Ɩzayi 57:2 - A SƐB-SÕW

² Ɛcɛ a ƴã-ɓaarʋ na wa na, ɛ́ a bɛlɩ dem na ɩrɛ vla a na mɩ́ gúre nɩ zoom a bɛ bʋ̃-gana zu.

Ɩzayi 57:2 Referans Kwoze

Yel-wula 14:13

Al pùorí, ɩ̃ tɩ wõ n kɔkɔr a salom zu ʋ yere a ɩ̃ zie: «Sɛb yel: “Zu-nʋ̃ɔ̀ dem'ɩ a bɛl na tĩ kpiir a ƴɛrɛŋa ɛ́ lãw nɩ a Sore a!” A Naaŋmɩn Vʋʋrʋ yere na: “Sɩza n'a, bɛ na tʋ̃ɔ́ na pɩ̃ɛnɛ nɩ a bɛ bàlʋ bɛ na nyɛ̃ a, bʋ̃ʋ n'ʋ vɛ̃, a bɛ tome sã-ya tuur bɛ na.”»

2 Korɛ̃tɩ 5:1

Tɩ bãwnɩ a na, a pɛn-sɛw ʋl pʋɔ tɩ na be kpɩɛr a (a pɛr lɛ k'aa tɩ tẽw zu ka ƴã-gan) ʋlɛ wa sãw a, Naaŋmɩn cɔbrɛ nɩ kpɛb zie bɛrɛ tɩ a tẽ-vla pʋɔ, kpɛb zie na bɛ ɩ nɩsaal nuru bʋ̃-maala, ɛ́ be kʋralɛ a.

Luka 2:29

«Sore e, ƴɛrɛŋa a, fʋ na tʋ̃ɔ́ na bɛr a fʋ tõ-tõ-bie ʋ kule nɩ ƴã-ɓaarʋ mɛ̃ a lɛ fʋ na yel a.

A Zɔb sɛbɛ 3:17

A bɔw pʋɔ a, a nɩ-faar ɩb mɩ́ baar'a, ɛ́ a bɛlɩ dem na bàl a pãa páw pɩ̃ɛnʋ.

2 Korɛ̃tɩ 5:8

Bʋnʋ kãw za bɛ ka a tɩ zie ɩ, ɛ́ tɩ nyɛ̃ a sa kɛ́ tɩ yi ɛ́ bɛr a ƴã-gan ŋa, ɛ́ cen tɩ be a Sore zie.

Luka 7:50

Ɛcɛ a Yeezu tɩ yel'ɩ a pɔw: «A fʋ naaŋmɩn-sàwfʋ faa fʋ na, cere nɩ ƴã-ɓaarʋ.»

Matie 25:21

A ʋ nɩ-kpɛ̃ɛ tɩ yel ʋ na: “A vɩɛl'a, tõ-tõ-bi-vla, tõ-tõ-bi-mɩŋa nɛ b, fʋ na kaa bʋ̃-pʋrɩ zie vla a, ɩ̃ na kʋ̀ b'ɩ bʋ̃-yaga fʋ kaarɛ. Wa pʋɔ a fʋ nɩ-kpɛ̃ɛ nʋ̃ɔ̀ pʋɔ.”

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

2 Bibie za yel-manɩ 16:14

Bɛ tɩ ũù ʋ nɩ yaa kãw pʋɔ ʋ na tɩ ƴãw bɛ tuw a «Daviir Tẽ-kpɛ̃ɛ» pʋɔ a. Gado na paalɩ parfɛ̃ nɩ bʋ̃-nyuure vla vla yaga yaga a zu n'a bɛ tɩ gaalɩ a ʋ kũu. Nɩbɛ na bãw a parfɛ̃ yele a nɛbɛ tɩ sʋ̃ɔmɩ bul cɔbrɩ a. Bɛ tɩ nyɩw nɩ a parfɛ̃ a mɩnɛ a ʋ ƴãw.

Luka 16:22

Ɛcɛ a nã́w sob wa kpi na, a malkɩ mɩnɛ ɓáw ʋ cen nɩ a Abraham zie. A nãà mɩ̀ kpi, bɛ ũù ʋ.

Ezekɩɛl 32:25

Sɩza, a Elam tẽw nãà lãw na gã nɩ a ʋ zɛbr-nɩbɛ a zɛbr nɩ-kũuni pʋɔ. A ʋ sojarɩ yarʋ viir'a koli ʋ. Bɛ kʋ n a yɔ-ɓile dem bɛ ŋa za a zɛbr zie. A bɛ ƴãw a, a nɩbɛ tɩ màwr'ɩ dɛ̃bɩ̃-mawfʋ a nɩ-vʋʋrɩ tẽw pʋɔ. A ƴɛrɛŋa a, vĩ nyɔw bɛ na lãwnɩ a bɛlɩ dem za bɛ na kʋ a zɛbr zie a.

Filib 1:23

Ziir ayi n'a ɩ̃ àr'ɩ dɛ bɛ bãw ɛ: ɩ̃ bɔbr'a k'ɩ̃ɩ nãá kpi cen tɩ lãw nɩ a Kɩrɩta, lɛ n'a nãá vɩɛl tɩ zuo.

Luka 1:6

Bɛ za ayi tɩ ɩ n nɩ-mɩn a Naaŋmɩn niŋé ɛ́ tɩ sàwr a Sore nɛ-ƴãwnɩ za, nɩ a lɛ ʋ na yel a ceretete.

Ɩzayi 26:7

Sore e, a nɩ-mɩŋa sɔ́r cere nɩ daadaa, fʋ ɩ na a ʋ sɔr-dẽdẽ man taa.

Ɩzayi 14:18

A nɩ-bʋʋrɛ na-mɩnɛ za, bɛ za nyɛ̃ nɩ ƴãwfʋ gã nɩ, ŋa za a ʋ yàa pʋɔ.

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Sɛb-sõw yielu 37:37

Jɩ́rɛ a nɩ-vla, ɛ́ nyɛ̃ a nɩr na cere dẽdẽ a: a nɩr na nɔnɛ a ƴã-ɓaarʋ a mɩ́ tɛr'ɩ bʋʋrɛ.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”