Biblia Todo Logo
Bib sou entènèt

- Piblisite -




Ɩzayi 55:7 - A SƐB-SÕW

7 A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Gade chapit la Kopi




Ɩzayi 55:7
61 Referans Kwoze  

Nɩr na sɔwlɛ a ʋ sãwna bɛrɛ a, a ʋ yel kãw za kʋ̃ maal ɛ, ɛcɛ nɩr na bãw a ʋ sãwna, ɛ́ zawr'ʋ bɛr a, ʋ na páw nɩ suur-dɩ-kʋ̀b.


Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»


A fʋ nɩ-gaara ɩ-ɩrɩ a, ɩ̃ ɩ na a bɔr mɛ̃ zũzuwr a, ɛ́ a fʋ sãwna baarɩ mɛ̃ ulu a. Lɛb wa a ɩ̃ zie, ɩ̃ ɩ n a fʋ ya-diere.»


A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.


Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.


a lɛn daar a, a ɩ̃ nɩ-bʋʋrɛ, a nɩ-bʋʋrɛ bɛl ɩ̃ na kʋ̀ a ɩ̃ yúor a, bɛlɛ wa siwri bɛ tʋɔra ɛ́ puore a, bɛlɛ wa bɔbr mɛ̃, ɛ́ zawrɩ a bɛ ɩ-faar bɛr a, a mãa, ɩ̃ na be n a salom zu ɛ́ bɛr wõ bɛ, ɩ̃ na dɩ n a bɛ yel-bebe suur kʋ̀ bɛ, ɛ́ lɛb maalɩ a tẽw ƴãw.


A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.


«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?


Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?


Nyɩ cen tɩ zànɩ a Sɛb-sõw ƴɛ̀r-bie á ŋá pɛr: “Nɩbaal-zɔba n'a ɩ̃ bɔbr, bàwr bɛ n'a ɩ.” Ɩ̃ sɩrɩ bɛ wa k'ɩ̃ɩ wa bʋɔlɩ nɩbɛ na tɩɛrɛ kɛ́ bɛ ɩ n nɩ-mɩn a ɩ, nɩbɛ na bãw kɛ́ bɛ ɩ n yel-bebe dem a bʋɔlʋ n'a ɩ̃ wa.»


Mãa tɩ ɩ mɛ̃ ɩ̃ tɛr'ɩ pʋ-tɩɛr-faa a, a Sore kʋ̃ʋ bɛr wõ m ɛ.


Ɩ̃ nɩ̃ɛ na tɩ ìr tĩ a Damasɩ tẽw be, nɩ a Zerizalɛm nɩ a Zude tẽw za pʋɔ, tɩ lʋ̃ɔ nɩ a nɩ-bʋʋr-yoru ten pʋɔ, hiere kɛ́ a fɛr'a kɛ́ bɛ lɩɛbɩ a bɛ ɩb ɛ́ lɛb wa a Naaŋmɩn zie, wa vʋʋrɛ nyɔ-vʋʋrʋ na wul kɛ́ bɛ lɩɛbɩ a bɛ ɩb a.


bʋ̃ʋ n'ʋ vɛ̃, a ɩ̃ bidɛb ŋa tɩ kpi na, ɛ́ lɛb wa vʋʋrɛ, ʋ tɩ bɔr'a, ɩ̃ɩ lɛb wa nyɛ̃ ʋ.” Bɛ tɩ nyɔw nɩ a cuw dɩb.»


Mãa wa yere kʋ̀rɛ fʋ k'ʋʋ páw nɩ a ʋ yel-bebe na yãwmɛ bɛ dɩ vuo a suur a, ʋ na wul nɔ̃wfʋ yaga a n'a so. Ɛcɛ sob nɛ bɛ na mɩ́ dɩ suur kʋ̀ blã a, ʋ mɩ́ wul'ɩ nɔ̃wfʋ blã.»


A yel-faar á ŋá za a, a nɩsaal pʋ̃ɔmɩ n'a a mɩ́ yi dɛwr a nɩsaal.»


A tan saa na ìr tɩ àr zi-yoru, ɛ́ a tãli damnɛ a, a nɔ̃wfʋ ɩ̃ na nɔnɛ fʋ a bɛ lɩɛbɛ towtow ɛ, a wõ-taa ɩ̃ na maal'ɩ fʋ a fʋ nʋ̃ɔ̀ ƴãw a, kʋ̃ bãw damnʋ towtow ɛ. A mãa, a Sore, mãa n'ʋ yere a lɛ kʋ̀rɛ fʋ, mãa na tɛr a ɩ̃ su-ɓaarʋ a fʋ zie a.»


Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.


Sɩza n'a, a nɩsaal pʋ̃ɔmɩ, a ʋ socir pʋɔ n'a a tɩɛr-faar za mɩ́ yi: a nɩ-fa-ɩb, a nyãnyuwlu, a nɩbɛ kʋb,


Ɩsɩrayɛl nɩbɛ ɛ, nyɩ ƴãw a nyɩ tɩɛrʋ a Sore ƴãw, bʋ̃ʋ n'ʋ vɛ̃, ʋ ɩ n nɩ-vla, ʋl zie n'a a faafʋ be yaga za.


Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.


Al pùorí, pʋ-tɩɛrʋ bʋ̃-bɔbra za na bɛ vɩɛl a mɩ́ tɛr'ɩ pʋɔ dɔw a yel-bier, ɛ́ a yel-bier wa kɛrɩ tɩ ta a ʋ tab zie a, ʋ mɩ́ dɔw nɩ a kũu.


A nɩ-bɛ-tɛr-bir ʋl a, a ʋ ɩ-ɩrɩ mɩ́ ɩ n nɩ-kʋ ɩ-ɩrɩ. Ʋ mɩ́ cɔbr'ɩ cɔbrʋ k'ʋʋ ŋma ziri kʋ n a nan dem. Ɛcɛ a bãbàalbɛ bɛ ŋa a, a alɩ bome nɛ ƴãw bɛ na tɛr sɔ́r a, al tɛwr'a bɛ mɩ́ yel kɛ́ bɛ kʋ̀ bɛ.


A Sore tɩ nyɛ̃ na k'aa nɩsaalbɛ faalʋ bɛrmɛ nɩ a tẽw zu, kɛ́ bibir za a, tɩɛr-faar tɛwr tɩɛrʋ n'a mɩ́ be a bɛ socie pʋɔ.


Nyɩ ta mɩ́ tɩ́ɛrɛ kɛ́ nyɩ maalɩ taa faa ɩ, nyɩ zawrɩ a pɔ-ziri pɔb, bʋ̃ʋ n'ʋ vɛ̃, ɩ̃ bɛ nɔnɛ a yele á ŋá taabɛ ɩ, mãa n'ʋ yere, a mãa Sore.»


Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.


A nyɩ gbɛ́ɛ zɔrɛ na wɩɛr a faa maalʋ, nyɩ zɔrɛ na páwr a nɩr na bɛ sãw a kʋb ƴãw. Faa maalʋ tɩɛrʋ tɛwr'a nyɩ tɩɛrɛ. Zie nɛ za nyɩ na tɔlɛ a, a mɩ́ ɩ n po-to-fãw-ɩb nɩ yel-sãwnɩ.


Nyɩmɛ wa sàw bɛrɛ wone a, nyɩ na dɩrɛ nɩ a tẽw bʋ̃-nʋʋr.


A Sore na zɔ n a Zakɔb bʋʋrɛ nɩbaalʋ, ʋ na cãà na wul k'ʋʋ kaa na ír a Ɩsɩrayɛl. Ʋ na ɩ na a Ɩsɩrayɛl nɩbɛ lɛb zɩ̃ a bɛ tẽw pʋɔ. A nʋʋrɩ na lãw nɩ bɛ na pʋɔ a Zakɔb nɩbɛ pʋɔ.


Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie.


Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.


A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.


Alɛ n'a so, yel kʋ̀ a Ɩsɩrayɛl nɩbɛ: “A Sore Naaŋmɩn zɛlɛ nyɩ na kɛ́ nyɩ lɩɛbɩ a nyɩ nyɔ-vʋʋrʋ, kɛ́ nyɩ ír nũu ɛ́ bɛr a nyɩ ŋmɩn-bɛlɛbɛlɛ, kɛ́ nyɩ ŋmɛlɩ kpaar cɔw a nyɩ ɩb na bɛ maal'ɩ wob a.”


tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.


Ɛcɛ a bɛ kpɩɛrʋ pʋɔ a, bɛ lɛb'a wa a Sore, a Ɩsɩrayɛl Naaŋmɩn zie. Bɛ bɔ ʋ na, ʋʋ bɛr bɛ nyɛ̃ ʋ.


A nɩbɛ bɛ na tõ a tɩ zɔ na cɔlɩ a Ɩsɩrayɛl naalʋ-tẽw nɩ a Zuda naalʋ-tẽw nɩ a sɛb-tʋɔlɩ a nãà nɩ a ʋ tõ-tõ-bi-bɛrɛ na tɩ sɛb a. A nãà tɩ yel'a kɛ́ bɛ hieri yel à ŋá: «Ɩsɩrayɛl nɩbɛ ɛ, nyɩɩm na cɩ̃ɛ a Asiiri tẽw nãà bɛ páw nyɩ kʋ a, nyɩ lɛb wa a Sore, a Abraham Naaŋmɩn, a Ɩzaakɩ Naaŋmɩn nɩ a Zakɔb Naaŋmɩn zie, ʋʋ na lɛb'a wa a nyɩ zie.


ɛ́ zɛlɩ ʋ k'ʋʋ zɔ ʋ nɩbaalʋ. A Naaŋmɩn tɩ bɛr'ɩ a ʋ puoru tɔ ʋ: ʋ tɩ sàw na de a ʋ zɛlʋ, ɛ́ lɛb tɛr ʋ wa n a Zerizalɛm lɛb wa zɩɩlɩ ʋ a ʋ naalʋ pʋɔ. Lɛ n'a a Manase tɩ bãw k'aa Sore n'ɩ a Naaŋmɩn-been yõ sɩza.


Fʋ̃ʋ wa lɛb wa a Kpɛnʋ-za-sob zie a, ʋ na lɛb'a maalɩ fʋ ƴãw. Taa pɩɛlɛ faalʋ kãw za ɩ.


Ɛcɛ a fʋ zie n'a a suur-dɩ-kʋ̀b be, kɛ́ bɛ tʋ̃ɔ́ mɩ́ zɔrɛ fʋ.


A zi-gùre sɔw: «A biɓaara tarɛ na, al pùorí a tɩ̃ɩsɔw lɛb waar. Nyɩmɛ wa bɔbr kɛ́ nyɩ lɛb sowri a, nyɩ sowri, ɛ́ a pùorí nyɩ lɛb wa daar kãw.»


Bibiir a tɩɛrʋ na lɩɛbɛ a, nyɩ lɛb wa, a Sore n'ʋ yere, bʋ̃ʋ n'ʋ vɛ̃, mãa n'ʋ ɩ a nyɩ zu-sob! Ɩ̃ na de nyɩ na, nɩ-been tẽ-kpɛ̃ɛ pʋɔ, nɩbɛ ayi tẽle pʋɔ, ɩ̃ɩ na lɛb'a tɛr nyɩ wa n a Sɩyɔ̃ tẽw pʋɔ.


Tɩ maal jieli a tɩ ɩb kaa vla, ɛ́ lɛb wa a Sore zie.


Swiv nou:

Piblisite


Piblisite