Ɩzayi 59:4 - A SƐB-SÕW

⁴ A ƴɛ̀rʋ-dɩb zie a, nyɩ mɩ́ yel'ɩ sãwna na bɛ ɩ sɩza a. Nyɩ bɛ ƴɛ̀rɛ kpɩɛr a nɩbɛ tuur'ɩ yel-mɩŋa ɩ. Zi-vuo n'a nyɩ mɩ́ ƴãw a nyɩ tɩɛrʋ, nyɩ mɩ́ yere nɩ yele na ɩ ziri a, a yel-faa pʋɔ n'ʋ nyɩ mɩ́ tɛr wa dɔw a kpɩɛrʋ.

Ɩzayi 59:4 Referans Kwoze

A Zɔb sɛbɛ 15:35

Sob nɛ na tɛr kpɩɛrʋ pʋɔ a na dɔw nɩ yel-faa, ɛ́ a tɩɛrʋ na bɩ a ʋ puori a, ʋlɛ n'ʋ na bɛlɩ ʋ.

Zakɩ 1:15

Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.

Zeremi 7:8

Ɛcɛ nyɩ bɛ̀lɛ nɩ nyɩ tʋɔra nɩ ƴɛ̀r-ziri na bɛ tɛr pɛr a.

Zeremi 7:4

Nyɩ ta sàw bɛ̀lɛ nyɩ tʋɔra nɩ a ƴɛ̀rʋ á ŋá ɩ: “A ka n'ɩ a Sore yir! A Sore yir! A Sore yir a, a ka n'a.”

Mise 2:1

Baw-bio dem n'ɩ a bɛlɩ dem na mɩ́ gã a tɩ̃ɩsɔw tɩɛrɩ ɛ́ cɔbrɩ a yel-faa maalʋ a. A zie wa wɛlɛ a, bɛ mɩ́ maal'a, bɛlɛ wa tɛr a fãw a lɛn daar a.

Ɩzayi 30:12

Alɛ so a Ɩsɩrayɛl Naaŋmɩn na ɩ sõw a yere: «Nyɩ zawrɛ nɩ a ɩ̃ ƴɛ̀rʋ bɛrɛ, nyɩ ƴãwnɛ nɩ a nyɩ tɩɛrʋ a bɛlɩ dem na bɛ̀lɛ nyɩ ɛ́ ŋmarɛ ziri a ƴãw, ɛ́ dier bɛ bɛ ɩ a nyɩ tɩ̀ɛrbɛ.

Zʋkpaɩ 4:16

A nɩbɛ bɛ ŋa bɛ wa maalɩ yel-faa a, bɛ bɛ gúre ɩ. Bɛlɛ bɛ wa ɩ nɩr lo sãwna pʋɔ a, a gʋ̃ɔ mɩ́ zawrɩ bɛ na.

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

Ɩzayi 59:3

Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Sɛb-sõw yielu 62:10

A nɩsaalbɛ ɩ n pɩɛlʋ tɛwr. Nɩsaalbɛ ɩ n bɛ̀lʋ. Bɛlɛ ɩ mɛ̃ bɛ do n bʋ̃-kera zu a, bɛ za na ɓã taa a na ɩ n zelfel zuo pɩɛlʋ.

Zeremi 5:1

Nyɩ cɔlɩ a Zerizalɛm tẽw sɛ́ɛ, nyɩ jɩ́r vla, nyɩ sowri kaa nyɛ̃, nyɩ bɔ a nɩ-yaga tuor-taa ziir. Nyɩmɛ wa nyɛ̃ nɩr, ʋ ɩrɛ a lɛ-na-tu-sɔr-a, ʋ bɔbr k'ʋʋ mɩ́ yel a yel-mɩŋa a, a lɛ pʋɔ a, ɩ̃ na dɩ n suur kʋ̀ a Zerizalɛm.

Sɛb-sõw yielu 62:4

— Nyɩ za na lãw na dãwnɛ taa wɩɛr nɩr ƴãw, kɛ́ nyɩ tɩ ŋmɛ ʋ lɔb mɛ̃ dacin na cɩɩlɩ a, bɩɩ mɛ̃ dàbáw na lore a, ɛ́ gù debor?

A Zɔb sɛbɛ 15:31

Ʋ ta ɩrɛ ƴãwn ʋ na ɩ yúor sob a ƴãw ɛ, bʋ̃ʋ n'ʋ vɛ̃, ʋ na tuli nɩ ʋ tʋɔra.

Ɩzayi 5:7

A Sore, a kpɛnʋ-za-sob, divɛ̃ tɩɩr púo n'ɩ a Ɩsɩrayɛl yir dem, ɛ́ a Zuda nɩbɛ n'ɩ a divɛ̃ tɩɛ bʋʋrɛ ʋ na tɩ nɔnɛ a. A Sore tɩ gùre nɩ a lɛ na mɩ́ tu sɔ́r a, a bɛ zie, ɛ́ a ziir za a wa ɩ yel na bɛ mɩ́ tu a mɩnʋ a. Ʋ tɩ gùre nɩ a mɩnʋ, ɛ́ a ziir za a wa ɩ nɩbɛ bɛ na dɔwrɛ a cɛlsɩ.

Ɩzayi 5:18

Baw-bio páw nɩ a bɛlɩ dem a zir-ŋma mie na mɩ́ 'lẽ ƴãw a bɛ sãwna ƴãw a. Bɛ mɩ́ tawr'ɩ a bɛ yel-bier mɛ̃ torko fʋ na tawr a.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Ɩzayi 10:1

Baw-bio dem'ɩ a bɛlɩ dem na mɩ́ bin tub na bɛ tu a mɩnʋ a, ɛ́ mɩ́ sɛb ƴãw nɛ́ɛ na waar'ɩ kpɩɛrʋ a!

Ɩzayi 26:18

A tɩɩm mɩ̀ a, tɩ tɩ sɛw na kɛ́ tɩ dɔw, tɩ wõ n a 'wɔbrʋ, ɛcɛ a wa ɩ na mɛ̃ sɛsɛb'ʋ tɩ dɔw a. Tɩ bɛ kʋ̀ a tẽw a faafʋ ɛ, tɩ bɛ kʋ̀ nɩ-paalɛ a tẽ-daa ɩ.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 29:20

Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ, ɛ́ a nyɔka dem kʋ̃ cãà be ɩ. A bɛlɩ dem za na mɩ́ ũú gù a yel-faa maalʋ a, bɛ na kʋ bɛ na pàw pɛr,

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 33:11

A lɛ nyɩ na tɩɛrɩ kɛ́ nyɩ ɩ a, ɩ n dʋn mʋ̃ɔ tɛwr, ɛ́ alɛ wa maalɩ a lɛn daar a, ãá ɩ mɔ̃-kon tɛwr.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 47:10

A fʋ ɩ-faar tɩ ɩ na fʋ bɛr tɩɛrʋ ɛ́ yere à ŋá: «Nɩr bɛ nyɛrɛ mɛ̃ ɩ». Ɛcɛ fʋ na yel kɛ́ fʋ tɛr'ɩ yã-bãwfʋ nɩ bãwfʋ a, alɛ n'a tuli fʋ, ɛ́ ƴãw fʋ tɩɛrɩ fʋ pʋɔ à ŋá: «A mãa a, ɩ̃ bɛ tɛr ɩ̃ tɔ ɩ!»

Ɩzayi 59:15

A yel-mɩŋa bɔr'a, ɛ́ sob nɛ na zawrɛ a faa maalʋ a, mɩ́ ɩ na bɛ fa a ʋ bome za. A Sore nyɛ̃ nɩ à á ŋá za. Ʋ nyɛ̃ na k'aa ɩrɛ a lɛ-na-tu-sɔr-a na bɛ ka be a, ʋ ɩ n yel-faa.

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Zeremi 48:7

Mowab tẽw i, fʋ tɩ ɩrɛ na ƴãwn a fʋ tome nɩ a fʋ na-bome ƴãw. Ɛcɛ, bɛ mɩ̀ na zɛb'a de b. A fʋ ŋmɩn Kemɔsɩ na cen nɩ tẽ-yũo lãwnɩ a fʋ bàwr-maalbɛ nɩ a fʋ nɩ-bɛrɛ, bɛ za.

A naaŋmɩn-ƴèr-manɛ Oze sɛbɛ 4:1

A Sore dɩrɛ nɩ nɩ a tẽw dem ƴɛ̀rʋ. Ɩsɩrayɛl nɩbɛ ɛ, nyɩ bɛr wõ a lɛ a Sore na yere a: «Yel-mɩŋa nɩ tɔ-nɔ̃wfʋ bɛ cãà a tẽw pʋɔ ɩ. Nɩr za bɛ cãà bãw a mãa Naaŋmɩn ɛ.

Sɛb-sõw yielu 7:15

Ʋlɛ n'ɩ ŋan ŋmãa a ʋ ɩ-faar sɩɛ, tɛr a yel-faa pʋɔ, ɛ́ dɔwr a ziri.

Sɛb-sõw yielu 12:3

Ziri tɛwr'a bɛ ŋmarɛ kʋ̀rɛ taa. A nʋɔr mɩ́ ɩ n nɔ-kãá, ɛ́ a tɩɛrʋ ɩ ziir ayi.

Nɩ-toni 24:9

A Zifʋ mɩnɛ tɩ sàw na de a sãwna manʋ ŋa, ɛ́ yel ƴãw pʋɔ kɛ́ à ŋá n'a a yele sɩrɩ tu.