Ɩzayi 6:1 - A SƐB-SÕW

¹ A nãà Ozɩasɩ kũu yũon, ɩ̃ tɩ nyɛ̃ nɩ a Sore ʋ zɩ̃ naalʋ-dà-kɔw na kɛrɩ yaga za a zu. A ʋ kpar-kpɛ̃ɛ pɛr na mɩ́ vure a tẽw a pùorí a tɩ paal'ɩ a Ŋmɩn-yir-kpɛ̃ɛ.

Ɩzayi 6:1 Referans Kwoze

Zã 12:41

A Ɩzayi na tɩ de niwn nyɛ̃ a Yeezu yúor-vɩɛlʋ-danʋ, ɛ́ ƴɛ̀r a ʋ ƴɛ̀rʋ a n'a so ʋ ƴɛ̀r à à ŋá.

Yel-wula 15:8

A Naaŋmɩn yúor-vɩɛlʋ-danʋ nɩ a ʋ kpɛnʋ tɩ ɩ na zʋ̀ʋ́r paalɩ a Ŋmɩn-yir-kpɛ̃ɛ, ɛ́ a bɛ tɩ tɛr nɩr na kpɛ a ʋ pʋɔ ɩ, ɛ̀ gù a malkɩ ayopõi bʋ̃-faar ayopõi tɩ tɔl baarɩ.

Sɛb-sõw yielu 113:5

Ãa n'ʋ ŋmɛ̃ taa nɩ a Sore tɩ Naaŋmɩn? Ʋ wɩɛr'a tɩ zɩ̃ a ʋ naalʋ-dà-kɔw zu, a saa-zu,

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Ɩzayi 66:1

À ŋá n'a a Sore yere: «A salom ɩ n a ɩ̃ naalʋ-dà-kɔw ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir bʋ̃ʋ n'ʋ nyɩ na tʋ̃ɔ́ ŋmãa kʋ̀ m? A zie n'ɩ buor ɩ na na tʋ̃ɔ́ kpɩɛr a?

Sɛb-sõw yielu 108:5

a fʋ nɔ̃wfʋ ɩ n kpɛ̃ɛ zuo a salom, ɛ́ a fʋ yel-mɩŋa do tɔ a zũzuge.

Yel-wula 4:2

A Naaŋmɩn Vʋʋrʋ tɩ siw mɛ̃ nɩ daadaalɛ. Ɛ́ naalʋ-dà-kɔw n'ɩ ŋan tɩ be a tẽ-vla pʋɔ be. Nɩr kãw tɩ zɩ̃ n a naalʋ-dà-kɔw zu.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

Sɛb-sõw yielu 46:10

ʋ ɩ na a zɛbr baarɩ tɩ tɔ a tẽw ziir za, ʋ kár'ɩ a tam nɩ a kafin bɛr, ʋ nyɩw nɩ a zɛbr-kur-pãgalɩ bɛr.

Yel-wula 5:1

Ɩ̃ tɩ nyɛ̃ nɩ sɛbɛ na pili a, a sob nɛ na tɩ zɩ̃ a naalʋ-dà-kɔw zu a dʋrʋ nũú. Bɛ tɩ sɛb'a ƴãw a pʋ̃ɔmɩ nɩ a zikurí, ɛ́ mɛr a nʋɔr pàw ziir ayopõi nɩ sɩ-suur.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

1 Na-mɩnɛ 22:19

Ɛcɛ a Mise tɩ lɛb'a yel: «Bɛrɛ wone a lɛ a Sore na yere a. Bʋ̃ʋ n'ʋ vɛ̃, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a ʋ tõ-tõ-biir za, a salom zu, àr a ʋ dʋrʋ lowr nɩ a ʋ gʋba lowr.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 1:1

Amɔtɩsɩ bidɛb, Ɩzayi, yel-nyɛra ʋ na nyɛ̃ càar'ɩ Zuda naalʋ-tẽw nɩ Zerizalɛm tẽ-kpɛ̃ɛ, a Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar a.

Sɔr-nɛ́ɛ 12:8

Ɩ̃ mɩ́ càar'a ƴɛ̀rɛ a ʋ zie, ƴɛ̀rɛ welwel. Ɩ̃ mɩ́ ɩ na ʋ nyɛ̃ m, ɩ̃ mɩ́ sãá na ʋ nyɛ̃, a mãa Sore. A na ɩ à ŋá a, ŋmɩŋmɩn za n'a nyɩ sʋ̃ɔmɩ sàw yere a ɩ̃ tõ-tõ-bie Moyiir?»

Yel-wula 4:10

a nɩ-kore lɩzɛr'ɩ anaar mɩ́ gbĩ n dume a sob nɛ na zɩ̃ a naalʋ-dà-kɔw zu a niŋé, bɛ mɩ́ puor'ɩ a sob nɛ na vʋʋrɛ kʋralɛ a, nɩ bɛ tʋɔra-siwru. Bɛ mɩ́ lɔb'ɩ a bɛ nãà-kpawʋʋr bin a naalʋ-dà-kɔw niŋé ɛ́ yere:

Ezekɩɛl 10:1

Ɩ̃ tɩ jɩ́rɛ na: a bɩwra na tɩ be a seribɛ̃ zu zu-sɔw a, kʋsɛ-nyɩla na ɩ mɛ̃ safɩɩr kʋsɩɛr a tɩ sãá na. Ʋ tɩ ŋmɛ̃ na taa nɩ naalʋ-dà-kɔw.

Ezekɩɛl 1:1

A ɩ̃ yome lɩzɛr'ɩ pie sob, a cuwr anaar sob, a bibie anũu sob, a mãa Ezekɩɛl na ɩ a bàwr-maalɛ Buuzɩ bidɛb a, ɩ̃ tɩ pʋɔ nɩ a Zifʋ mɩnɛ bɛl bɛ na tɩ diw cen nɩ a pʋɔ, a Kebaar man nʋɔr. Ɩ̃ tɩ nyɛ̃ nɩ a salom ʋ yuo, ɛ́ a Naaŋmɩn tɩ tɩr bʋ̃-nyɛrɩ kʋ̀ m ɩ̃ nyɛ̃.

Ɩzayi 12:4

A ʋlɩ bibir nɛ a, nyɩ na yere na: «Nyɩ puore a Sore barka, nyɩ hiere a ʋ yúor, nyɩ manɛ a ʋ tome a nɩ-bʋʋrɛ sɔgɔ, nyɩ lɛb yel a ʋ yúor na ɩ kpɛ̃ɛ a.

Yel-wula 6:16

Bɛ tɩ yere nɩ a tan nɩ a pie: «Nyɩ lo gùri pàw tɩ, sɔwlɩ tɩ zãá nɩ a sob nɛ na zɩ̃ a naalʋ-dà-kɔw zu a niŋé, zãá nɩ a Pele suur.

2 Na-mɩnɛ 15:7

Ʋ na wa kpi cen tɩ páw a ʋ sãà mɩnɛ a, bɛ ũù ʋ nɩ a ʋ sãàkʋm-kore ũufʋ zie, a «Daviir Tẽ-kpɛ̃ɛ» pʋɔ. A ʋ bidɛb Yotam n'ʋ tɩ lɩɛrɩ ʋ dɩ a naalʋ.

Yel-wula 5:7

Ʋ tɩ taw na ta de a sɛbɛ a sob nɛ na zɩ̃ a naalʋ-dà-kɔw zu a dʋrʋ nũú.

Yel-wula 4:3

Ʋ tɩ nyɩwrɛ na mɛ̃ kʋsɛ-bi-nyɩlɩ kãw bɛ na bʋɔlɛ kɛ́ zasɩpʋ nɩ sardʋan a. Sa-sʋɔ na nyɩwrɛ mɛ̃ kʋsɛ-bi-nyɩla bɛ na bʋɔlɛ kɛ́ emerodɩ a tɩ viir'a koli a naalʋ-dà-kɔw.

Yel-wula 4:9

A bʋ̃-vʋʋrɩ anaar na mɩ́ wa yiele danɛ nɩ, ƴãwnɛ nɩ ɛ́ puore nɩ a sob nɛ na zɩ̃ a naalʋ-dà-kɔw zu a yãanɩ a, a sob nɛ na vʋʋrɛ kʋralɛ a,

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

2 Bibie za yel-manɩ 18:18

Lɛ n'a a Mise tɩ lɛb yel: «Nyɩ nɩ̃ɛ bɛr wõ a lɛ a Sore na yere a. Sɩza n'a, ɩ̃ nyɛ̃ nɩ a Sore ʋ zɩ̃ a ʋ naalʋ-dà-kɔw zu, ɛ́ a salom zɛbr-nɩbɛ àr saaƴẽwn, a ʋ dʋrʋ nɩ a ʋ gʋba lowr.

Ezekɩɛl 10:4

A Sore yúor-vɩɛlʋ-danʋ na tɩ be a seribɛ̃ zu-sɔw a tɩ cere nɩ a Ŋmɩn-yir-kpɛ̃ɛ dɩ̃dɔrɩ́. Lɛ n'a a zũzuwr tɩ paalɩ a Ŋmɩn-yir-kpɛ̃ɛ, ɛ́ a Sore yúor-vɩɛlʋ-danʋ cãà paalɩ a davʋra.

Eziptɩ tẽw yib 24:9

Al pùorí, a Moyiir tɩ do n a tãw zu, ʋlɛ nɩ a Aarɔ̃, a Nadavʋ, a Avihu nɩ a Ɩsɩrayɛl nɩ-kore lɩz'a ata nɩ pie.

A Zɔb sɛbɛ 42:5

A fʋ ƴɛ̀rʋ bɛ na tɩ ƴɛ̀r ɩ̃ wõ a, al tɛwr ƴãw n'a ɩ̃ tɩ bãw fʋ, ƴɛrɛŋa a, ɩ̃ nyɛ̃ fʋ na nɩ mimir.