Ɩzayi 6:4 - A SƐB-SÕW

⁴ A bɛ kɔkɛɛ tɩ ɩ na a dɩ̃dɛɛ dàar a màwr, ɛ́ zʋ̀ʋ́r tɩ paalɛ a Ŋmɩn-yir-kpɛ̃ɛ.

Ɩzayi 6:4 Referans Kwoze

Yel-wula 15:8

A Naaŋmɩn yúor-vɩɛlʋ-danʋ nɩ a ʋ kpɛnʋ tɩ ɩ na zʋ̀ʋ́r paalɩ a Ŋmɩn-yir-kpɛ̃ɛ, ɛ́ a bɛ tɩ tɛr nɩr na kpɛ a ʋ pʋɔ ɩ, ɛ̀ gù a malkɩ ayopõi bʋ̃-faar ayopõi tɩ tɔl baarɩ.

Yel-wula 11:19

Lɛ n'a a Ŋmɩn-yir na be a salom zu a tɩ yuo, ɛ́ a Wõ-taa daga sãá a ʋ pʋɔ. A tɩ ɩ n saa-nyɩwrʋ, kɔkɛɛ gɔmɛ, saa tanʋ, tẽsɔw-kɔbr damnʋ nɩ sa-bi-kube na lo yaga za a.

Ezekɩɛl 10:5

Bɛ tɩ wɩɛr'a tɩ wone a seribɛ̃ pɩgɛ gɔmɛ a yẽw davʋrá. A gɔmɛ á ŋá tɩ ŋmɛ̃ na mɛ̃ saa-tanʋ a, mɛ̃ a Naaŋmɩn kpɛnʋ-za-sob kɔkɔr a.

2 Bibie za yel-manɩ 5:13

A wɩ-pɛblɛ nɩ a yiel-yielbɛ tɩ lãw nɩ taa vla vla maal yiele mɛ̃ kɔkɔr-been a, yiele danɛ nɩ a Sore: «Nyɩ danɛ a Sore, a ʋ vɩɛlʋ ƴãw, a ʋ nɔ̃wfʋ na be kʋralɛ a ƴãw.» A yielu ŋa mɩ́ ìr'a do lãwnɩ a wɩɩr, a sɛ̃sɛgɛ nɩ a yielu bome al na cɛ a, zũzuwr mɩ́ paal'ɩ a Ŋmɩn-yir-kpɛ̃ɛ.

Eziptɩ tẽw yib 40:34

Lɛ n'a a zũzuwr tɩ wa pàw a tuor-taa pɛn-sɛw, ɛ́ a Sore yúor-vɩɛlʋ-danʋ paalɩ a zi-sõw,

Amɔsɩ 9:1

Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.

Sɛb-sõw yielu 18:8

Lɛ n'a a tẽsɔw tɩ gbiwri ɛ́ dam, a tan pɛ́ɛ tɩ dam'a a dãdawlɛ, a Sore suur na tɩ ìr a ƴãw.

Ezekɩɛl 1:24

Ɩ̃ tɩ wõ n a gɔmɛ a pɩgɛ na tɩ ɩrɛ a bʋ̃-vʋʋrɩ na mɩ́ wa cere tɔlɛ nidaa a. A gɔmɛ á ŋá tɩ ŋmɛ̃ na taa nɩ kʋ̃ɔ-kpɛ̃ɛ damnʋ, saa-tanʋ, a Kpɛnʋ-za-sob kɔkɔr bɩɩ zɛbr-nɩbɛ na yãwmɛ a gɔmɛ a. A na mɩ́ tɩ tɛw àr a, a mɩ́ tɩ ɓã n a pɩgɛ taa.

Ezekɩɛl 41:16

A tokori dàar, a fʋɔlɩ na viiri koli be a di-suwli ata zu a, bɛ mɩ̀ tɩ pàw a na nɩ dàar. Dàar tɩ be n a ziir za, a na tĩ a tẽsɔw ɛ́ tɩ ta a tokorí a, ɛ́ mɔ̃ mɩ̀, bɛ pàw nɩ a tokori nɩ dàar bɛ na pɛnɩ a ɩ ɓɛrɓɛr a.

Ezekɩɛl 44:4

Al pùorí, a nɩr nɛ tɩ ƴãw na ɩ̃ tu a saa-pɛrɩ́-gʋba-lowr dɩ̃dɔr ƴãw kpɛ cen tɩ ta a Ŋmɩn-yir-kpɛ̃ɛ niŋé. Ɩ̃ tɩ nyɛ̃ na k'aa Sore yúor-vɩɛlʋ-danʋ tɩ paal'ɩ a Ŋmɩn-yir-kpɛ̃ɛ. Ɩ̃ tɩ lo na vɔblɩ muru.