Ɩzayi 59:19 - A SƐB-SÕW

¹⁹ Lɛ n'a a mʋ̃tɔ̃w puru zie tɩ tɔ a kpɛb zie, a nɩbɛ za na zɔrɛ a Sore, bɛ za na zɔrɛ a ʋ yúor-vɩɛlʋ-danʋ. Bʋ̃ʋ n'ʋ vɛ̃, a Sore na wa na mɛ̃ man-fɩɩra kʋ̃ɔ saa-sɛsɛb na fure darɛ a.

Ɩzayi 59:19 Referans Kwoze

Sɛb-sõw yielu 113:3

A Sore yúor, ʋ tɛr puoru, a mʋ̃tɔ̃w puru daar tɩ ta n a ʋ kpɛb daar!

Sɛb-sõw yielu 22:27

A bãbàalbɛ na dɩ na tɩw. Bɛlɩ dem na bɔbr a Sore a, bɛ danɛ ʋ ɛ́ tɛr nyɔ-vʋʋr-wogo!

Malasɩ 1:11

Ɛcɛ, a mʋ̃tɔ̃w puru zie tɩ tɔ a ʋ kpɛb zie a, a ɩ̃ yúor yi n a nɩ-bʋʋr-yoru sɔgɔ. A ziir za, bɛ nyɩwr'ɩ tɩ-suur-zɔ̃-na-nyùur-vla-vla-a, a ɩ̃ ƴãwfʋ ƴãw, ɛ́ ture de-kʋ̀b bome na vɩɛl a cɔwr mɛ̃. A mãa Sore Kpɛnʋ-za-sob, mãa n'ʋ yere, a nɩ-bʋʋr-yoru bãwnɩ a na a ɩ̃ yúor na yi a.

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

Yel-wula 11:15

A malkɩ ayopõi sob tɩ pɛbl'ɩ a ʋ wɩ́ɛ. Kɔkɔ-kpɛn tɩ ƴɛ̀rɛ na yire a salom zu yere: «A tɩ Sore pãa so a naalʋ-dɩb a tẽ-daa zu, ʋlɛ nɩ a ʋ Kɩrɩta, ʋʋ na dɩrɛ nɩ naalʋ yome yome za!»

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 30:28

a ʋ nʋɔr pɩɛlʋ ɩ n fʋɔla kʋ̃ɔ na tuore bom za tɔlɛ nɩ a. Ʋ waar'a k'ʋʋ wa tɛwtɛw a nɩ-bʋʋr-yoru a kpɩɛrʋ zɛla pʋɔ, ɛ́ ƴãw nɔ-bãw a bɛ nɩbɛ kokamɩ́, tɛr bɛ cen nɩ a be bɛ na bɛ bɔbr a.

Matie 8:11

Ɩ̃ yere na kʋ̀rɛ nyɩ, nɩ-yaga na yi n saa-pɛrɩ́ nɩ mʋ̃tɔ̃w-kpɛb-lowr wa lãw nɩ a Abraham nɩ a Ɩzaakɩ nɩ a Zakɔb a tẽ-vla Naalʋ cuw dɩb pʋɔ,

Sɛb-sõw yielu 61:5

Ɩ̃ bɔbr'a k'ɩ̃ɩ nãá kpɩɛr a fʋ yir kʋralɛ, ɛ́ nyɛrɛ sɔwlʋ zie a be, a fʋ pɩgɛ ɓaarʋ́. Tɛw-àrʋ

Ɩzayi 30:27

A Sore n'ɩ ŋan yi zi-zãána waar. A suur dɩrɛ ʋ na, suur na ta suur a. A ʋ nɔgbãbie wule nɩ a suur ʋ na nyɛ̃ a, a ʋ ƴɛ̀rʋ ɩ n vũu na dɩrɛ a,

Ɩzayi 66:12

Bʋ̃ʋ n'ʋ vɛ̃, à ŋá n'a a Sore yere: «Ɩ̃ na ɩ n a ƴã-ɓaarʋ gbɔlɛ cere a Zerizalɛm mɛ̃ man kʋ̃ɔ a, ɛ́ a nɩ-bʋʋrɛ na-bome gbɔlɛ cere mɛ̃ bàa na paalɩ yi nɛ́ɛ a. Ɩ̃ na kaa nɩ a nyɩ zie mɛ̃ a lɛ mã na mɩ́ ɩrɛ bie ʋ na ƴɛnɛ a, ʋ na mɩ́ pɛ̀w ɛ́ ƴãw gbɛ́ɛ zu dɩ̃ɛnɛ nɩ a.

Mise 7:17

Bɛ na mɔwr'ɩ tanɛ mɛ̃ a wɩɩr a, mɛ̃ a tẽsɔw bʋ̃-vuri za a. Bɛ na yi n a bɛ zɛbr-yir-kpɛn pʋɔ, màwr waar'ɩ a fʋ̃ʋ Sore tɩ Naaŋmɩn zie. Pʋ̀lá na vʋ̃ɔnɛ bɛ na ɛ́ a fʋ dɛ̃bɩ̃ɛ ɩrɛ bɛ.

Ɩzayi 8:7

A lɛ n'a so ɩ̃ na ɩ a Efaratɩ man kʋ̃ɔ na yãwmɛ ɛ́ darɛ taa nɩ fãw a, a do wa páw bɛ, —a Asiiri tẽw nãà nɩ a ʋ fãw-kpɛ̃ɛ—. A Efaratɩ man na paal'ɩ a ʋ bà-dĩo a ziir za, paalɩ tɩ yi nɛ́ɛ.

Ɩzayi 45:6

À ŋá n'a a saa-pɛrɩ́ tɩ tɔ a mʋ̃tɔ̃w-kpɛb-lowr, bɛ na bãw kɛ́ mãa bɛ wa n'ʋ a, bom za bɛ ka be ɩ. Mãa n'ɩ a Sore, kãw bɛ lɛb ka be ɩ.