Ɩzayi 57:18 - A SƐB-SÕW

¹⁸ Ɩ̃ nyɛ̃ nɩ a ʋ ɩb vla vla, ɛcɛ ɩ̃ na sanɩ ʋ na. Ɩ̃ na wul ʋ nɩ a sɔ́r, ɩ̃ na mɔwl'ʋ na. A bɛlɩ dem za na be wahala pʋɔ a,

Ɩzayi 57:18 Referans Kwoze

Zeremi 33:6

«Ɛcɛ, ɩ̃ na sanɩ ʋ na, ɛ́ ɩ a ʋ bàalʋ baarɩ. Ɩ̃ na lɛb'a kʋ̀ a ʋ yie a ƴã-ɓaarʋ, ɛ́ ɩ a nɩbɛ bãw a ƴã-ɓaarʋ nɩ zie na bɛ bãw damnʋ a.

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zeremi 31:3

Ʋ tɩ yere na: “A Sore wul mɛ̃ nɩ ʋ tʋɔra zi-zãána.” Ɩ̃ɩ tɩ sɔw ʋ na: “Ɩ̃ nɔnɛ fʋ na nɩ nɔ̃wfʋ na be kʋralɛ a. Alɛ n'a so ɩ̃ cãà tu b yaga za.

Zeremi 13:17

Nyɩmɛ bɛ wa bɛr wõ a, ɩ̃ na sɔwl'a kõ a nyɩ pɔ̀l-ɩb ƴãw. Ɩ̃ na kõ na cir mʋta-kʋ̃ɔ yaga, bɛ na diwr a Sore dʋn cere nɩ tẽ-yũo a ƴãw.

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Ɩzayi 30:26

A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ, ɛ́ sanɩ a bàalʋ bɛ na ŋmɛ bɛ ƴãw a, a cuw cãà na ɩ na mɛ̃ a mʋ̃tɔ̃w cãà a, ɛ́ a mʋ̃tɔ̃w cãà caalɩ gb'a ayopõi dɔwlɩ.

Ɩzayi 12:1

Nɩ-bʋʋrɛ bɛ na faa a, nyɩ na yel'ɩ a ʋlɩ bibir nɛ: «Sore e, tɩ puore fʋ nɩ barka. Bʋ̃ʋ n'ʋ vɛ̃, fʋ tɩ nyɛ̃ nɩ tɩ nɩ suur, ɛcɛ a fʋ suur ɓãa na, ɛ́ fʋ mɔwlɛ tɩ.

Ɩzayi 1:18

“A Sore yere na: «Nyɩ wa tɩ ŋmɛ nɔkpɛn. A nyɩ yel-bebe wa mʋ̃ɔ̀ ɓõɓõ a, a na lɩɛb'a pɛlɩ parpar. Alɛ wa mʋ̃ɔ̀ cõcõ a, a na lɩɛb'a pɛlɩ mɛ̃ pi-kɔblʋ pɛn-pla a.

Ekilezɩasɩ 9:4

Ɛcɛ, nɩr na vʋʋrɛ a n'ʋ na cãà tʋ̃ɔ́ gùre bom. Ba-mimir sa n gbẽw-kũu!

Sɛb-sõw yielu 51:12

Naaŋmɩn i, ír socir parpar ƴãw mɛ̃, ɛ́ kʋ̀ m tɩɛr-paala na kpɛmɛ a.

Sɛb-sõw yielu 23:2

Mɔ̃-ɓaar pʋɔ n'a ʋ mɩ́ ƴãw ɩ̃ pɩ̃ɛnɛ. A pɩ̃ɛnʋ zie kʋ̃ɔ pɛr'a ʋ mɩ́ tɛr mɛ̃ cen nɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Luka 15:20

Lɛ n'a ʋ tɩ ìr lɛb kule a ʋ sãà zie.» «Ʋ na tɩ cãà zãá nɩ a yir a, a sãà tɩ nyɛ̃ ʋ na, nɩbaalʋ za kpɛ ʋ. Ʋ tɩ zɔ na tuor'ʋ, nyɔw ʋ weri ɛ́ puor'ʋ.

Sɛb-sõw yielu 94:19

A tɩɛrʋ na mɩ́ tɩ zuo mɛ̃ a, a fʋ mɔwlʋ mɩ́ ɩ m'ɩ nʋ̃ɔ̀.

Ɩzayi 19:22

A Sore na ŋmɛ n a Eziptɩ tẽw dem, ʋ na ŋmɛ bɛ na, ɛcɛ ʋ na sanɩ bɛ na. Bɛ na lɛb'a wa a Sore zie, ʋʋ na bɛr'a wõ a bɛ zɛlʋ ɛ́ sanɩ bɛ.

Ɩzayi 52:12

Ƴɛrɛŋa ʋl a, a kʋ̃ ɩ páwfʋ nyɩ cere páwr ɛ, nyɩ kʋ̃ yi zaa a tẽw pʋɔ mɛ̃ nɩbɛ na zɔrɛ a ɩ. Bʋ̃ʋ n'ʋ vɛ̃, a Sore n'ʋ na de nyɩ niwn, a Ɩsɩrayɛl Naaŋmɩn n'ʋ na pàw a nyɩ pùor.

Ɩzayi 53:5

Ɛcɛ a tɩ ɩ-faar'a so bɛ cɔ̀r ʋ col, a tɩ yel-bebe zũú n'a bɛ ƴɛ́r ʋ ŋmɛr. A dɔwrʋ ʋl na ɩ kɛ̀ tɩ páw a ƴã-ɓaarʋ a, ʋl zu n'a k'ʋ lo. Ɛ́ a ʋ natɩɛ n'a so kɛ̀ tɩ nyɛ̃ a sanʋ.

Ɩzayi 58:11

A Sore na wule fʋ nɩ a sɔ́r kʋralɛ. A wɛja-kpalɛ pʋɔ tɛɛ za a, ʋ na kʋ̀ b'ɩ bʋ̃-dɩrɩ ɛ́ ɩ fʋ lɛb tɛr fãw. Fʋ na ɩ na mɛ̃ zaadɛ̃ na bùr ʋ za a, mɛ̃ bul-nʋɔr a kʋ̃ɔ na bɛ sɩrɛ a.

Zakari 1:13

Lɛ n'a a Sore tɩ ƴɛ̀r sõwfʋ ƴɛ̀rʋ, nɩ mɔwlʋ ƴɛ̀rʋ kʋ̀ a malkɩ na tɩ ƴɛ̀rɛ a ɩ̃ zie a.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Zeremi 30:17

Bɛ bʋɔlɛ fʋ nɩ “pɔw-diw-bɛra”, “Sɩyɔ̃ nɩr za na bɛ ŋmɛlɛ kaar a”. Ɛcɛ a mãa, a Sore, ɩ̃ yere na: ɩ̃ na sanɩ nɩ a fʋ natɩɛ, ɩ̃ na ɩ na a ɓãá.»