Ɩzayi 6:2 - A SƐB-SÕW

² Malkɩ mɩnɛ bɛ na bʋɔlɛ serafɛ̃ mɩnɛ a tɩ àr'ɩ a ʋ zu-sɔw. Ŋa za tɩ tɛr'ɩ pɩgɛ ayʋɔb: ayi a niwn pàwfʋ ƴãw, ayi a ƴã-gan pàwfʋ ƴãw ɛ́ ayi a ƴawfʋ ƴãw.

Ɩzayi 6:2 Referans Kwoze

Yel-wula 4:8

A bʋ̃-vʋʋrɩ anaar á ŋá kãw za tɩ tɛr'ɩ pɩgɛ ayʋɔb na ɩ mimie tɛwr a zikurí nɩ a pʋ̃ɔmɩ a. Mʋ̃tɔ̃w nɩ tɩ̃ɩsɔw, a tɩ yere na bɛ tɛr nãà bɛr ɛ: «Sõw, sõw, sõw n'ɩ a Sore, Naaŋmɩn kpɛnʋ-za-sob, ʋl na tɩ be, na be, ɛ́ waar a!»

Ezekɩɛl 1:11

A pɩgɛ ayi tɩ tur'a cɔw a saa-zu ɛ́ tɩ tuori taa, ɛ́ a ayi al na cɛ a tɩ pàw a a ƴã-gamɛ.

Sɛb-sõw yielu 104:4

A sɛsɛb'ʋ fʋ mɩ́ tõ bɛr a ziir, ɛ́ de a vũu-zɛlɛ a ɩ a fʋ tõ-tõ-biir.

Sɛb-sõw yielu 103:20

Nyɩ danɛ a Sore, nyɩɩm ʋ malkɩ mɩnɛ ɛ, nyɩɩm na mɩ́ ƴãw fãw ɩrɛ a lɛ ʋ na yel a, ʋʋ mɩ́ ƴɛ̀rɛ wa báarɛ nyɩ sàw a ʋ nʋɔr a.

Ɩzayi 6:6

Ɛcɛ a malkɩ mɩnɛ bɛ na bʋɔlɛ serafɛ̃ mɩnɛ a ƴen sob tɩ ƴaw na waar a ɩ̃ zie, tɛr vũu-bir ʋ na tɩ ír'ɩ caba a bàwr-maal-kuur zu a.

Sɛb-sõw yielu 18:10

Ʋ tɩ taw nɩ a salom yuo ɛ́ siw, ɛ́ zũzuw-sɛbla be a ʋ gbɛ́ɛ pile.

1 Na-mɩnɛ 6:24

A dãw-niwn sob tɩ tɛr'ɩ pɩgɛ ayi, a wogo na mɩ́ ɩ mɛtɩr ayi nɩ ŋmãa a. A ɩ à ŋá pɩwr nyʋɔr tɩ tɔ pɩwr nyʋɔr wogo mɩ́ ɩ mɛtɩr anũu.

Yel-wula 14:6

Al pùorí, ɩ̃ tɩ nyɛ̃ nɩ malkɩ yũo ʋ laarɛ a saa-zu za. Ʋ tɩ tɛr'ɩ Yel-nʋ̃ɔ̀ na be kʋralɛ a na yel kʋ̀ a bɛlɩ dem na kpɩɛr a tẽw zu a: tẽw za, dɔwlʋ za, ƴɛ̀r-pɛ-bʋʋrɛ za nɩ nɩ-bʋʋrɛ za.

Yel-wula 8:13

Ɩ̃ tɩ nyɛ̃ na ɛ́ wõ sɩla na laarɛ a saa-zu za a, ʋ yere kpɛ̃w kpɛ̃w za: «Zu-bio! Zu-bio! Zu-bio n'a a tẽw zu dem ƴãw, a lɛn daar a malkɩ mɩnɛ ata na cɛ a nãà wa pɛblɩ a bɛ wɩɩr a!»

Yel-wula 7:11

A malkɩ mɩnɛ za tɩ àr'a viiri koli a naalʋ-dà-kɔw, a nɩ-kore nɩ a bʋ̃-vʋʋrɩ anaar. Bɛ tɩ lo na vɔblɩ muru a naalʋ-dà-kɔw niŋé, ɛ́ puori a Naaŋmɩn nɩ bɛ tʋɔra-siwru,

Ezekɩɛl 10:21

Seribɛ̃ za tɩ tɛr'ɩ niŋe anaar, pɩgɛ anaar nɩ bome kãw na ɩ mɛ̃ nɩsaal nuru a, a be a pɩgɛ pile.

Ezekɩɛl 1:24

Ɩ̃ tɩ wõ n a gɔmɛ a pɩgɛ na tɩ ɩrɛ a bʋ̃-vʋʋrɩ na mɩ́ wa cere tɔlɛ nidaa a. A gɔmɛ á ŋá tɩ ŋmɛ̃ na taa nɩ kʋ̃ɔ-kpɛ̃ɛ damnʋ, saa-tanʋ, a Kpɛnʋ-za-sob kɔkɔr bɩɩ zɛbr-nɩbɛ na yãwmɛ a gɔmɛ a. A na mɩ́ tɩ tɛw àr a, a mɩ́ tɩ ɓã n a pɩgɛ taa.

Ezekɩɛl 1:9

A pɩgɛ nyɛɛ tɩ tɔ n taa. A bʋ̃-vʋʋrɩ tɩ tori nɩ niwn cere ɛ́ bɛ ŋmɛlɛ kaar ɛ.

Ezekɩɛl 1:6

A bʋ̃-vʋʋrɩ á ŋá kãw za tɩ tɛr'ɩ niŋe anaar nɩ pɩgɛ anaar.

A Zɔb sɛbɛ 15:15

A Naaŋmɩn bɛ mɩ́ wa ƴãw a ʋ tɩɛrʋ a ʋ malkɩ mɩnɛ tɛɛ za ƴãw a, ɛ́ a ʋl zie a salom bɛ mɩ́ wa vɩɛl parpar a,

A Zɔb sɛbɛ 1:6

Zɩ̃ kɛ́ a bibir ʋl a Naaŋmɩn malkɩ mɩnɛ na mɩ́ cen tɩ manɩ a bɛ tome kʋ̀ a Sore a tɩ vɩɛ na. A Sɩtaana mɩ̀ tɩ pʋɔ na cen.

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

1 Na-mɩnɛ 8:7

Bʋ̃ʋ n'ʋ vɛ̃, a seribɛ̃ tɩ dɔl'ɩ a pɩgɛ a zie nɛ bɛ na na bin a daga a saa-zu, k'aa tʋ̃ɔ́ pàw a daga nɩ a dàar bɛ na mɩ́ tuo nɩ ʋ a.

1 Na-mɩnɛ 6:27

Bɛ tɩ bin nɩ a seribɛ̃ a zi-sõw-za-zi-sõw sɔwlɩsɔw. A pɩgɛ tɩ dɔl'a, a seribɛ̃ dãw-niwn sob pɩwr kãw tɩ tɔ a dĩo dacin kãw, ɛ́ a ayi sob pɩwr kãw mɩ̀ tɩ tɔ a dacin ƴen sob. A pɩgɛ ayi al na cɛ a tɩ tuor'a tɔ taa a dĩo sɔwlɩsɔw.

Eziptɩ tẽw yib 37:9

A tɩ tori nɩ taa, ɛ́ jɩ́rɛ a daw-pàwra a na tɩ dɔl a pɩgɛ a saa-zu piw nɩ a.

Eziptɩ tẽw yib 25:20

A seribɛ̃ na tori nɩ taa, ɛ́ jɩ́rɛ a daw-pàwra. A na dɔl'ɩ a pɩgɛ a saa-zu pàw nɩ ʋ.

Sɛb-sõw yielu 89:7

Ãa n'ʋ zɛ̃ taa nɩ a Sore a saa-zu? A naaŋmɩmɛ pʋɔ a, ãa n'ʋ na tʋ̃ɔ́ de ʋ tʋɔra manɛ nɩ ʋ?

A Zɔb sɛbɛ 4:18

Bɛl nyɛ̃: a Naaŋmɩn bɛ mɩ́ wa ƴãw a ʋ tɩɛrʋ a ʋ malkɩ mɩnɛ ƴãw a, ʋlɛ mɩ́ wa nyɛ̃ sãwna yere a tõ-tõ-biir na be a ʋ zie a salom zu a zie a,

1 Na-mɩnɛ 19:13

A Eli na tɩ wõ a sɛsɛble damnʋ a, ʋ nyɔw nɩ a ʋ kpar-kpɛ̃ɛ pàw nɩ a niwn, ɛ́ yi àr a tãw bɔw nʋɔr. Lɛ n'a ʋ tɩ wõ kɔkɔr ʋ ƴɛ̀r a ʋ zie yel à ŋá: «Eli i, bʋnʋ ƴãw n'a fʋ be a ka?»

Eziptɩ tẽw yib 3:6

Mãa n'ɩ a fʋ sãàkʋm-kore Naaŋmɩn, a Abraham Naaŋmɩn, a Ɩzaakɩ Naaŋmɩn, a Zakɔb Naaŋmɩn.» A Moyiir tɩ pàw nɩ a ʋ niwn, dɛ̃bɩ̃ɛ na tɩ ɩrɛ ʋ a Naaŋmɩn jɩ́rʋ ƴãw a zũú.

Yele-za-pɛr-tib 17:3

A Abram tɩ lo na gbĩ dume gũu tɩ tɔ tẽw, ɛ́ a Naaŋmɩn ƴɛ̀r a ʋ zie à ŋá:

Ebre 1:7

A malkɩ mɩnɛ ƴãw a, ʋ yel'ɩ à ŋá: «A Naaŋmɩn mɩ́ ɩ na a ʋ malkɩ mɩnɛ ɩ sɛsɛb, ɛ́ a ʋ tõ-tõ-biir ɩ vũu-zɛlɛ.»

Luka 1:10

A zu-sɛbla tɩ gbõ n taa àr a yẽw puore a tɩ-suur-zɔ̃-na-nyùur-vla-vla-a nyɩwfʋ daar.

Zakari 3:4

A malkɩ tɩ ƴãw nɩ a nɩbɛ na bɩɛlɛ ʋ a, bɛ yaa a kpar-dɛgɛ bɛr ʋ. Al pùorí ʋ yel a Zozue: «Ɩ̃ de nɩ a fʋ sãwna bɛr a baarɩ, ɛ́ na su b cuw kparɩ.»

Ezekɩɛl 10:16

A seribɛ̃ mɩnɛ wa tawr tɔlɛ a, a gbɛ́ɛ mɩ̀ mɩ́ lãw na tawr tɔlɛ nɩ a. Alɛ wa dɔl a pɩgɛ k'aa zɛw ìr a saa-zu a, a gbɛ́ɛ mɩ́ àr'a kɔw a.

Ezekɩɛl 1:4

Bom ŋa n'ʋ ɩ̃ tɩ nyɛ̃: sɛsɛb-pɩl tɩ yi n a saa-pɛrɩ́-gʋba-lowr waar'ɩ zũzuwr-kpɛ̃ɛ cãà na viiri koli a. Saa-nyɩwrʋ tɩ yire nɩ a ʋ ziir za. A ʋ sɔwlɩsɔw tɩ nyɔw nɩ vũu dɩrɛ mɛ̃ kure na nyɩwrɛ a.

Neemi 9:6

Fʋ̃ʋ n'ɩ a Sore, fʋ̃ʋ yõ tẽtẽ! Fʋ maal'ɩ a salom na bɛ dɩ vuo a, nɩ a ŋmar-bie za, a tẽw nɩ bom za na be a ʋ zu a, a kʋ̃ɔ-bɛrɛ nɩ bom za na be a pʋɔ a. Fʋ kʋ̀rɛ nɩ nyɔ-vʋʋrʋ bʋ̃-íra za. A saa-zu kpɛnʋ siwre nɩ a tʋɔra a fʋ niŋé.