Ɩzayi 58:3 - A SƐB-SÕW

³ Ɛcɛ bɛ yere nɩ a ɩ̃ zie: «Bʋnʋ ƴãw n'a tɩ na mɩ́ tɛr a mʋta-tuo fʋ̃ʋ bɛ mɩ́ wa nyɛ̃ a a? Tɩ na mɩ́ dɩ tuo síwre tɩ tʋɔra fʋ̃ʋ bɛ mɩ́ wa bãwnɩ a a?» Lɛ n'a ɩ̃ sɔwr à ŋá: A nyɩ mʋta-tuo tɛrʋ bibir a, nyɩ mɩ́ kaarɛ nɩ a nyɩ mɩŋa yele zie, ɛ́ dɔwrɛ a nyɩ tõ-tõ-biir.

Ɩzayi 58:3 Referans Kwoze

Malasɩ 3:14

À ŋá n'a nyɩ yel: “A Naaŋmɩn tome tob bɛ tɛr pɛr ɛ. Tɩ sàw nɩ a ʋ nɛ́ɛ, ɛ́ tu a kpɩɛrʋ daar tub a Sore kpɛnʋ-za-sob niŋé, ɛ́ a ɩ zawla.

Levitɩ mɩnɛ 16:29

«Nyɛ̃ nʋɔr a na fɛr kɛ́ nyɩ sàwr kʋralɛ a: a cuwr ayopõi sob, a bibie pie sob, nyɩ na mɩ́ tɛr'ɩ mʋta-tuo ɛ́ kʋ̃ tõ ton ɛ, a nyɩɩm Ɩsɩrayɛl nɩbɛ nɩ a nʋʋrɩ na kpɩɛr a nyɩ pʋɔ a.

Zʋkpaɩ 28:9

Nɩr na fùr a ʋ tobe a wulu bɛr-wob ƴãw a, a ʋ puoru tɔr za ɩ n bʋ̃-faa na bɛ maal'ɩ wob a.

Neemi 5:7

Ɩ̃ tɩ yel'a k'ɩ̃ɩ na yere nɩ a nɩ-yée nɩ a nɩ-bɛrɛ. Ɩ̃ tɩ yel bɛ na: «Nyɩ tuo nɩ a nyɩ bʋʋrɛ nɩbɛ tuor na tɩbrɛ zuo a!» Al pùorí ɩ̃ bʋɔlɩ bɛ kpaa-ta-kpɛ̃ɛ ƴãw.

Luka 15:29

Ɛcɛ ʋ tɩ sɔw na yel a sãà: “Nyɛ̃, yome á ŋá za n'a ɩ̃ so a fʋ tome tone ɛ́ bɛ dãw zawrɩ a fʋ nʋɔr ɛ, ɛcɛ fʋ bɛ dãw kʋ̀ m bʋle k'ɩ̃ɩ lãwnɩ a ɩ̃ bárɩ maal'ɩ cuw ɛ.

Ɩzayi 47:6

Ɩ̃ tɩ nyɛ̃ nɩ nɩ a ɩ̃ nɩ-bʋʋrɛ suur. Lɛ n'a ɩ̃ bɛ tɩ tɛr ƴãwfʋ ɩb kãw za a nɩbɛ ɩ̃ na so a zie ɩ, ɛ́ tɩ bɛr bɛ kʋ̀ b. Ɛcɛ fʋ bɛ tɩ tɛr nɩbaal-zɔba kãw za a bɛ zie ɩ, a fʋ nɩ-kpɛ̃ɛnʋ dɩb tɩ dĩ nɩ a dɛb-nyãw mɛ̃ na-kʋɔra nyũu dàa a.

Ɩzayi 22:13

Ɛ́ a wa ɩ nʋ̃ɔ̀ nɩ cɩlʋ: bɛ kʋrɛ nĩi, bɛ ŋmarɛ píir kɔkɛɛ, bɛ 'wɔbr nɛn, bɛ nyúur divɛ̃. Nyɩ yere na: «Tɩ dɩrɛ ɛ́ nyúur, bʋ̃ʋ n'ʋ vɛ̃, bio tɩ na kpi na!»

Sɛb-sõw yielu 69:10

Yel-mɩŋa, a fʋ yir nɔ̃wfʋ dɩrɛ mɛ̃ na mɛ̃ vũu a. A fʋ zʋm-tʋʋrbɛ zʋmɛ lɛbr'a lore a ɩ̃ zu.

Sɔr-nɛ́ɛ 23:4

A Naaŋmɩn tɩ tuor'ɩ a Balaam, ʋ yel ʋ: «Ɩ̃ ƴãw na bɛ maalɩ a bàwr-maal-kube ayopõi, ɩ̃ kʋ nadɛr nɩ pʋ́ra a been been zu.»

Levitɩ mɩnɛ 23:27

“A cuwr ayopõi sob bibie pie sob na ɩ n a yel-bebe suur-dɩ-kʋ̀b bibi-kpɛ̃ɛ. Nyɩ na mɩ́ ɓã n taa a ɩ̃ ƴãwfʋ ƴãw, nyɩ na mɩ́ tɛr'ɩ mʋta-tuo ɛ́ nyɩw de-kʋ̀b bom kʋ̀ a Sore.

Levitɩ mɩnɛ 16:31

Ʋ na ɩ n pɩ̃ɛnʋ-bibir a nyɩ zie, bibir nyɩ na bɛ tone towtow ɛ́ tɛr mʋta-tuo a. Nʋɔr na ƴãw gã kʋralɛ a n'ʋ.»

Ɛsɩdɩrasɩ 8:21

A Ahawa bà-gbɛrɩ́ be a, ɩ̃ tɩ yel'a k'aa fɛr'a kɛ́ tɩ tɛr mʋta-tuo, siwri tɩ tʋɔra a tɩ Naaŋmɩn niŋé, ʋ tʋ̃ɔ́ ɩ a tɩ sɔ́r ʋ vɩɛl, a tɩɩm nɩ a tɩ yie dem nɩ a tɩ bʋ̃-tɛrɩ ƴãw.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

A Zɔb sɛbɛ 34:9

Mɛ̃ ʋ taa yel: «Tɔnɛ kãw za bɛ ka be a nɩsaal na bɔbr kɛ́ ʋlɛ nɩ Naaŋmɩn kpɛ taa a ɩ.»