Ɩzayi 6:10 - A SƐB-SÕW

¹⁰ Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Ɩzayi 6:10 Referans Kwoze

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Nɩ-toni 28:27

Bʋ̃ʋ n'ʋ vɛ̃, a nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ, alɛ bɛ ɩ lɛ, ɩ̃ nãà sanɩ bɛ na.”

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Zeremi 6:10

Anʋ zie n'a a fɛr k'ɩ̃ɩ ƴɛ̀r? Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m? A bɛ tobe kpar'a kʋ̃ tʋ̃ɔ́ cɛlɛ be ɩ. A Sore ƴɛ̀rʋ a, bɛ tobr bɛ ka ʋ ƴãw ɛ, bɛ bɛ bɔbr ʋ ɛ.

Zakari 7:11

Ɛcɛ a nɩbɛ zawr'ɩ a bɛr-wob: bɛ gùr'ɩ pùor cɔw, ɛ́ fùr a bɛ tobe, kɛ́ bɛ ta wõ bom ɛ.

Ɩzayi 63:17

Sore e, bʋ̃ʋ n'ʋ so fʋ bɛr tɩ tɩ bɔr zãá nɩ a fʋ sɔ́r, tɩ kpawlɩ a tɩ socie a bɛ zɔrɛ fʋ? Lɛb wa, fʋ na nɔnɛ tɩ a zũú, tɩɩm na ɩ a fʋ tõ-tõ-biir a, a nɩ-bʋʋrɛ fʋ na so a.

Ɩzayi 29:10

Bʋ̃ʋ n'ʋ vɛ̃, a Sore gbini nɩ a nyɩ yã, ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ, ʋ pàw nɩ a nyɩ yel-nyɛrbɛ niŋe nɩ pɛn.

Wulu-ayi-sob 2:30

Ɛcɛ a Hɛsɩbon nãà, Sihon, bɛ sàw tɩ tɔl a ʋ zie ɩ. Bʋ̃ʋ n'ʋ vɛ̃, a Sore nyɩ Naaŋmɩn tɩ ɩ na a ʋ tɩɛrʋ nɩ a ʋ socir kpawlɩ mɛ̃ kʋsɩɛr a, k'ʋʋ tʋ̃ɔ́ ƴãw ʋ a nyɩ nuru pʋɔ a ʋlɩ bibir nɛ.

Sɛb-sõw yielu 17:10

Bɛ ɩ n 'wɔra 'wɔra a, ɛ́ ƴɛ̀rɛ pɔ̀l-ƴɛ̀rʋ.

Wulu-ayi-sob 32:15

A Yesurun na wa kpɛ bɛ́rʋ baar'a, ʋ gaarɩ na. Ʋ na wa kpɛ bɛ́rʋ a, ʋ na wa 'wɔr a, ʋ na wa tɩbrɛ baar'a, ʋ zawr'ɩ a Naaŋmɩn bɛr, a ʋ Íre, ʋ ƴãw nɩ a ʋ pì-kpɛ̃w vĩ, a ʋ faarɛ.

Sɛb-sõw yielu 119:70

Bɛ bɛ bɔbr kɛ́ bɛ bãw bom pɛr towtow ɛ, ɛcɛ mãa a, a fʋ wulu tub ɩrɛ mɛ̃ nɩ nʋ̃ɔ̀ yaga.

Eziptɩ tẽw yib 14:17

Mãa ƴãw a, ɩ̃ na ɩ na a Eziptɩ tẽw nɩbɛ kpãa tobr, ɛ́ tu a nyɩ pùor kpɛ a kʋ̃ɔ-kpɛ̃ɛ pʋɔ. Lɛ n'a ɩ̃ na tʋ̃ɔ́ a Faarawɔ̃ nɩ a ʋ zɛbr-nɩbɛ za, a ʋ zɛbr-torkori, a ʋ wi-zɔmnbɛ, lɛ n'a ɩ̃ na tʋ̃ɔ́ bɛ pẽlẽpẽlẽ, wul a ɩ̃ yúor-vɩɛlʋ-danʋ.

Eziptɩ tẽw yib 11:10

A Moyiir nɩ a Aarɔ̃ tɩ sɩrɩ na maalɩ nɔ-ɓãa-yele yaga a Faarawɔ̃ nyɛ̃. Ɛcɛ a Sore tɩ ɩ na ʋ kpãa tobr bɛ bɛr a Ɩsɩrayɛl nɩbɛ bɛ yi zaa a ʋ tẽw pʋɔ ɛ.

Eziptɩ tẽw yib 10:27

Ɛcɛ a Sore tɩ ɩ na a Faarawɔ̃ kpãa tobr bɛ sàw a Ɩsɩrayɛl nɩbɛ na cen ɛ.

2 Korɛ̃tɩ 2:16

Bɛ ŋa zie a, kũu nyũu na waar'ɩ kũu a n'a, ɛ́ bɛ ŋa zie a ɩ nyɔ-vʋʋrʋ nyũu na waar'ɩ nyɔ-vʋʋrʋ a. Ɛ́ ãa n'ʋ sɛw taa nɩ a ton ŋa tɔ?

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

Ɩzayi 19:22

A Sore na ŋmɛ n a Eziptɩ tẽw dem, ʋ na ŋmɛ bɛ na, ɛcɛ ʋ na sanɩ bɛ na. Bɛ na lɛb'a wa a Sore zie, ʋʋ na bɛr'a wõ a bɛ zɛlʋ ɛ́ sanɩ bɛ.

Eziptɩ tẽw yib 7:3

Ɛcɛ ɩ̃ na ɩ na a Faarawɔ̃ kpãa tobr. Ɩ̃ na maal'ɩ yel-yaga na ɩ bãwfʋ ɛ́ ɩ nɔ-ɓãa-yele a, a ʋ tẽw pʋɔ,

Zã 12:40

«Naaŋmɩn ɩ na bɛ zɔ̃w, ʋʋ ɩ a bɛ socie kpawlɩ, kɛ́ bɛ ta tʋ̃ɔ́ nyɛ̃ nɩ a bɛ mimie ɩ, kɛ́ bɛ ta tʋ̃ɔ́ bãw a pɛr ɛ, kɛ́ bɛ ta tʋ̃ɔ́ lɩɛbɩ a bɛ ɩb ɛ, ʋ ta tʋ̃ɔ́ sanɩ bɛ ɩ.»

Wulu-ayi-sob 29:4

Ʋ ƴãw na nyɩ cen a wɛja-kpalɛ pʋɔ yome lɩz'a ayi: a nyɩ bʋ̃-suuri nɩ a nyɩ nafawr-ɓɛwlɩkɛl bɛ zaw ɛ.

Wulu-ayi-sob 31:20

Bʋ̃ʋ n'ʋ vɛ̃, ɩ̃ na tɛr'ɩ a nɩbɛ bɛ ŋa cen nɩ tẽw bʋ̀rʋ nɩ sɩwr na gbɔlɛ a, a tẽw ɩ̃ na pɔ yel a bɛ sãàkʋm-kore k'ɩ̃ɩ na kʋ̀ bɛ na a. Bɛ na mɩ́ nyɛ̃ a na dɩ tɩ sɛw, bɛ na 'wɔr'ɩ bɛ za. Al pùorí, bɛ na lɩɛb'a tu ŋmɩn-yoru, maalɛ a, bɛ kʋ̃ bʋɔlɛ mɛ̃ nɩr ɛ, bɛ na sãw nɩ a ɩ̃ wõ-taa bɛr.

Sɛb-sõw yielu 69:23

A bɛ cuw dɩb, a lɩɛbɩ bɛra, bɛlɛ nɩ a bɛ bárɩ zie.

Ɩzayi 29:14

Alɛ so ɩ na cãà cow maalɛ nɔ-ɓãa yele a bɛ zie. A bɛ yã-bãwnbɛ yã-bãwfʋ na tɔl'a gù, ɛ́ a bɛ yã dem yã bɔr.»

Ɩzayi 44:18

A nɩbɛ bɛ ŋa bɛ bãw bom za ɩ, bɛ bɛ bãw bom za pɛr ɛ. Bʋ̃ʋ n'ʋ vɛ̃, dɛwr paal'ɩ a bɛ mimie bɛ bɛ cãà nyɛrɛ ɩ, a bɛ tɩɛrʋ ɩ n ŋmãa zuo bɛ kʋ̃ tʋ̃ɔ́ bãw bom pɛr ɛ.

Zeremi 17:9

Bom bɛ be be bɛ̀lɛ zuo a nɩsaal socir ɛ. Nɩr kʋ̃ tʋ̃ɔ́ ʋ sanɩ ɛ, nɩr kʋ̃ tʋ̃ɔ́ ʋ bãw ɛ.

A Lãw-mʋɔlɛ 3:65

Liw a bɛ yã, a na ɩ n a fʋ ŋmɛ-ƴãw a bɛ zu.

Zakari 11:15

A Sore tɩ lɛb'a yel mɛ̃: «Ƴɛrɛŋa a, ɩrɛ mɛ̃ dʋ̃-cɩ̃ɩn-dãbol sob a.

Wulu-ayi-sob 29:3

Ɛcɛ, wa tɩ tɔ dɩ̃a a, a Sore bɛ tɩ kʋ̀ nyɩ tɩɛrʋ na na tʋ̃ɔ́ bãw ʋlɩ bom nɛ na ɩrɛ a ɩ. Ʋ bɛ tɩ kʋ̀ nyɩ mimir na na tʋ̃ɔ́ nyɛ̃ a ɩ, nɩ tobe na na tʋ̃ɔ́ wõ a ɩ.

Zʋkpaɩ 16:30

Nɩr na ũù mimie ɛ́ vam nʋɔr k'ʋʋ cɔbrɩ yel-faa a, ʋ maal'ɩ a faa baarɩ.

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Ɩzayi 28:13

Alɛ so a Sore ƴɛ̀rʋ a bɛ zie mɩ̀ na ɩ: “B-a-ba-ba, b-o-bo-bo, g-a-ga-ga, g-o-go-go.” Lɛ n'a bɛ na mɩ́ cere tɩ 'law lo, wɛl sɩɩr. Bɛ na kpɛ n bɛrɩ pʋɔ bɛ nyɔw bɛ.

Ɩzayi 29:9

A yele, á ùr nyɩ ɛ́ nyɩ ta tɛr nʋɔr ɛ, nyɩ lɩɛbɩ zɔn ɛ́ ta nyɛrɛ ɩ, nyɩ kuoli, ɛ́ a ta ɩ divɛ̃ n'a ɩ, nyɩ cere dẽdere, ɛ́ bɛ nyũ ɛ.