Ɩzayi 55:8 - A SƐB-SÕW

⁸ A Sore yere na: «A nyɩ tɩɛrʋ bɛ ɩ a ɩ̃ tɩɛrʋ ɛ, ɛ́ a ɩ̃ ɩb bɛ ɩ a nyɩ dem ɛ.

Ɩzayi 55:8 Referans Kwoze

Sɛb-sõw yielu 92:5

Sore e, a fʋ tome ɩrɛ mɛ̃ nɩ nʋ̃ɔ̀, ɩ̃ mɩ́ nyɛ̃ nɩ a fʋ nuru tome ŋmɩɛr nʋ̃ɔ̀ cɛlsɩ.

Sɛb-sõw yielu 40:5

Zu-nʋ̃ɔ̀ sob'ɩ a nɩr ʋl na ƴãw a ʋ tɩɛrʋ a Sore ƴãw, ɛ́ bɛ ŋmɛlɛ kaar a pɔ̀lʋ dem a, nɩ a bɛlɩ dem na nɔnɛ a ziri ŋmab a!

A naaŋmɩn-ƴèr-manɛ Oze sɛbɛ 14:9

Efarayim i, bʋ̃ʋ n'ʋ mãa nɩ a tɩbɛ lãw? Mãa n'ʋ mɩ́ sɔw a fʋ puoru, ɛ́ kaarɛ a fʋ zie. A mãa a, ɩ̃ ɩ na mɛ̃ sɩpɩrɛ tɩɛ a váar na bɛ suore a. Mãa zie n'a a fʋ kukur bome yire.»

Ezekɩɛl 18:29

Ɛcɛ a nyɩɩm Ɩsɩrayɛl nɩbɛ, nyɩ mɩ́ yel'a: “A Sore ɩb bɛ tori ɛ.” Alɛ, Ɩsɩrayɛl nɩbɛ ɛ, mãa ɩb'a bɛ tori ɛ? A nyɩ ɩb bɛ n'a nɩ̃ɛ bɛ tori ɛ?

Sɛb-sõw yielu 25:10

A Sore nɛ́ɛ za ɩ n nɔ̃wfʋ nɩ yel-mɩŋa, a bɛlɩ dem na sàwr a ʋ wõ-taa nɛ́ɛ a ƴãw.

Ɩzayi 53:6

Tɩ za tɩ bɔrɛ na gʋɔr mɛ̃ píir a, ŋa tuur ʋ sɔ́r, ŋa tuur ʋ sɔ́r. Ɛcɛ a Sore ɩ na a tɩ za sãwna lo a ʋ zu.

Zʋkpaɩ 21:8

A nɩ-kʋrɛ ɩb mɩ́ gõgoli na, ɛcɛ a nɩ-vla ɩ-ɩrɩ mɩ́ tori na.

Zʋkpaɩ 25:3

Tɩ kʋ̃ tʋ̃ɔ́ bãw a salom kɛrʋ nɩ a tẽsɔw zulu ɛ. Lɛ mɩ̀ n'a tɩ mɩ̀ kʋ̃ tʋ̃ɔ́ bãw a na-mɩnɛ socie ɩ.

2 Samɩɛl 7:19

Ɛcɛ, Sore Naaŋmɩn i, a fʋ̃ʋ zie a, a cãà bɛ ɩ bom ɛ, fʋ ƴãw nʋɔr kɛ́ fʋ na maal'ɩ a ɩ̃ yir a nɩdaar. A sɛw na kɛ́ fʋ ɩrɛ à ŋá nɩsaal zie bɩɩ?

Zeremi 3:1

A Sore yel'a: A ɩ mɛ̃ dɛb zawr'ɩ a ʋ pɔw bɛr, ʋ yi a ʋ zie tɩ kul dɛb-yũo a, ʋ tɛr'ɩ sɔ́r na lɛb kul a pɔw ŋa a? Ʋ̃ʋ'hʋ̃! A tẽw na dɛw nɩ ʋ za. Ɛcɛ a fʋ̃ʋ a, Ɩsɩrayɛl i, fʋ tõ n pɔw-yɛm tome nɩ nɩ-yaga ɛ́ bɔbr kɛ́ fʋ lɛb wa a ɩ̃ zie! A Sore n'ʋ yel.

Sɛb-sõw yielu 33:11

Ɛcɛ a lɛ a Sore na bɔbr a gã nɩ kʋralɛ, ɛ́ a lɛ ʋ na tɩɛr k'ʋʋ ɩ a, be n be yome yome za.

Ɩzayi 14:24

A Sore, a kpɛnʋ-za-sob, pɔ na yel à ŋá: «A lɛ ɩ na tɩ́ɛrɩ a, lɛ n'a a na ɩ, a lɛ ɩ̃ na yel a, lɛ n'a na maalɩ.

Ɩzayi 58:13

A Sore yere na: «Fʋ̃ʋ wa bɛr a fʋ zi-ceni a pɩ̃ɛnʋ-bibir a, fʋ̃ʋ wa bɛr a fʋ yele zie kaafʋ a ɩ̃ bibi-sõw bibir a, fʋ̃ʋ wa bʋɔlɛ a pɩ̃ɛnʋ-bibir “Nʋ̃ɔ̀”, a Sore bibir “Bibi-ƴãwna”, ɛ́ sɩrɩ ƴãwnɛ ʋ, mɩ́ bɛr a zi-ceni, a yele zie kaafʋ, a nɔkpɛn na bɛ tɛr baarʋ a,

Ɩzayi 65:2

Ɩ̃ tur'ɩ nũu kʋralɛ cɔw nɩ-bʋʋrɛ na gaarɩ a, nɩbɛ na tuur sɔr-faa ɛ́ ɩrɛ lɛ tɛwr bɛ na tɩɛrɛ a.

Ɩzayi 66:18

A Sore yere na: «Ɩ̃ bãw nɩ a alɩ bome nɛ bɛ na ɩrɛ a, nɩ a alɩ bome nɛ bɛ na tɩɛrɛ a. Ɩ̃ waar'a k'ɩ̃ɩ wa ɓã a nɩ-bʋʋrɛ za na ƴɛ̀rɛ ƴɛ̀r-pɛ-bʋʋrɛ za a taa.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»

2 Na-mɩnɛ 5:11

A Naaman tɩ nyɛ̃ nɩ suur tɔl cen nɩ. Ʋ tɩ yere na: «Ɩ̃ tɩ tɩ́ɛrɛ k'aa naaŋmɩn-ƴɛ̀r-manɛ na yi n a ʋ yir wa àr a ɩ̃ niŋé, puori a Sore ʋ Naaŋmɩn, ír a ʋ nũu tɔ n a zi-bàal, ɛ́ sanɩ a ɩ̃ kɔnʋ.

A Zɔb sɛbɛ 35:5

Jɩ́r a salom vla, bɛl a zũzuge kaa: a do na gãw fʋ pol pol!