Ɩzayi 57:16 - A SƐB-SÕW

¹⁶ Bʋ̃ʋ n'ʋ vɛ̃, ɩ̃ kʋ̃ zɛbr a bɛ tɛr baarʋ ɛ, bɩɩ nyɛ̃ a suur kʋralɛ ɩ. Alɛ bɛ ɩ lɛ, a nyɔ-vʋʋrʋ pɩɛlʋ kʋ̃ cãà be a bɛlɩ dem ɩ̃ na ír a zie ɩ.

Ɩzayi 57:16 Referans Kwoze

Mise 7:18

Sore e, ŋmɩn kãw bɛ ŋmɛ̃ taa nɩ fʋ ɛ, fʋ mɩ́ de nɩ a sãwna bɛr a baarɩ, ɛ́ dɩ a yel-bebe suur kʋ̀ a fʋ nɩ-bʋʋrɛ na cɛ bɛ kpi a. Fʋ bɛ mɩ́ nyɛ̃ a suur ʋ ka baarʋ ɛ, a na nʋmɛ a fʋ zie kɛ́ fʋ mɩ́ wul tɩ a fʋ nɔ̃wfʋ a ƴãw.

Sɛb-sõw yielu 85:5

Naaŋmɩn tɩ faarɛ ɛ, ɩ tɩ lɛb wa, ta cãà tɛr'ɩ tɩ a mɩnɛ kãw ɛ.

Ebre 12:9

Tɩ tɩ tɛr'ɩ a tɩ sãà mɩnɛ a tẽw zu ka, bɛ kpãànɛ tɩ, ɛ́ tɩ ƴãwnɛ bɛ, ɛ́ bɛ nãà yere a tɩ Sãà na be a tẽ-vla pʋɔ a? A fɛr'a kɛ́ tɩ sàwr a ʋ nʋɔr, ʋʋ kʋ̀ tɩ a nyɔ-vʋʋrʋ.

Zeremi 10:24

Sore e, kpãa mɛ̃, ɛcɛ kpãa mɛ̃ a man. Ta kpãa mɛ̃ nɩ suur ɛ, alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.

Sɔr-nɛ́ɛ 16:22

Ɛcɛ a Moyiir nɩ a Aarɔ̃ tɩ lo na vɔblɩ muru ɛ́ yel: «'Woi Naaŋmɩn i, fʋ̃ʋ n'ʋ kʋ̀rɛ a nyɔ-vʋʋrʋ a fʋ bʋ̃-íri za, nɩ-been yõ n'ʋ maalɩ a yel-bier, ɛ́ fʋ na nyɛ̃ nɩ a lãw nɩbɛ za suur ɩ?»

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Ɩzayi 42:5

A Naaŋmɩn, a Sore, na ír a salom nɩ a ʋ yɛ̀lʋ za a, na yɛ́r a tẽsɔw nɩ a ʋ bʋ̃-buli a, na kʋ̀ a nyɔ-vʋʋrʋ a nɩ-bʋʋrɛ na kpɩɛr a ʋ zu a, nɩ a vʋʋrʋ a bɛlɩ dem na dɛnɛ a ʋ zu a, ƴɛ̀rɛ nɩ à ŋá a ʋ tõ-tõ-bie zie:

Yele-za-pɛr-tib 6:3

Lɛ n'a a Sore tɩ tɩɛr ʋ pʋɔ: «A nyɔ-vʋʋrʋ pɩɛlʋ ɩ̃ na ƴãw a nɩsaalbɛ a, ɩ̃ kʋ̃ tʋ̃ɔ́ bɛr ʋ a bɛ pʋɔ kʋralɛ ɩ, bʋ̃ʋ n'ʋ vɛ̃, bʋ̃-kpiiri nɛbɛ. Dɩ̃a na ta a, bɛ na mɩ́ vʋʋr'ɩ yome lɩz'a ayʋɔb (120).»

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Zeremi 3:5

«Ʋ na tɛr'ɩ a ʋ suur kʋralɛ bɩɩ? Ʋ kʋ̃ bɛr a baarɩ ɛ?» À ŋá n'a fʋ mɩ́ yere ɛ́ cãà maalɛ a faa a, ɛ́ mɩ́ bãw ʋ maalɩ vla za!

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Amɔsɩ 1:11

À ŋá n'a a Sore yere: «A Edɔm tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na vʋ̃ɔ zɛbr-sɔ-kpɛ̃ɛ diwr'ɩ a Ɩsɩrayɛl nɩbɛ na ɩ a bɛ yɛbr, ɛ́ bɛ sàw nɩbaalʋ kãw kpɛ bɛ a bɛ ƴãw a. A bɛ suur nɩ a bɛ pʋ-bier na bɛ tɛr baarʋ daar a zũú,

2 Samɩɛl 24:16

A Sore malkɩ nũu tɩ tur'a cɔw a Zerizalɛm k'ʋʋ sãw ʋ bɛr, ɛcɛ a Sore tɩ lɩɛb'ɩ a dɔwrʋ bɛr, ɛ́ yel a malkɩ na tɩ kʋrɛ a nɩbɛ pàwr pɛr a: «A sɛw n'ɩ lɛ! Ƴɛrɛŋa a, siwri a fʋ nũu.» Zɩ̃ k'aa Sore malkɩ tɩ pɩɛl'ɩ a Zebi tẽw nɩr Arona blevab gbãgbalá.

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

Ɩzayi 27:8

Ʋ̃ʋ 'hʋ̃, ɛcɛ ʋ ƴãw bɛ nɩ dɔwrʋ, diw bɛ, ír bɛ a bɛ tẽw pʋɔ. Ʋ pɛbl'ɩ a ʋ pɩɛlʋ kpɛ̃w kpɛ̃w za diw bɛ mɛ̃ saa-pɛrɩ́ sɛsɛb na fu n fãw a.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 64:8

Sore e, ta nyɛ̃ suur tɩ gãw ɛ, ta tɩ́ɛrɛ a tɩ sãwna kʋralɛ ɩ. Sàw jɩ́r nyɛ̃, tɩ za ɩ n a fʋ nɩbɛ.