Ɩzayi 59:12 - A SƐB-SÕW

¹² Sɩza n'a, Sore e, tɩ zawr'ɩ a fʋ nʋɔr gb'aa yaga. A tɩ yel-bebe wule na tɩ na sãw a. Tɩ tɛr'ɩ a tɩ gaarʋ ɩ-ɩrɩ tɩɛrʋ kʋralɛ, tɩ bãw nɩ a tɩ sãwna za vla.

Ɩzayi 59:12 Referans Kwoze

Ɛsɩdɩrasɩ 9:6

ɛ́ puori ʋ à ŋá: «Ɩ̃ Naaŋmɩn i, vĩ bɛ na ɩrɛ mɛ̃ ɩ! Vĩ ɩrɛ mɛ̃ na tɩ zuo, ɩ̃ na na dʋɔ a zu jɩ́r'ɩ fʋ a, ɩ̃ Naaŋmɩn i. A tɩ yel-bebe yãwmɛ na do gãw a tɩ zuru bɛr, a tɩ sãwna do na tɩ tɔ a salom tɔr za.

A naaŋmɩn-ƴèr-manɛ Oze sɛbɛ 5:5

A Ɩsɩrayɛl nyʋ̀ʋ́r'a yere a ʋ sãwna. A Ɩsɩrayɛl nɩ a Efarayim ŋmɩɛr'ɩ gbɛ́ɛ a bɛ sãwna ƴãw. A Zuda mɩ̀ lãw nɩ bɛ na ŋmɩɛr a gbɛ́ɛ.

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

Ezekɩɛl 5:6

A ʋ kpɩɛrbɛ zawr'ɩ a tub nɩ a wulu ɩ̃ na tɩ kʋ̀ bɛ a. Bɛ maal'ɩ faa zuo a nɩ-bʋʋr-yoru a ten al na viiri koli bɛ a pʋɔ. Bʋ̃ʋ n'ʋ vɛ̃, bɛ zawr'ɩ a ɩ̃ tub nɩ a ɩ̃ wulu bɛr, bɛ bɛ tu a ɩ.

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Ɩzayi 1:4

Nyɛ̃ baw-bio a! Nɩ-bʋʋr-yel-bebe dem, nɩ-bʋʋrɛ na tuo sãwna a, yel-fa-maalbɛ bʋʋrɛ, bibiir na sãw bɛ za a! Nyɩ̀ zawr'ɩ a Sore bɛr, nyɩ̀ jewr'ɩ a Ɩsɩrayɛl Naaŋmɩn na ɩ sõw a, nyɩ̀ lɩɛb'ɩ zikur cɔw ʋ.

A naaŋmɩn-ƴèr-manɛ Oze sɛbɛ 7:10

A Ɩsɩrayɛl nyʋ̀ʋ́r, alɛ n'a yere a ʋ sãwna. Ɛcɛ bɛ bɛ lɛbr waar a Sore bɛ Naaŋmɩn zie ɩ. À á ŋá za na saa ta bɛ a, bɛ bɛ bɔbr a Sore ɩ.

Ezekɩɛl 7:23

Maalɩ bãzɔlɛ, bʋ̃ʋ n'ʋ vɛ̃, nɩ-kʋrbɛ paal'ɩ a tẽw, ɛ́ a tẽ-kpɛ̃ɛ ɩ po-to-fãw-ɩb tɛwr.

Zeremi 3:2

Dʋɔ a zu a tãli lowr ɛ́ jɩ́r nyɛ̃, tãli-been be n be zie fʋ bɛ gã nɩ a fʋ sɛn kãw ɛ? Fʋ mɩ́ tɩ zɩ̃ n a sɔ́r nʋɔr gùre a fʋ sɛnbɛ, mɛ̃ a wɛja-kpalɛ pʋɔ nɩ-yʋɔra na gùre a nɩbɛ ʋ na na ŋmãa a. Fʋ dɛw nɩ a tẽw nɩ a fʋ pɔw-yɛm ɩ-ɩrɩ, nɩ a fʋ cenu na bɛ vɩɛl a.

Ɩzayi 3:9

A bɛ niŋe ŋmɛ̃a dɩ n a dãsɩɛ nyɔw bɛ. Mɛ̃ a Sodɔm tẽw dem a, bɛ bɛ sɔwlɛ a yel-bebe ɩ, bɛ ƴɛ̀rɛ nɩ a ƴɛ̀rʋ a nɩbɛ za niŋé. Nyɛ̃ baw-bio a, bɛ cɔbrɛ nɩ a bɛl mɩŋa kpɩɛrʋ!

Neemi 9:33

Fʋ tu n mɩnʋ nɩ yel-mɩŋa, a yele za na ta tɩ a pʋɔ, ɛ́ tɩɩm maalɩ faa.

Ɛsɩdɩrasɩ 9:13

'Woi! Tɩ Naaŋmɩn i, a tɩ ɩ-faar nɩ a tɩ sãwna na bɛrmɛ a n'a so a tɩ kpɩɛrʋ á ŋá za páw tɩ. Ɛcɛ fʋ bɛ dɔwrɩ tɩ man nɩ a tɩ yel-bebe ɩ, fʋ bɛr tɩ na tɩ cãà vʋʋrɛ, a tɩɩm na be a ka a.

Sɔr-nɛ́ɛ 32:23

Ɛcɛ nyɩmɛ bɛ wa ɩ à à ŋá a, nyɩ bãwnɩ a vla, nyɩ na maal'ɩ yel-bier a Sore zie, ɛ́ a na tuur nyɩ na.

Sɛb-sõw yielu 51:3

Naaŋmɩn i, zɔ ɩ̃ nɩbaalʋ! A fʋ nɔ̃wfʋ zũú a, de a ɩ̃ nʋɔr-zawrʋ ɩ-ɩrɩ bɛr a baarɩ, fʋ̃ʋ a su-ɓaarʋ na ɩ kpɛ̃ɛ a.

Ɩzayi 58:1

A Sore yere na: Cɩɩrɛ kpɛ̃w kpɛ̃w za, taa vɛnɛ ɩ. Ɩ a fʋ kɔkɔr ʋ yire mɛ̃ wɩ́ɛ na pɛblɛ a. Yel a ɩ̃ nɩbɛ sãwna kʋ̀ bɛ, yel a Zakɔb bʋʋrɛ yel-bebe kʋ̀ bɛ.

Habakukɩ 1:4

Bɛ bɛ cãà tuur a nɛ-ƴãwnɩ ɛ, a ƴɛ̀rʋ bɛ cãà dɩrɛ a tore ɩ, a nɩ-faa tʋ̃ɔ́ nɩ a nɩ-mɩŋa, ɛ́ a ƴɛ̀rʋ na mɩ́ dɩ a bɛ mɩ́ tu sɔ́r ɛ.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.