ̃ʋ n'ʋ vɛ̃, nɩsaal za kʋ̃ tʋ̃ɔ́ nyɛ̃ a ɩ̃ niwn ɛ́ cãà vʋʋrɛ ɩ.»

Ƴɛ̀r-dɩrbɛ 13:22

A Manoa tɩ yel'ɩ a ʋ pɔw: «A bɛ tɛr à ŋá ɩ, tɩ na kpi na, tɩ na nyɛ̃ a Naaŋmɩn a ƴãw.»

Zeremi 51:57

«Ɩ̃ na ɩ na a ʋ tõ-tõ-bi-bɛrɛ, a ʋ yã-bãwnbɛ, a ʋ tẽli-kaarbɛ, a ʋ na-kpɛ̃ɛ-lɩɛrbɛ nɩ a ʋ gãdaar nyũ kuoli. Bɛ na gúr'ɩ gʋ̃ɔ na bɛ tɛr baarʋ a, bɛ kʋ̃ lɛb zaw ìr towtow ɛ. A nãà a yúor na dɩ kɛ́ “Sore kpɛnʋ-za-sob a” n'ʋ yere.»

Ɩzayi 33:17

Fʋ na jɩ́r'ɩ a nãà na dɩ dɛpaalʋ a, fʋ na nyɛ̃ nɩ a tẽw yɛ̀lʋ tɩ tɔ.

Habakukɩ 3:16

Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ: a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú, a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ. Ɩ̃ ɩ n gbili cɛlɛ nɩ a kpɩɛrʋ bibir, k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.

Eziptɩ tẽw yib 24:10

Bɛ tɩ nyɛ̃ nɩ a Ɩsɩrayɛl Naaŋmɩn. A ʋ gbɛ́ɛ pile a, a tɩ ɩ na mɛ̃ tẽsɔw bɛ na maal'ɩ kʋsɛ-nyɩlɩ kãw bɛ na bʋɔlɛ safɩɩr, ʋʋ ɩ mɛ̃ a salom sɛbla a.

Sɔr-nɛ́ɛ 17:12

A Aarɔ̃ tɩ de nɩ a parfɛ̃ nyɩwfʋ-kole mɛ̃ a lɛ a Moyiir na tɩ yel a, zɔ cen nɩ a lãw nɩbɛ sɔgɔ a bʋ̃-faa na tɩ tĩ baarɩ a. Ʋ tɩ nyɩw nɩ a tɩ-suur-zɔ̃-na-nyùur-vla-vla-a, ɛ́ tu a yel-bebe suur-dɩ-kʋ̀b tub a Ɩsɩrayɛl nɩbɛ ƴãw.

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Ɩzayi 64:6

Nɩr bɛ cãà bʋɔlɛ a fʋ yúor ɛ, nɩr bɛ cãà ganɛ ìre sowre a fʋ yele ɩ. Bʋ̃ʋ n'ʋ vɛ̃, fʋ bɛ cãà bɔbr a tɩ nyɛ́b ɛ, ɛ́ bɛr tɩ kʋ̀ a tɩ ɩ-faar a so tɩ.

Ezekɩɛl 12:2

«A fʋ̃ʋ nɩsaal bie, fʋ kpɩɛr'ɩ nɩ-bʋʋr-gaarɩ sɔgɔ! Bɛ tɛr'ɩ mimie nyɛ́b ƴãw, ɛ́ bɛ nyɛrɛ ɩ. Bɛ tɛr'ɩ tobe wob ƴãw, ɛ́ bɛ wone ɩ. Sɩza, nɩ-bʋʋr-gaarɩ nɛbɛ!

Yele-za-pɛr-tib 32:31

A Zakɔb tɩ por'ɩ a zie nɛ yúor kɛ́ Penɩɛl, a pɛr lɛ kɛ́ “Naaŋmɩn Niwn”. Bʋ̃ʋ n'ʋ vɛ̃, ʋ tɩ yel'a: «Ɩ̃ càar'a nyɛ̃ a Naaŋmɩn ɛ́ cãà vʋʋrɛ.»

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Sɛb-sõw yielu 24:10

— Ãa n'ɩ a na-kpɛ̃ɛ ŋa? — A Sore Kpɛnʋ-za-sob'ʋ, ʋlɛ n'ɩ a na-kpɛ̃ɛ. Tɛw-àrʋ

Ɩzayi 24:16

Tɩ wone yielu ŋa na yire a tẽw baarʋ zie a: «A Naaŋmɩn na ɩ mɩŋa sob a so yúor-vɩɛlʋ-danʋ!» Ɛcɛ mãa yere na: «Ɩ̃ wɛ na, ɩ̃ wɛ na! Baw-bio páw mɛ̃ na!» A mɩlmɩlbɛ mɩl'a. Mɩlʋ wɛ! A mɩlmɩlbɛ mɩlɛ na.