Ɩzayi 57:10 - A SƐB-SÕW

¹⁰ Fʋ mɩ́ cen nɩ a cenu a bàl fʋ. Ɛcɛ fʋ bɛ mɩ́ yel: «Ɩ̃ na bɛr'a ɩ». Fʋ lɛb'a nyɛ̃ a fʋ fãw, fʋ tʋ̃ɔ́ nɩ a fʋ bàlʋ.

Ɩzayi 57:10 Referans Kwoze

Zeremi 2:25

“Maal ɩrɛ, Ɩsɩrayɛl i! Fʋ na ƴãw nɩ a fʋ gbɛ́ɛ bàalʋ ɛ́ a fʋ kɔkɔr ko.” Ɛcɛ fʋ sɔw na: “Nyɩ ta dɩ tuo bàlɛ nyɩ tʋɔra ɩ! Ɩ̃ nɔnɛ nɩ a ŋmɩn-sãanbɛ ɛ́ bɔbr k'ɩ̃ɩ tu a!”

Zeremi 18:12

Ɛcɛ bɛ na sɔw na: «Fʋ bàlɛ nɩ fʋ tʋɔra! Tɩ na ɩ n a lɛ tɩ na yel a, tɩ na tuur'ɩ a tɩ tɩɛr-faar.»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Ʋrɔm 7:9

A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃,

Habakukɩ 2:13

Alɛ so, vũu so a nɩ-bʋʋrɛ tome na dɩ, ɛ́ a ten ten nɩbɛ bàlɛ bɛ tʋɔra zawla. À á ŋá za a, a Sore kpɛnʋ-za-sob zie bɛ n'a a yi ɛ?

Ezekɩɛl 24:12

Ɛcɛ à á ŋá za ɩ n zawla. A bazɩ̃ɩ á ŋá za bɛ bɔrɛ a vũumí ɛ.

Zeremi 9:5

Bɛ mɩ́ ɩ n po-to-fãw-ɩb tɩ lʋ̃ɔ nɩ po-to-fãw-ɩb, ŋma ziri tɩ lʋ̃ɔ nɩ ziri. Bɛ zawr'a na bãw mɛ̃. A mãa, a Sore, mãa n'ʋ yel.»

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 2:36

Nyɛ̃ lɩɛrʋ fʋ na mɩ́ lɩɛrɩ a fʋ kpɛ-ta-tɔ mɔlɛ lɛ a! Ɛcɛ fʋ nyɛ̃ nɩ vĩ a Eziptɩ tẽw mɛ̃ a lɛ fʋ na tɩ nyɛ̃ a vĩ a Asiiri tẽw a.

Ɩzayi 47:13

Fʋ bàl'a nɩ a yã bɛ na wule fʋ a! A bɛlɩ dem na mɩ́ ŋma a salom põ ziir ziir a, a bɛlɩ dem na mɩ́ jɩ́rɛ a ŋmar-bie bãwnɛ yele a, ɛ́ cuw za bɛ mɩ́ yel a ʋlɩ bom nɛ na na ta b'a, bɛ wa wa faa fʋ!