Ɩzayi 57:11 - A SƐB-SÕW

¹¹ Ãa dɛ̃bɩ̃ɛ n'a fʋ tɩ zɔrɛ, ãa n'ʋ fʋ tɩ zɔrɛ ŋma a ziri, yiiri mɛ̃ bɛr bɛ cãà tɛr a ɩ̃ tɩɛrʋ? Mãa a, ɩ̃ ɩ n gbili a koro za, alɛ n'a so fʋ bɛ zɔrɛ mɛ̃ ɩ.

Ɩzayi 57:11 Referans Kwoze

Zʋkpaɩ 29:25

Sob nɛ na zɔrɛ a ʋ taabɛ a mɩ́ lo n bɛra pʋɔ, ɛcɛ sob nɛ na mɩ́ ƴãw a ʋ tɩ́ɛrʋ a Sore ƴãw a bɛ mɩ́ bãw damnʋ ɛ.

Sɛb-sõw yielu 50:21

À ŋá n'a fʋ ɩrɛ, ɩ̃ɩ na ɩ gbili i? Fʋ tɩ́ɛrɛ k'ɩ̃ɩ ŋmɛ̃ na mɛ̃ a fʋ̃ʋ a bɩɩ? Ɩ̃ na yere fʋ na, ɛ́ manɩ a fʋ sãwna za a fʋ niŋé.

Zeremi 3:21

Cɛlsɩ yire nɩ a maalʋ-ziir: a Ɩsɩrayɛl nɩbɛ nɛbɛ kone zɛlɛ nɩ yãayãa. Bʋ̃ʋ n'ʋ vɛ̃, bɛ tuli nɩ a sɔ́r, bɛ yiiri mɛ̃ na bɛr, a mãa, a Sore bɛ Naaŋmɩn.

Zeremi 2:32

Pɔwsɩrale na tʋ̃ɔ́ na yiiri a ʋ dɛpaal-bome bɛr ɩ? Pɔw na maalɩ kul-taa a na tʋ̃ɔ́ na yiiri a ʋ kul-taa kparʋ kpàwr bɛr ɩ? Ɛcɛ a ɩ̃ nɩbɛ yiiri mɛ̃ na bɛr koro kãw za.

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

2 Tesalonikɩ 2:9

A Faalʋ nɩr na wa n nɩ a Sɩtaana kpɛnʋ za wa maalɛ nɩ nɔ-ɓãa-yel-bʋʋrɛ za nɩ yel-bãw-guuri na tule nɩbɛ a.

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Zeremi 42:20

Nyɩ tɩ ƴãw mɛ̃ na k'ɩ̃ɩ sowri a Sore nyɩ Naaŋmɩn kaa. Nyɩ tɩ yel mɛ̃ na: “Puori a Sore tɩ Naaŋmɩn a tɩ ƴãw. Yel a lɛ tɔr za ʋ na na yel kʋ̀ b a kʋ̀ tɩ, ɛ́ tɩ na tu na.” A lɛn daar a, nyɩ bɛ tɩ tɩɛrɩ ɛ ɛ́ ƴɛ̀r, ƴãw nyɩ tʋɔra kũu pʋɔ.

Ɩzayi 30:9

Nɩ-bʋʋrɛ na gaarɩ a nɛbɛ, bibiir na ŋmarɛ ziri a, nɩbɛ na bɛ sàwr bɛrɛ wone a Sore wulu a.

Ɩzayi 26:10

Ɛcɛ bɛlɛ mɩ́ wa zɔ a nɩ-faar nɩbaalʋ a, bɛ bɛ mɩ́ zanɛ a mɩnʋ ɛ. Bɛ mɩ́ maalɛ nɩ a faa a tẽw ʋl tɔr za pʋɔ a nɩbɛ na ɩrɛ a vla a, Sore e, bɛ bɛ mɩ́ nyɛ̃ fʋ na ɩ kpɛ̃ɛ a ɩ.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Sɛb-sõw yielu 78:36

Ɛcɛ nʋɔr'ʋ bɛ mɩ́ tɩ bɛlɛ nɩ ʋ, a bɛ ƴɛ̀rʋ bɛ mɩ́ tɩ ɩ sɩza ɩ.

Ɩzayi 42:14

A Sore yere na: Koro za n'a ɩ̃ ɩ a gbili, ɩ̃ bɛ tɩ ƴɛ̀rɛ ƴɛ̀rʋ ɛ, ɩ̃ tɩ nyɔw nɩ ɩ̃ tʋɔra. Ƴɛrɛŋa a, ɩ̃ na cɩɩrɛ na. Ɩ̃ kone na, ɩ̃ vʋʋrɛ na guur, ɩ̃ vʋʋrɛ na zarɛ mɛ̃ pɔw a dɔwfʋ na ta a.

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Ɩzayi 47:7

Fʋ tɩ yere na: «Ɩ̃ na be n be kʋralɛ, ɩ̃ na ɩ n pɔw-nãà kʋralɛ». Fʋ bɛ tɩ tɩɛrɩ a yele á ŋá ɩ, fʋ bɛ tɩ tɩɛrɩ a nɩdaar ɛ.

Zeremi 38:19

A nãà Sedesɩasɩ tɩ sɔw nɩ a Zeremi: «Ɩ̃ zɔrɛ nɩ a Zuda tẽw nɩbɛ bɛl na de bɛ tʋɔra kʋ̀ a Babɩlɔn tẽw dem a dɛ̃bɩ̃ɛ. Bɛ nãà wa de m'a ƴãw a bɛ nuru pʋɔ, bɛ ɩ m la.»

Zeremi 41:18

Bʋ̃ʋ n'ʋ vɛ̃, bɛ tɩ zɔrɛ nɩ a Babɩlɔn tẽw dem dɛ̃bɩ̃ɛ, a lɛ a Yisɩmayɛl na dɛ tɩ kʋ a Gedalɩasɩ a Babɩlɔn tẽw nãà na tɩ ƴãw ʋ kaarɛ a Zuda tẽw a.

Matie 25:25

Ɩ̃ zɔ n dɛ̃bɩ̃ɛ cen tɩ tuw bɔw sɔwlɩ a fʋ libie: alɛ n'ɩ a ŋan, de a fʋ bome.”