Ɩzayi 59:3 - A SƐB-SÕW

³ Bʋ̃ʋ n'ʋ vɛ̃, a nyɩ nuru ɩ n zɩ̃ɩ, ɛ́ ɩ-faar dɛw a nyɩ nobie. A nyɩ nɛ́ɛ ŋmarɛ nɩ ziri, a nyɩ zɛlɛ ɩ n zɛl-ɓɛrɩ.

Ɩzayi 59:3 Referans Kwoze

Ɩzayi 1:15

Nyɩ na mɩ́ wa yɛ́r a nuru a puoru ƴãw a, ɩ̃ mɩ́ pàw nɩ a ɩ̃ mimie. Nyɩmɛ saa nɔnɛ nyɩɩm puore suwle taa, ɩ̃ bɛ bɛrɛ wone ɩ: a nyɩ nuru ɩ n zɩ̃ɩ tɛwr.

Ezekɩɛl 13:8

A na ɩ à ŋá a, a mãa Sore Naaŋmɩn yere na: nyɩ na faa mɩ́ tɩɛrɩ a nyɩ ƴɛ̀rʋ yel a, a nyɩ bʋ̃-nyɛrɩ na faa bɛ mɩ́ ɩ sɩza a, ɩ̃ na ìr'ɩ a nyɩ ƴãw. À ŋá n'a a Sore Naaŋmɩn yel!

Zeremi 2:34

A nan dem nɩ a nɩbɛ na bɛ tɛr sãwna a zɩ̃ɩ be n a fʋ kparɩ nɛ́ɛ ƴãw. Ɛcɛ fʋ bɛ ùr nyɔw bɛ bɛ bɔbr a fʋ pan kárʋ ɛ! Ɛ́ à á ŋá za pʋɔ a,

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Ɩzayi 1:21

Ŋmɩŋmɩn n'a a tẽ-kpɛ̃ɛ na bɛ lɛbr pùor a wa tɩ lɩɛbɩ pɔw-yɛm? Maal-ɩb tɩ be n a yel-na-tu-sɔr-a ƴãw a Zerizalɛm pʋɔ, a mɩnʋ tɩ so a zie a ʋ pʋɔ. Ɛcɛ ƴɛrɛŋa a, nɩ-kʋrbɛ nɛbɛ paalɩ ʋ.

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

A naaŋmɩn-ƴèr-manɛ Oze sɛbɛ 7:13

«Zu-bio páw bɛ na, bɛ na zɔrɛ zãánɛ nɩ mɛ̃ a, bɛ na ír zɛbr'ɩ mɛ̃ a, a bɛ loba n'a ta. Bɛ ŋmarɛ nɩ ziri ƴãwn mɛ̃, ɩ̃ɩ pãa na faa bɛ ɛ?

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

Ezekɩɛl 35:6

Alɛ n'a so, ɩ̃ pɔ n nɩ a ɩ̃ nyɔ-vʋʋrʋ, à ŋá n'a a mãa Sore Naaŋmɩn yere: Ɩ̃ na ɩ na zɩ̃ɩ cir a fʋ zie. Sɩza, a zɩ̃ɩ fʋ na cir a bɔbr'a kɛ́ bɛ yáa a san. Fʋ cir'ɩ a zɩ̃ɩ bɛ bʋnɩ nɩ ɛ, a na ɩ lɛ a, a fʋ zɩ̃ɩ mɩ̀ na cir'a.

Ezekɩɛl 9:9

Ʋ tɩ sɔw mɛ̃ na: «A Ɩsɩrayɛl nɩ a Zuda naalʋ-ten yel-bebe bɛ dɩ vuo ɩ: a tẽw ɩ n zɩ̃ɩ tɛwr, a ɩ-ɩrɩ na bɛ tu a mɩnʋ a paal'ɩ a tẽ-kpɛ̃ɛ. Sɩza n'a, a nɩbɛ yere na: “A Sore jɛ n a tẽw bɛr, ʋ kʋ̃ tʋ̃ɔ́ nyɛ̃ bom za ɩ.”

Ezekɩɛl 7:23

Maalɩ bãzɔlɛ, bʋ̃ʋ n'ʋ vɛ̃, nɩ-kʋrbɛ paal'ɩ a tẽw, ɛ́ a tẽ-kpɛ̃ɛ ɩ po-to-fãw-ɩb tɛwr.

Zeremi 7:8

Ɛcɛ nyɩ bɛ̀lɛ nɩ nyɩ tʋɔra nɩ ƴɛ̀r-ziri na bɛ tɛr pɛr a.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Matie 27:4

ɛ́ yel: «Ɩ̃ maal'ɩ yel-bier, ɩ̃ na nyɔw nɩr na bɛ sãw bom za a, kʋ̀ nyɩ a.» Ɛcɛ bɛ tɩ yel ʋ na: «A bɛ jɩ́rɛ tɩ ɛ! Fʋ yele n'a!»

A naaŋmɩn-ƴèr-manɛ Oze sɛbɛ 7:3

A bɛ ɩ-faar ɩrɛ nɩ nʋ̃ɔ̀ a nãà, ɛ́ a bɛ ziri ɩrɛ nʋ̃ɔ̀ a niw-dierbɛ.

Ezekɩɛl 22:2

«A fʋ̃ʋ nɩsaal bie, cɔbrɩ fʋ tʋɔra dɩ n ƴɛ̀rʋ a Zerizalɛm na ɩ tẽ-kpɛ̃ɛ-nɩ-kʋrɛ a, ta bʋ́nɛ ɩ! Ɩ ʋ lɛb tɩɛrɩ bãw a ʋ ɩb na bɛ maal'ɩ wob a.

Zeremi 22:17

Ɛcɛ a fʋ̃ʋ a, a fʋ mɩŋa tɔnɛ tɛwr'a fʋ jɩ́rɛ, nɩbɛ na bɛ sãw a kʋb tɛwr'a fʋ bɔbr, nɩ po-to-fãw-ɩb a nɩbɛ zie.»

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 6:5

Lɛ n'a ɩ̃ tɩ yel: «Baw-bio páw mɛ̃ na! Ɩ̃ kpi na! Bʋ̃ʋ n'ʋ vɛ̃, nɩr a nʋɔr na tɛr dɛwr a nɛ m, ɩ̃ɩ kpɩɛr nɩ-bʋʋrɛ a nɛ́ɛ na tɛr dɛwr a sɔgɔ, ɛ́ a ɩ̃ mimie nyɛ̃ a Nãà, a Sore, a kpɛnʋ-za-sob!»

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Zeremi 9:2

A Sore yere na: «A bɛ zɛl ɩ na mɛ̃ tam bɛ na dúori a. A yel-mɩŋa zũú bɛ n'a bɛ so a tẽw ɛ, ɛcɛ a ziri zũú n'a. Bɛ mɩ́ maal'ɩ a faa tɩ lʋ̃ɔ nɩ faa, ɛ́ a mãa a, bɛ bɛ bãw mɛ̃ ɩ.

Zeremi 9:7

A nɩbɛ bɛ ŋa zɛl ɩ na mɛ̃ pĩi-zɛl na kʋrɛ a. Ziri n'a yire a bɛ nɛ̃ɛ́. Nʋɔr'ʋ bɛ mɩ́ ƴɛ̀rɛ nɩ ƴã-ɓaarʋ ƴɛ̀r-bie kʋ̀rɛ a bɛ tɔ, ɛcɛ a bɛ pʋ̃ɔmɩ za bɛ ƴãwnɛ ʋ bɛra.

Mise 3:4

Lɛ so, bɛlɛ wa kone bʋɔlɛ a Sore a, ʋ kʋ̃ sɔw bɛ ɩ, ʋ kʋ̃ ŋmɛlɩ kaa bɛ a lɛn daar ɛ, a yel-faar bɛ na maalɩ a ƴãw.