Ɩzayi 57:19 - A SƐB-SÕW

¹⁹ ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 57:19 Referans Kwoze

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

Nɩ-toni 2:39

A nyɩɩm nɩ a nyɩ bibiir ƴãw n'a a Naaŋmɩn tɩ dãw ƴãw a nʋɔr ŋa, nɩ a bɛlɩ dem na zãá a ƴãw, a bɛlɩ dem za a Sore tɩ Naaŋmɩn na na bʋɔlɩ a.»

Efɛɛzɩ 6:19

Nyɩ mɩ̀ puore kʋ̀rɛ mɛ̃, kɛ́ Naaŋmɩn ƴãw a ƴɛ̀r-bie al na sɛw a a ɩ̃ nʋɔrɩ́, k'ɩ̃ tʋ̃ɔ́ ɓãá ƴãw manɩ a Yel-nʋ̃ɔ̀ yel-sɔwla wul ʋ sãá.

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Markɩ 16:15

Al pùorí, ʋ tɩ yel bɛ na: «Nyɩ cen a tẽ-daa za zu tɩ hiere a Yel-nʋ̃ɔ̀ kʋ̀rɛ a bʋ̃-íri za.

Matie 10:13

A yir nɛ dem wa sɛwnɩ a nyɩ puoru a, a nyɩ puoru na wa n nɩ ƴã-ɓaarʋ a bɛ zie, ɛ́ bɛlɛ bɛ wa sɛwnɩ a nyɩ puoru a, a nyɩ puoru ƴã-ɓaarʋ, ʋ lɛb wa a nyɩ zie.

Ɩzayi 6:7

Ʋ tɩ tɔ n nɩ a ɩ̃ nʋɔr ɛ́ yel à ŋá: «A bom ŋa na dɛ tɔ a fʋ nɔgbãbie a, bɛ de nɩ a fʋ sãwna bɛr a baarɩ, bɛ dɩ n a fʋ yel-bier suur kʋ̀ b.»

A naaŋmɩn-ƴèr-manɛ Oze sɛbɛ 14:2

Ɩsɩrayɛl i, lɛb wa a Sore fʋ Naaŋmɩn zie. Bʋ̃ʋ n'ʋ vɛ̃, a fʋ sãwna n'a ɩ fʋ ŋmɛ gbɛ́r lo.

Efɛɛzɩ 2:13

Ɛcɛ ƴɛrɛŋa nyɩ na lãw nɩ a Yeezu Kɩrɩta a, nyɩɩm na tɩ be zi-zãána a, a ʋ zɩ̃ɩ ɩ na nyɩ taw pɩɛlɩ.

Ɩzayi 26:3

Fʋ mɩ́ tu n tub na bɛ bãw bʋnʋ a, tɩr a ƴã-ɓaarʋ mɩŋa, Sore e, bɛ na ƴãw a bɛ tɩɛrʋ a fʋ ƴãw a zũú.

Ɩzayi 26:12

Sore e, fʋ kʋ̀rɛ tɩ nɩ a ƴã-ɓaarʋ, fʋ̃ʋ n'ʋ mɩ́ maalɩ a alɩ bome nɛ za tɩ na ɩrɛ a kʋ̀ tɩ.

Ɩzayi 32:17

A ƴã-ɓaarʋ na ɩ n a mɩnʋ bom, a mɩnʋ ton na ɩ n a zie na gã zoom kʋralɛ bɛ bãw damnʋ a.

Ɩzayi 50:4

A Sore Naaŋmɩn wul mɛ̃ nɩ a ʋlɩ bom nɛ a na fɛr k'ɩ̃ɩ yel, tʋ̃ɔ́ mɩ́ tɛr mɔwlʋ ƴɛ̀r-bie a sob nɛ na bàl a zie a. Biɓaara za, ʋ mɩ́ sɩ̃w mɛ̃ na, k'ɩ̃ɩ tʋ̃ɔ́ bɛrɛ wone mɛ̃ a po-tuurbɛ a.

Ɩzayi 51:16

Ɩ̃ lɛb'a dɔlɛ a salom, ɩ̃ lɛb'a bine a tẽw pɛr ɛ́ yere a Sɩyɔ̃ tẽw: “Fʋ̃ʋ n'ɩ a ɩ̃ nɩ-bʋʋrɛ, ɩ̃ ƴãwnɛ nɩ a ɩ̃ ƴɛ̀rʋ a fʋ nʋɔrɩ́, ɩ̃ piwr fʋ na tɛrɛ nɩ a ɩ̃ nũu ɓaarʋ.”»

Ɩzayi 59:21

A Sore yere na ƴãw pʋɔ: «Ɛ́ a mãa a, nyɛ̃ a wõ-taa ɩ̃ na maalɛ nɩ a nɩbɛ bɛ ŋa a: A ɩ̃ vʋʋrʋ be n a nyɩ zu, ɩ̃ɩ ƴãw nɩ a ɩ̃ ƴɛ̀rʋ a nyɩ nɛ̃ɛ́. Nyɩmɛ so a, a nyɩ bibiir so a, nɩ a bɛ bibiir mɩ̀ bibiir, a ƴɛrɛŋa nɩ kʋralɛ. Ɩ̃ bɛ lɛb dier a a nyɩ zie towtow ɛ. A mãa, a Sore, mãa n'ʋ yere.»

Sofoni 3:9

«Lɛ n'a ɩ̃ na maalɩ a nɩ-bʋʋrɛ nɛ́ɛ a vɩɛl: bɛ na puore nɩ a mãa Sore, ɛ́ tɛr tɩɛr-been tone nɩ mɛ̃.

Zakari 9:10

Ʋ na ír'ɩ a zɛbr-torkori bɛr a Efarayim, nɩ a wie a Zerizalɛm. Ʋ na kár'ɩ a zɛbr tamɛ bɛr. Ʋ na ƴãw nɩ a ƴã-ɓaarʋ a nɩ-bʋʋrɛ pʋɔ, ʋ na so nɩ a zie, kʋ̃ɔ-kpɛ̃ɛ tɩ tɔ n kʋ̃ɔ-kpɛ̃ɛ, a Efaratɩ man tɩ tɔ n a tẽw baarʋ zie.

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»

Zeremi 33:6

«Ɛcɛ, ɩ̃ na sanɩ ʋ na, ɛ́ ɩ a ʋ bàalʋ baarɩ. Ɩ̃ na lɛb'a kʋ̀ a ʋ yie a ƴã-ɓaarʋ, ɛ́ ɩ a nɩbɛ bãw a ƴã-ɓaarʋ nɩ zie na bɛ bãw damnʋ a.

A naaŋmɩn-ƴèr-manɛ Oze sɛbɛ 14:5

À ŋá n'a a Sore yere: «A Ɩsɩrayɛl na zawrɩ mɛ̃ bɛr a, ɩ̃ na sanɩ nɩ a ʋ sãwna ŋa, ɩ̃ na nɔnɛ ʋ na bɛ dɩ vuo ɩ, a ɩ̃ suur kʋ̃ cãà ìr a ʋ ƴãw ɛ.