Ɩzayi 57:13 - A SƐB-SÕW

¹³ Fʋ̃ʋ wa kone bɔbr'ɩ sõwfʋ a, a fʋ tɩbɛ fʋ na wob ɓã taa a, a faa fʋ! A sɛsɛb na wob a nɩ a za cen nɩ, pɩɛlʋ na pɛbl'a na tɔl'ɩ. Ɛcɛ sob nɛ na na zɔ kpɛ a ɩ̃ naayir a na páw nɩ a tẽw ʋ ɩ a ʋ sób, ʋʋ na so nɩ a ɩ̃ tãw-sõw.

Ɩzayi 57:13 Referans Kwoze

Sɛb-sõw yielu 37:9

Bʋ̃ʋ n'ʋ vɛ̃, bɛ na ír'ɩ a yel-fa-maalbɛ bɛr, ɛcɛ a bɛlɩ dem na tɩɛrɛ a Sore a na so nɩ a tẽw.

Sɛb-sõw yielu 37:3

Ƴãw a fʋ tɩɛrʋ a Sore ƴãw ɛ́ ɩrɛ vla, lɛ n'a fʋ na kpɩɛr a tẽw ɛ́ tɛr ƴã-ɓaarʋ.

Ɩzayi 65:25

A wɛ-baa nɩ a péle na lãw na 'wɔbr a mʋ̃ɔ. A gbẽw na 'wɔbr'ɩ mʋ̃ɔ mɛ̃ a náab a. A waab na dɩrɛ nɩ tanɛ. Yel-faa za nɩ yel-sãwna za bɛ lɛb maalɛ a ɩ̃ tãw-sõw za zu ɛ. A mãa, a Sore, mãa n'ʋ yere.

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Zakari 7:13

ɛ́ yel: «Bɛ na zawrɩ na bɛr wõ m a lɛn daar ɩ̃ na tɩ yel kɛ́ bɛ sàw a nʋɔr a, ɩ̃ mɩ̀ tɩ zawr'a na sɔw bɛ, a lɛn daar bɛ na tɩ yel k'ɩ̃ɩ faa bɛ a.

Ezekɩɛl 20:40

Bʋ̃ʋ n'ʋ vɛ̃, a Ɩsɩrayɛl nɩbɛ za, a bɛl za na be a tẽw pʋɔ a na maalɛ mɛ̃ na a ɩ̃ tãw-sõw zu, a Ɩsɩrayɛl tãw-kɛra zu. A mãa Sore Naaŋmɩn n'ʋ yel. A be a, ɩ̃ na tuor'a nyɔw nyɩ nɩ nɔ̃wfʋ, ɩ̃ɩ na sàw na de a bom nɛ za nyɩ na na ɩ ʋ ɩ sõw a ɩ̃ ƴãw a, a nyɩ bʋ̃-kʋ̀rɩ nɩ a nyɩ de-kʋ̀b bome pʋɔ bʋ̃-vla vla za.

Ɩzayi 66:20

A nɩbɛ bɛ ŋa na tɛr'ɩ a nyɩ yɛbr za na tɩ be a bɛ zie a lɛb wa n. Wie zu, zɛbr-torkori pʋɔ, torkori na pàw ɓaarʋ a pʋɔ, mílɛ̀ nɩ nyɔ̃wmɩ zu n'a bɛ na tɛr bɛ lɛb wa n a ɩ̃ tãw-sõw zu a Zerizalɛm. A Sore n'ʋ yel. A na ɩ n a bɛ de-kʋ̀b bom a ɩ̃ ƴãw. Ɩ̃ na sàw na de ʋ mɛ̃ a de-kʋ̀b bom ʋl a Ɩsɩrayɛl nɩbɛ na mɩ́ wa n a ɩ̃ Yir laar na bɛ tɛr dɛwr a pʋɔ a.

Ɩzayi 65:9

Ɩ̃ na kʋ̀ n bʋʋrɛ a Zakɔb nɩbɛ, a Zuda dɔwlʋ nɩbɛ. Bɛ na so nɩ a ɩ̃ tan. A bɛlɩ dem ɩ̃ na kaa ír a na so a na, a bɛlɩ dem na tone a ɩ̃ tome a na kpɩɛr'ɩ a be.

Ɩzayi 11:9

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Sɛb-sõw yielu 125:1

Zerizalɛm dob daar yielu. Bɛlɩ dem na ƴãw a bɛ tɩɛrʋ a Sore ƴãw a, bɛ ŋmɛ̃ na taa nɩ a Sɩyɔ̃ tãw, ʋ bɛ damnɛ ɩ, ʋ àr'ɩ kʋralɛ.

Ƴɛ̀r-dɩrbɛ 10:14

Nyɩ cen! Nyɩ kone bʋɔlɛ a ŋmɩmɛ al nyɩ na kaa ír a, a wa faa nyɩ. Alɛ n'a a fɛrɛ k'aa mɩ́ faa nyɩ a nyɩ kpɩɛrʋ daar!»

A naaŋmɩn-ƴèr-manɛ Oze sɛbɛ 13:3

Lɛ so, bɛ na tɔl'a mɛ̃ biɓaara ulu a, mɛ̃ biɓaara ɓɩɛlʋ na zore a, mɛ̃ sàwr sɛsɛb-pɩl na ɓáw cen zãá nɩ a ble vab gbãgbala a. Bɛ na ɩ na mɛ̃ zʋ̀ʋ́r na yire vʋɔrɩ́ a.

Zeremi 22:22

Sɛsɛb de nɩ a fʋ nɩ-bɛrɛ za cen nɩ, bɛ diw nɩ a fʋ nɩ-nɔnɩ cen nɩ tẽ-yũo. A fʋ̃ʋ a, a fʋ yúor na sãw na, vĩ na nyɔw fʋ nɩ a faa al za fʋ na maalɩ a zũú.

Zeremi 22:20

«Zerizalɛm i, do a Libã tãw zu tɩ lɔbr cɛlsɩ, ɩ bɛ wõ a fʋ kɔkɔr a Basan tã-sɛr zu. Lɔbr cɛlsɩ a Avarim tan zu, a fʋ sɛnbɛ za na bɛ cãà be a ƴãw.

Ɩzayi 65:11

Ɛcɛ a nyɩɩm a, nyɩ zawrɩ mɛ̃ na bɛr, nyɩ yiir'ɩ a ɩ̃ tãw-sõw bɛr, nyɩ kʋ̀rɛ nɩ bʋ̃-dɩrɩ a Gadɩ, a bawson ŋmɩn, nyɩ kʋ̀rɛ nɩ divɛ̃ na jɛr taa a a Meni, a lɛ a yele na na ɩ a baarʋ daar a ŋmɩn.

Ɩzayi 41:16

Fʋ na yɛ́lɩ a na, a sɛsɛb de cen nɩ, sɛsɛb-pɩl na yaar a na bɛr a ziir za. Ɛcɛ a fʋ̃ʋ a, fʋ na ŋmɩɛr'ɩ nʋ̃ɔ̀ cɛlsɩ a Sore ƴãw, fʋ na nyʋʋr'a, a Ɩsɩrayɛl Naaŋmɩn na ɩ sõw a ƴãw.

Ɩzayi 40:24

Bɛ bɛ de a zie baarɩ sɛr ɛ, bɛ bɛ zɩ̃ baarɩ sɛr ɛ, ɛ́ a Sore pɛblɩ a ʋ pɩɛlʋ a bɛ zu. Bɛlɛ n'ɩ bɛ ŋan ko, a sɛsɛb-pɩl ɓáw bɛ cen nɩ mɛ̃ sàwr a.

Zʋkpaɩ 28:25

Nɩr na bɔbr bome bɛ tɛr sɛwfʋ a mɩ́ wa n nɩ zɛb-taa, ɛcɛ sob nɛ na ƴãw a ʋ tɩ́ɛrʋ a Sore ƴãw a na kpɛ n naalʋ.

Sɛb-sõw yielu 84:12

Yel-mɩŋa, a Sore ɩ n mʋ̃tɔ̃w nɩ zɛbr-kur-pãgala. A Sore mɩ́ tɩr'ɩ a maalʋ nɩ a yúor, ʋ bɛ sɩbr bʋ̃-vla kãw za, a bɛlɩ dem na ɩrɛ vla a ɩ.

Sɛb-sõw yielu 58:9

Bɛ ɩ mɛ̃ a wel na mɩ́ vure ɛ́ bɛrɛ kʋ̃ɔ-saalʋ tɩ kpi n a, mɛ̃ a bi-cur-bɛra a, bɛ ta nyɛ̃ a mʋ̃tɔ̃w cãà ɛ.

Sɛb-sõw yielu 1:4

Ɛcɛ a bɛ ŋmɛ̃ à ŋá a nɩ-faar zie ɩ: bɛ ɩ na mɛ̃ a ùr, sɛsɛb na mɩ́ wob yɛ́lɩ bɛr a.

A Zɔb sɛbɛ 21:18

A nɩbɛ bɛ ŋa a, bɛ ɩ mɛ̃ sàwr sɛsɛb na ɓáw cere nɩ a, bɛ ɩ mɛ̃ sɛsɛb-pɩl uuru na ìre dúor a!

2 Na-mɩnɛ 3:13

A Elize tɩ yel'ɩ a Ɩsɩrayɛl tẽw nãà: «Mãa nɩ fʋ̃ʋ mɩ̀ bʋnʋ? Cen tɩ páw a fʋ sãà naaŋmɩn-ƴɛ̀r-manbɛ, bɩɩ a fʋ mã naaŋmɩn-ƴɛ̀r-manbɛ!» A Ɩsɩrayɛl nãà tɩ sɔw na: «A na ɩ n zawlalɛ! Bʋ̃ʋ n'ʋ vɛ̃, a Sore n'ʋ taw tɩ wa n a ka, k'ʋʋ wa ƴãw a tɩ na-mɩnɛ tɩ za ata, a Mowab tẽw dem nuru pʋɔ.»

Sɛb-sõw yielu 118:8

A Sore naayir zɔ-kpɛb sa, fʋ na na ƴãw a fʋ tɩɛrʋ nɩsaal ƴãw a.

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Ɩzayi 49:8

À ŋá n'a a Sore yere: «A daar na wa ta a, ɩ̃ sɔw fʋ na. A faafʋ bibir na wa vɩɛ a, ɩ̃ sõw fʋ na. Ɩ̃ cɔbrɩ fʋ na k'ɩ̃ɩ ɩ fʋ ɩ a wõ-taa bom mãa nɩ a ɩ̃ nɩbɛ cará. Ɩ̃ na ɩ n a Ɩsɩrayɛl tẽw ʋ lɛb ìr, ɩ̃ɩ lɛb põ a tẽw ŋa na sãw gã a ziir.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

Sɛb-sõw yielu 37:11

Ɛcɛ a su-siwri dem na so nɩ a tẽw, bɛ na tɛr'ɩ ƴã-ɓaarʋ bɔkɔɔ!

Sɛb-sõw yielu 37:22

A bɛlɩ dem a Naaŋmɩn na mɩ́ maalɩ a, na so nɩ a tẽw, ɛ́ a bɛlɩ dem ʋ na mɩ́ ŋmɛ ƴãw a, bɛ na ír bɛ na bɛr.

Sɛb-sõw yielu 37:29

A nɩ-mɩn na so nɩ a tẽw, bɛ na kpɩɛr ʋ nɩ kʋralɛ.

Sɛb-sõw yielu 37:34

Ƴãw a fʋ tɩɛrʋ a Sore ƴãw, ɛ́ tuur a ʋ sɔ́r, ʋ na zɛw fʋ na, ɩ fʋ so a tẽw, ɛ́ fʋ na nyɛ̃ nɩ a nɩ-faar bɛ na ír bɛr a.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Zeremi 2:28

Ɛcɛ, ɩ̃ na sɔw nyɩ na: “A nyɩ ŋmɩmɛ nyɩ na maalɩ a wa?” A ìr, alɛ na na tʋ̃ɔ́ faa nyɩ a lɛn daar nyɩ nãà wa be a kpɩɛrʋ pʋɔ a! Bʋ̃ʋ n'ʋ vɛ̃, Zuda nɩbɛ ɛ, a nyɩ ŋmɩmɛ yãwmɛ na mɛ̃ a nyɩ tẽ-bɛrɛ a!”