Ɩzayi 6:11 - A SƐB-SÕW

¹¹ Lɛ n'a ɩ̃ tɩ sowri: «Tɩ ta debor daar, Sore e?» Ʋ sɔw: «Tɩ ta a lɛn daar a tẽ-bɛrɛ na na sãw gã nɩbɛ bɛ cãà kpɩɛr a, a yie gã zawlɛ nɩsaalɛ za bɛ cãà nyùur a, ɛ́ a tẽsɔw sãw ʋ za a ɩ kpɩɛrʋ a.»

Ɩzayi 6:11 Referans Kwoze

Ɩzayi 1:7

A nyɩ tẽw sãw nɩ ʋ za, vũu dɩ n a nyɩ tẽ-bɛrɛ. Sãanbɛ báarɛ nɩ a nyɩ tẽsɔw bʋ̃-kʋ́ɔrɩ a nyɩ mimié. A nyɩ tẽsɔw gã nɩ zawla, ʋ sãw nɩ ʋ za, ɩ mɛ̃ a lɛ dɔ̃ dem na mɩ́ wa tɔl baarɩ ʋʋ ŋmɛ̃ a.

Sɛb-sõw yielu 94:3

Sore e, a nɩ-faar cɩlɛ na, na tɩ ta n debor? Debor daar'a bɛ na cɩlɛ tɩ ta?

Ɩzayi 3:26

Lɛ n'a a tẽ-kpɛ̃ɛ na kone ʋ za ɛ́ be wahala pʋɔ, mɛ̃ pɔw na bɛ cãà tɛr bom za ɛ́ zɩ̃ tẽsɔw a.

Sɛb-sõw yielu 90:13

Sore e, debor'a fʋ na nyɛ̃ a suur tɩ ta? Lɛb wa, zɔ a fʋ tõ-tõ-biir nɩbaalʋ.

Levitɩ mɩnɛ 26:31

Ɩ̃ na ŋmɛr'ɩ a nyɩ tẽ-bɛrɛ bɛr, ɛ́ nɩr kʋ̃ cãà be a nyɩ zi-son pʋɔ ɩ. Ɩ̃ kʋ̃ cãà sàwr a nyɩ bagɛ zʋ̀ʋ́r na nyùur nʋ̃ɔ̀ nʋ̃ɔ̀ a ɩ.

Sɛb-sõw yielu 79:5

Sore e, debor'a fʋ na nyɛ̃ a suur tɩ ta? Kʋralɛ n'a a fʋ suur na 'lere mɛ̃ vũu a bɩɩ?

Sɛb-sõw yielu 74:10

Naaŋmɩn i, debor'a a bɛ-nɔnɛ na tʋ b a zʋmɛ tɩ ta? Debor'a a dɔ̃ sob na ɩrɛ fʋ kʋralɛ laar tɩ ta?

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 5:9

A Sore, a kpɛnʋ-za-sob pɔb ŋa lo n a ɩ̃ tobe pʋɔ: «Yir-yaga, yir-bɛrɛ nɩ yir-vɩɛlɩ na lo na, nɩr kʋ̃ cãà kpɩɛr a ɩ.

Ɩzayi 13:12

Ɩ̃ na ɩ na a nɩsaalbɛ bɛ cãà nyɛrɛ mɛ̃ a salm-zɩɛ mɩŋa mɩŋa a ɩ, bɛ bɛ cãà nyɛrɛ mɛ̃ a Ofɩɩr tẽw salm-zɩɛ a ɩ.»

Ɩzayi 32:14

Bɛ yi na kɛ́ bɛr a nãà yir, nɩr bɛ cãà a tẽ-kpɛ̃ɛ na tɩ ɩrɛ gɔmɛ a pʋɔ ɩ. A Ofɛl nɩ a zie piwru yir-cõcowla lɩɛbɩ ziir na gã zawlɛ kʋralɛ ɩ a bòn gaarɩ nʋ̃ɔ̀ nɩ a dʋn mʋ̃ɔ 'wɔbrʋ zie a.

Ɩzayi 35:1

A wɛja-kpalɛ nɩ a tẽ-kõw, a cɩlɛ! A dɩlãpʋɔ, ʋ cɩlɛ ƴawr'ɩ, ɛ́ ɩ puuru ʋ za!

Ɩzayi 60:15

A nɩbɛ tɩ zawrɩ fʋ na bɛr, bɛ bɛ tɩ nɔnɛ fʋ ɛ, ɛ́ nɩr za bɛ tɩ tuur yire a fʋ zie ɩ. Ƴɛrɛŋa a, ɩ̃ na maalɩ fʋ na fʋ vɩɛl kʋralɛ, mɩ́ ƴãw a nɩbɛ cɩlɛ yome yome za.

Ɩzayi 64:10

A Ŋmɩn-yir-sõw-vla vla, a be a tɩ sãàkʋm-kore na mɩ́ tɩ danɛ fʋ a dɩ n vũu. A bome al za tɩ na tɩ nɔnɛ a sãw sãw na.

Zeremi 4:7

A gbẽw yi n a ʋ tuw pʋɔ, a nɩ-bʋʋr-yoru sãw-sãwnɛ lo n a sɔ́r, ʋ yi n a ʋ beba zie, k'ʋʋ tʋ̃ɔ́ sãw a fʋ tẽw bɛr: a fʋ tẽ-bɛrɛ na dɩ n vũu, ɛ́ kʋ̃ cãà tɛr nɩbɛ bɛ kpɩɛr a pʋɔ ɩ.

Zeremi 22:6

A Zuda tẽw nãà yir ƴãw a, à ŋá n'a a Sore yere: «Ɩ̃ na saa nyɛ b fʋ vɩɛl man Galaadɩ tẽw tuwr a, bɩɩ ɩ mɛ̃ a Libã tẽw tan nyʋɔr a, ɩ̃ bɛ bʋ́nɛ nɩ na ɩ fʋ lɩɛbɩ a wɛja-kpalɛ ɩ, tẽ-kpɛ̃ɛ nɩr za na bɛ kpɩɛr a ɩ.

Zeremi 44:2

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Nyɩ nyɛ̃ nɩ a kpɩɛrʋ al za ɩ̃ na ɩ a páw a Zerizalɛm nɩ a Zuda tẽ-bɛrɛ a. A dɩ̃a a, a lɩɛb'ɩ deboru, nɩr bɛ lɛb cãà kpɩɛr a pʋɔ ɩ.

Zeremi 52:27

A Babɩlɔn tẽw nãà tɩ ƴãw na bɛ kʋ bɛ a be, a Hamatɩ tẽw. À à ŋá n'a bɛ tɩ diw a Zuda tẽw nɩbɛ cen nɩ, zãá nɩ a bɛ tẽw.

Ezekɩɛl 6:6

Zie za nyɩ na kpɩɛr a, a ten na ɩ n zawlɛ ɛ́ bɛ jɛ a maalʋ-ziir bɛr. A nyɩ bàwr-maal-kube na ŋmɛr'a gã, ɛ́ kʋ̃ tɛr yel-ɩra kãw za ɩ. Bɛ na ŋmɛr'ɩ a nyɩ ŋmɩmɛ bɛr, ír a bɛr, ɛ́ sãw a nyɩ parfɛ̃ nyɩwfʋ ziir bɛr. Bom nɛ za nyɩ na maalɩ a na sãw na, a nʋɔr kʋ.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Mise 5:11

Ɩ̃ na ɩ na a nyɩ sɔ-yele za baarɩ, ɩ̃ na ŋmɛ n tɩtɩblʋ za na be a nyɩ nuru pʋɔ a lɔb.

Mise 6:13

A lɛ n'a so ɩ̃ tĩ ŋmɩɛr nyɩ, ŋmɩɛrʋ na na wa n a nyɩ loba, a nyɩ yel-bebe zũú a.

Levitɩ mɩnɛ 26:33

Ɩ̃ na vʋ̃ɔ nɩ a zɛbr-sɔ-kpɛ̃ɛ a nyɩ ƴãw, ɛ́ diw nyɩ yaarɩ a nɩ-bʋʋr-yoru pʋɔ. A nyɩ tẽw na lɩɛb'ɩ wɛja-kpalɛ, ɛ́ a nyɩ tẽ-bɛrɛ lɩɛbɩ debo-bɛrɛ.

Wulu-ayi-sob 28:62

Nɩbɛ blã lɛ tɛwr'a na cɛ a nyɩ pʋɔ, nyɩɩm na tɩ yãwmɛ mɛ̃ a saa ŋmar-bie a. Bʋ̃ʋ n'ʋ vɛ̃, a nyɩ na kʋ̃ bɛr wõ a Sore nyɩ Naaŋmɩn ƴɛ̀rʋ a ƴãw n'a.

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Mise 7:13

A tẽ-daa na cɛ a na lɩɛb'ɩ tẽw na bɛ tɛr kpɛb a, a nɩbɛ na kpɩɛr a ʋ pʋɔ a faalʋ zũú.