Ɩzayi 57:5 - A SƐB-SÕW

⁵ Nyɩ mɩ́ ɩ na a ƴãw cɩrɛ nyɩ a nyɩ maalʋ-ziir tɩɩr pɛr, tɩ-zimpiri za pile. Nyɩ mɩ́ maal'ɩ nɩ bibiir bàwr a fʋɔlɩ pʋɔ, a pìe bɔwrɩ pʋɔ.

Ɩzayi 57:5 Referans Kwoze

Ezekɩɛl 16:20

Zerizalɛm i, fʋ de nɩ a bidɛbr nɩ a pɔwyaar fʋ na tɩ kʋ̀ m a, maal'ɩ bàwr kʋ̀ a ŋmɩn-bɛlɛbɛlɛ kɛ́ bɛ ɩ a bʋ̃-dɩrɩ! A na ɩ lɛ a, a fʋ pɔw-yɛm nyɔ-vʋʋrʋ bɛ tɩ man ɛ?

Ɩzayi 1:29

Lɛ n'a vĩ na ɩrɛ nyɩ a tɩ-maalɩ nyɩ na tɩ nɔnɛ yaga za a ƴãw. Nyɩ na su n zuru a nyɩ zaadɛnɩ ƴãw nyɩ na tɩ kaa ír maalɛ a tɩbɛ a be a.

Zeremi 7:31

A Bɛn-Hinom fʋɔla pʋɔ a, bɛ maal'ɩ zi-tuo a Tafɛtɩ, kɛ́ bɛ mɩ́ nyɩw a bɛ bidɛbr nɩ a bɛ pɔwyaar maal'ɩ bagɛ. Ɛcɛ, ɩ̃ bɛ tɩ yel à ŋá towtow ɛ, ɩ̃ bɛ dãw tɛr a tɩɛrʋ ɛ.»

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Zeremi 2:20

«Koro za n'a fʋ gáarɛ a ɩ̃ zu. Fʋ ɩ na a baarɩ mãa nɩ a fʋ̃ʋ cara pʋɔ, ɛ́ fʋ yel: “Ɩ̃ bɛ cãà bɔbr k'ɩ̃ɩ ɩ gbãgbaa ɩ.” Bʋ̃ʋ n'ʋ vɛ̃, tãle za zu, tɩ-zimpiri za pile, fʋ mɩ́ gã na mɛ̃ pɔw-yɛm a.

2 Na-mɩnɛ 23:10

A Zozɩasɩ tɩ ɩ na a Tofɛtɩ, na be a Hinom bà-fʋɔla pʋɔ a, ʋ sãw, kɛ́ nɩr ta mɩ́ lɛb cãà tʋ̃ɔ́ nyɩw a ʋ bidɛb bɩɩ a ʋ pɔwyaa a be, maal'ɩ bàwr kʋ̀ a ŋmɩn Molɛkɩ ɛ.

Levitɩ mɩnɛ 18:21

«Fʋ kʋ̃ de a fʋ bie kãw tɩr bɛ nyɩw a ŋmɩn Molɛkɩ ƴãwfʋ ƴãw ɛ, a ɩ̃ yúor'ʋ fʋ na sãw a lɛ. Mãa n'ɩ a Sore, a nyɩ Naaŋmɩn.»

Yel-wula 18:3

Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

Ezekɩɛl 20:31

A ƴɛrɛŋa mɩ̀ a, nyɩ na mɩ́ wa n a nyɩ bʋ̃-kʋ̀rɩ a, nyɩ na mɩ́ nyɩw a nyɩ bibiir maal'ɩ bàwr kʋ̀ a nyɩ ŋmɩn-bɛlɛbɛlɛ a, nyɩ ƴãwnɛ nɩ nyɩ tʋɔra dɛwr. Ɩsɩrayɛl nɩbɛ ɛ, a yele á ŋá pʋɔ a, nyɩ tɩɛr k'ɩ̃ɩ na sàw na nyɩ mɩ́ tɛr sowru a ɩ̃ zie e? Towtow! Ɩ̃ pɔ n nɩ a ɩ̃ nyɔ-vʋʋrʋ, ɩ̃ kʋ̃ sàw nyɩ tɛr sowru a ɩ̃ zie ɩ!

Ezekɩɛl 20:26

Ɩ̃ tɩ bɛr bɛ na bɛ ɩ dɛwr dem. Bʋ̃ʋ n'ʋ vɛ̃, bɛ tɩ cɔbr'ɩ de-kʋ̀b bome na tɩ fɛr bɛ bɛ kʋ a bɛ bidɛb-dan a. Ɩ̃ tɩ bɔbr'a kɛ́ dɛ̃bɩ̃ɛ kpɛ a bɛl mɩŋa a lɛ bɛ na tɩ ɩrɛ a zũú. Lɛ n'a bɛ tɩ bãw kɛ́ mãa n'ɩ a Sore.»

Ezekɩɛl 6:13

A bɛ kũuni na yɛ́r a pàw a tẽsɔw a bɛ ŋmɩmɛ sɔgɔ, ɛ́ viiri koli a bɛ bàwr-maal-kube, a tan nɩ a tãli nyɛɛ zu, a tɩ-va-ɓaar na tɔm zimpiri a sɔgɔ, nɩ a ziir al za bɛ na mɩ́ maalɩ bagɛ kʋ̀ a bɛ ŋmɩmɛ a. Lɛ n'a ŋa za na sàw k'ɩ̃ɩ ɩ n a Sore.

Zeremi 51:7

A Babɩlɔn tɩ ɩ n salm-zɩɛ koli-nyúura a Sore nũú. Ʋ mɩ́ tɩ ɩ n a tẽ-daa za ʋ kuoli. A nɩ-bʋʋrɛ mɩ́ tɩ nyũ n a ʋ divɛ̃ tɩ bol'ɩ.

Zeremi 50:38

Zɛbr, a lo a ʋ mamɛ zu, ɩ a ko! Bʋ̃ʋ n'ʋ vɛ̃, tɩbɛ tẽw n'ʋ, a bʋ̃-faar faar á ŋá ɩ na, a bɛlɩ dem na puore a a yã yi.

Zeremi 32:35

Bɛ cɔbr'ɩ maalʋ-ziir a ŋmɩn Báàl ƴãw a Hinom bà-fʋɔla pʋɔ, kɛ́ bɛ tʋ̃ɔ́ mɩ́ nyɩw a bɛ bidɛbr nɩ a bɛ pɔwyaar kʋ̀ a ŋmɩn Molɛkɩ. Ɩ̃ bɛ dãw yel a lɛ kʋ̀ bɛ towtow ɛ, ɩ̃ mɩ̀ bɛ dãw tɛr a tɩɛrʋ ɛ. Ɛ́ bɛ na ɩ a ɩb na maal kpɛ faa à ŋá a, bɛ taw nɩ a Zuda nɩbɛ ƴãw a faa pʋɔ.

Zeremi 17:2

Bɛ mɩ́ tɩɛrɛ nɩ a bɛ bàwr-maal-kube, a bɛ dà-barɩ nɩ a tɩ-zimpiri zimpiri a tãli-kɛrɩ zu, mɛ̃ a lɛ bɛ na mɩ́ tɩɛrɛ a bɛ bibiir a.

Zeremi 3:6

A nãà Zozɩasɩ daar a, a Sore tɩ yel mɛ̃ na: «Fʋ nyɛ̃ nɩ a ʋlɩ bom nɛ a Ɩsɩrayɛl a tɩɛrʋ na lɩɛbɛ a na ɩ a? Ʋ do n tãw za na kɛrɩ a zu, ʋ cen nɩ tɩ-zimpiri za pile tɩ tõ a pɔw-yɛm tome a be.

2 Bibie za yel-manɩ 28:3

Ʋl mɩŋa tɩ tɩr'ɩ tɩ-suur-zɔ̃-na-nyùur-vla-vla-a de-kʋ̀b bom a Bɛn-Hinom fʋɔla pʋɔ, ɛ́ ƴãw bɛ nyɩw a ʋ bidɛbr maal'ɩ bàwr. A nɩ-bʋʋrɛ bɛl a Sore na tɩ diw k'aa Ɩsɩrayɛl nɩbɛ tʋ̃ɔ́ de a tẽw a, a bɛ ɩ-faar na bɛ maal'ɩ wob a, alɛ n'a a nãà Akaazɩ tɩ cɔwrɛ.

2 Na-mɩnɛ 17:10

Bɛ tɩ teli nɩ kʋsɛbɛ, ɛ́ bà dà-barɩ a tãli za zu, nɩ tɩ-zimpiri za pile.

1 Na-mɩnɛ 14:23

Bɛ mɩ̀ tɩ cɔbr'ɩ maalʋ-ziir, bin kʋsɛ-teli nɩ dà-barɩ a tãli za na tɛr tɩ-zimpiri zimpiri a zu.

Wulu-ayi-sob 12:2

Nyɩ na sãw nɩ a maalʋ-ziir al za na be a tã-kɛrɩ, a tãli nɩ a tɩ-zimpiri zimpiri za pile a bɛr. Be n'a a nɩ-bʋʋr-yoru nyɩ na na diw ɛ́ de a ten a tɩ maalɛ a bɛ ŋmɩmɛ.

Sɔr-nɛ́ɛ 25:6

Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na.

Eziptɩ tẽw yib 32:6

A nɩbɛ tɩ dãwnɩ nɩ ìru a bio daarɩ́, maalɩ nyɩw-a-za-bagɛ nɩ lãw-taa bagɛ. A nɩbɛ tɩ zɩ̃ na kɛ́ bɛ dɩ ɛ́ nyũ, al pùorí bɛ ìr kɛ́ bɛ dɩ̃ɛnɩ.

Ezekɩɛl 20:28

Ɩ̃ tɩ tɛr bɛ na cen nɩ a tẽw ʋl ɩ̃ na tɩ pɔ yel k'ɩ̃ɩ na kʋ̀ bɛ na a pʋɔ. A be a, bɛ tɩ nyɛ̃ nɩ a tãli nyɛɛ na ɩ tɩɩr na tɛr váar zimpiri zimpiri a, ɛ́ tɩ maalɩ a bɛ bagɛ. Bɛ tɩ ɩ n a ɩ̃ suur ìr nɩ a bʋ̃-kʋ̀rɩ, a de-kʋ̀b bome a nyũu na ɓãanɛ suur, nɩ a divɛ̃ de-kʋ̀b bɛ na tɩ dier tɩrɛ a.

2 Na-mɩnɛ 17:7

A yele á ŋá za tɩ ɩ na, a Ɩsɩrayɛl nɩbɛ na tɩ maalɩ yel-bebe a Sore bɛ Naaŋmɩn zie a ƴãw. Ʋl na tɩ faa bɛ a Eziptɩ tẽw nãà, Faarawɔ̃, nuru pʋɔ, ɛ́ ɩ bɛ yi a tẽw ŋa pʋɔ a, nɩ bɛ na tɩ puori ŋmɩn-yoru a.