Ɩzayi 57:7 - A SƐB-SÕW

⁷ Fʋ mɩ́ bin nɩ a fʋ gado tãw za na kɛrɩ a zu. Ɛ́ a be n'a fʋ mɩ́ do kɛ́ fʋ tɩ maalɩ a bàwr.

Ɩzayi 57:7 Referans Kwoze

Ezekɩɛl 23:41

Al pùorí, bɛ tɩ gã nɩ gado-vɩɛlɩ vɩɛlɩ zu. Bɛ tɩ bin nɩ tabal a bɛ niŋé, ɛ́ tɩ dɔwlɩ a tɩ-suur-zɔ̃-na-nyùur-vla-vla-a nɩ a kãá-nyũu ɩ̃ na tɩ so a.

Ezekɩɛl 16:16

A maalʋ-ziir fʋ na tɩ yel kɛ́ fʋ cɔbrɩ a vɩɛl a ƴãw a, fʋ de nɩ a fʋ gàn-vɩɛlɩ ɓalɛ ɓalɛ tõ pɔw-yɛm tome a zu. A bɛ tɩ dãw ɩ ɛ, ɛ́ kʋ̃ lɛb ɩ towtow ɛ.

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

Ezekɩɛl 16:25

A sɔ́r za tib zie a, fʋ mɛ n gboro a fʋ ƴãw, ɛ́ a be a, fʋ sãw nɩ a fʋ vɩɛlʋ bɛr, fʋ de nɩ fʋ tʋɔra kʋ̀ a nɩ-tɔlɩ za, fʋ tõ n pɔw-yɛm tome tɩ dɔwlɩ.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

Zeremi 3:2

Dʋɔ a zu a tãli lowr ɛ́ jɩ́r nyɛ̃, tãli-been be n be zie fʋ bɛ gã nɩ a fʋ sɛn kãw ɛ? Fʋ mɩ́ tɩ zɩ̃ n a sɔ́r nʋɔr gùre a fʋ sɛnbɛ, mɛ̃ a wɛja-kpalɛ pʋɔ nɩ-yʋɔra na gùre a nɩbɛ ʋ na na ŋmãa a. Fʋ dɛw nɩ a tẽw nɩ a fʋ pɔw-yɛm ɩ-ɩrɩ, nɩ a fʋ cenu na bɛ vɩɛl a.

Ezekɩɛl 23:17

Lɛ n'a a Babɩlɔn tẽw dem tɩ wa wa gã nɩ ʋ, ɩ ʋ ɩ dɛwr sob. Ʋ na tɩ sãw a ʋ nyɔ-vʋʋrʋ bɛr'ɩ bɛ a, ʋ tɩ jewri bɛ na.

Ɩzayi 57:3

Nyɩɩm, pɔw-sɩ̃ɛ bibiir i, nyɩ taw pɩɛlɩ a ka. Pɩ̃ɔ-yel-maalbɛ nɩ pɔw-yɛmɛ nɩ dɛ-yɛmɛ bʋʋrɛ n'ɩ nyɩ!

Ɩzayi 65:7

a bɛ sãwna san vla vla, lãwnɩ a bɛ sãàkʋm-kore dem. A bɛ sãàkʋm-kore nyɩw nɩ parfɛ̃ a tan zu, ɛ́ ɩ m la a tãli zu. A na ɩ à ŋá a, ɩ̃ na ɩ na bɛ ya a koro za ɩ-ɩrɩ san vla vla. A mãa, a Sore, mãa n'ʋ yere.

Ezekɩɛl 16:24

Ɛcɛ fʋ mɛ n gboro nɩ zi-kɛrɩ a tuor-taa ziir za.

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.